off topic 一提
就連有版友講既航天技術都係 當年蘇共既協助
同埋多次派出往美國既間諜
先有咁大進步
過往中國發射火箭/太空船都多次發生過事故同失誤
以上言論既證據全部都可以響google 搵得到
既然light rail system 係跟澳洲
就應該買番澳洲貨
以減少風險 |
|
|
|
|
|
|
|
|
中國大陸雖被稱為"世界工廠", 實際上要加"低質素"呢幾個字响前面, 咁就更清晰. 如果d野係高質素既話, 點會賣唔到錢? 攪到d工人人工仲係咁低?
除左當年四大發明之外, 中國大陸仲有咩R&D完出黎既產物係出名? 睇怕無...
鐵路車輛, 雖則有外資入大陸開廠砌車, 但小弟睇過一d文章, 某些出名既鐵路車輛大製造商高層, 都唔太想做中國大陸生意, 原因係"技術轉移"條款... 為左生意, 要雙手送上自家用天文數字資源去鑽研出黎既核心價值給中國大陸, 眼白白睇住自已既野, 俾中國大陸係咁二改少少加少少, 就變成中國大陸"自主研發"產物, 有邊個會覺得咁做係值得...? 鐵路車輛如事, 信號系統亦如事...
到鐵路運作, 物又係抄... 港鐵做得好, 物批俾港鐵做二三十年囉... 又一個技術轉移例子... 中國大陸唔識做嗎? 點會唔識! 只係做得差姐... 想進步又唔去做R&D, 物唯有抄囉...
輕鐵四期, 按以往經驗, 就算唔係內地做, 新落地都一樣問題多多, 只不過返車時會"高質素"過內地製造咁解... 不論一二三期車, 頭一年春夏秋冬都可以發唔同既問題事故出黎考人...
係咪貪平, 在下 no comment, 就算真係要澳洲當地出品, 千幾萬一卡車呢個價唔會有好大上落...
總結一句, 盡量响出黎載客之前爆晒d鑊出黎就最好, 免得少少地出黎做轉特車至黎出事, 上報紙頭條"新輕鐵故障動彈不得 二百乘客被困幾小時"... 有人想越快出黎行越好, 但在下就唔恨搭勒, 免得做首批出事被困者... |
|
|
|
|
|
|
|
|
曾幾何時, 有一個傳說, 話香港向某工廠買鐵路車輛同巴士, 挽救左間公司,
而呢間公司賣俾港人既, 都唔係乜好野.
有關車輛設計, 以產地來設計標準, 但對於香港既濕熱環境, 結果令維修部
都好濕熱! 尤其係個風冷散熱! 後來東洋某公司仗義送出部份設備, 以期望
未來得到相關設備的訂單, 據說有關設備比原產國既好得多了!
而有關公司行走百年鐵路既車輛, 發現因燒焊問題, 發生一連串事件, 引致
有關鐵路公司加速滅亡!
最勁既, 要數該公司買既東洋列車, 雖然價格高貴, 而且備受各方好評, 但就
發生了一次隧道火警, 為世界鐵路歷史中, 記下珍貴既一頁!
某一年, 因為玫瑰園而大興土木, 結果係荒島起左條鐵路, 買左批流線型動
感列車, 不過亦令工程人員相當流淚, 早幾年下雨流淚, 車輪鎖死頻出狀況,
不過唔夠初期行行下度門彈開少少咁好野!
不可不提現在鐵路公司使用中既朝鮮車輛, 據說當年受眾FANS非議, 又話
提早老化, 話極CHEAP, 總之一個字--差, 唯至今仍未發生重大事故, 因此
仍受有關人士極力監察, 期待有關預言終能實現.
近日有國產車輛到港, 實為鐵路界既大事, 事實上, 現時正在進行測驗, 而測
試中發現的問題, 對於以後量產時更為重要, 現在既問題, 是設計, 用料, 還是
裝工, 無人有答案, 但一口咬定國產水準有問題, 確實不公平, 請留意, 有關車
輛有否在國內進行過動態測試, 還是一併在港進行實地測試, 既然是測試, 當
然越早找越多問題最好. 請留意, 有關廠商都是首次合作, 因此有問題是唔出
奇, 只能怪選標時為什麼了! 澳洲廠既質素, 加上新合作國內廠商, 當然有一定
風險了!
近年國內高速車輛唔係無R&D, 而係經過大白沙, 藍箭到中華之星, 真的有點
成果, 可惜經過了里數測試, 到鐵路部大員試乘前發生狀況, 而有關狀況據說
是因為外國供應商的問題, 但最終我國決定購入各國貨色, 名為CRH! 當然我
對於所謂自主研發有點反感, 不過利用技術轉移不失為快捷又安全既方法, 因
此國內高鐵網極速建立, 配合經濟發展! 而未來只會更快更多, 而有關轉移, 係
商業合作, 你情我願. 為什麼其他日商唔參與, 請留意有關參與廠既財政! 事實
上個市場咁大, 很多各國廠商希望參與, 而全球化亦將分工放在唔同國家.
