行政會議通過觀塘延線及南港島線, 2011年中動工

政府新聞網新聞稿:
觀塘延線南港島線明年動工

<<明報>>新聞:
兩鐵路線成本暴增三至八成 特首行會批准觀塘延線南港島線

--希望議會能盡快通過賬目吧.

沙中線呢...

原帖由 OTIS401 於 2010-12-1 10:00 發表
沙中線呢...

沙中線,慢慢等啦,10年後都未必開到.
講真,