以前, 日本同韓國都係平價既代名詞, 今天那代表高科技, 而中國製造已經佔有
大家大部份的用品. 有外國人甚至發現唔用中國製品, 真係好困難! 而大勢就係
咁, 無論你願唔願意, 中國製造會全面進入香港市場, 由組裝到全製造, 而當然要
俾機會國內廠商去成長, 留意未來我國城軌車輛需求, 根本應接不暇, 而且大把
機會作試驗, 而且近期已經開始有全國產車輛出現! 香港市場, 只要作為與國際
標準既踏腳石而已, 但對提升國內產品水平是好重要的! 而國內好需要這些經驗,
如有留意, 單是廣州深圳既地鐵里數, 未來十年已經超過香港, 而全國總里數, 更
是幾何級數, 唔用香港, 只是國內需要, 已經可以養起不少R&D, 而未來只會更好
唔會退步, 我地今日仲可以話香港既營運水平高, 但留意上海, 無論引入車輛, 改
造車輛都已經有好多唔同經驗, 這都令有關廠商增加相關經驗, 6改8直改交, 真
係原本天方夜譚架!
所以大家無必要投入感情因素, 中肯一點, 有錯有問題便指出, 而唔係感性地話佢
破車, 那便無機會給他們成長了! 正如頭幾段, 人誰無過, 千九車爆炸起火無人話,
我覺得真係好危險, 如果人多點, 火勢漫延, 或者車長唔機警, 真係人命黎架! 我又
可唔可以話日本車好差好唔安全, 連報告都話製造商既問題, 有証有據! 誠然國產
車輛有進步空間, 不過快速地提升亦是事實, 更加一樣, 無論你感覺如何, 好快國
產車輛會成為港鐵一份子, 成為好多香港人生活既一部分, 這是不爭既事實!
[ 本帖最後由 solomon 於 2009-9-6 22:35 編輯 ] |
評分
-
查看全部評分
|
|
|
|
|
|
|
|
原帖由 solomon 於 2009-9-6 22:31 發表 
曾幾何時, 有一個傳說, 話香港向某工廠買鐵路車輛同巴士, 挽救左間公司,
而呢間公司賣俾港人既, 都唔係乜好野.
有關車輛設計, 以產地來設計標準, 但對於香港既濕熱環境, 結果令維修部
都好濕熱! 尤其係個風冷散熱! ...
不過當年見到張tender俾o左United Group，已經暗叫不妙，再收到風話United Group將批車搬去中國裝，就知等出事...
呢架o野出廠日期一再延誤，就算所謂出廠，都係甩甩漏漏咁運落香港逐樣執，而香港班同事就發覺越執越唔對路。
睇返兩鐵購買列車歷史，確實SP1900有較佳評價，雖然轉向架曾經不正常耗損同集電設備火警，但廠商都好快將問題修正。反而批K stock，今時今日o係觀塘線起步同埋站都係搖到成車客企唔穩，大嶼山批A stock更加爽，洗車o個時位TO要開雨傘...
不過無法，MTR當時要拉隴United Group"方便"投MEL鐵路營運權，呢次輕鐵批新車有排嘆！ |
|
|
|
|
|
|
|
|
總之呢單野傳出去
唔排除d傳媒,議員會抄作一番 |
|
|
|
|
|
|
|
|
原帖由 053h4 於 2009-9-6 23:33 發表
本人對鐵路認識有限, 以下係一般認識下作的推論
轉向架的不正常耗損主要係同輪軌交互作用有關, 因為不能在設計環境完全模疑, 通當日常運行會發現一些問題
需按情況調整轉向架的設定
電器設備火警涉及安全, 但並不 ...
SP1900批轉向架，傳聞最尾要成批換，但間廠肯食呢堆cost，所以無俾人將軍...
而K stock，雖然話係軟件微調問題，其實硬件亦可花點功夫改善，等班客特別係繁忙時間唔駛踩到其他乘客咁慘，只係前地鐵唔肯花時間攪。
亦因為唔肯花時間攪，令到將軍澳線唔敢放K stock落去長期跑(亦同將軍澳車廠維修合約有關，咁橋，又係United Group)，7年o黎列車行駛噪音連班TO都頂唔順... |
|
|
|
|
|
|
|
|
原帖由 rickywk 於 2009-9-7 00:02 發表
SP1900批轉向架，傳聞最尾要成批換，但間廠肯食呢堆cost，所以無俾人將軍...
而K stock，雖然話係軟件微調問題，其實硬件亦可花點功夫改善，等班客特別係繁忙時間唔駛踩到其他乘客咁慘，只係前地鐵唔肯花時間攪。
亦因為唔肯花時 ...
SP1900 轉向架出了甚麼問題?
未知有冇板友肯講出來龍去脈? |
|
|
100th Anniversary KCR - The Way Ahead
|
|
|
|
|
|
原帖由 Eddie 於 2009-9-6 23:37 發表 
總之呢單野傳出去
唔排除d傳媒,議員會抄作一番
由簽合約o個時川重變御萊特，到宜家交o左車o黎香港試車甩甩漏漏仲試到出軌，如果俾西方月亮生果 le o的報紙知道o左，睇怕班高層都唔知要作幾多故仔先夠自圓其說。 |
|
|
公器公用 香港早要有品
|
|
|
|
|
|
|
Advertisement
Advertisement
Advertisement
Advertisement
Advertisement
|
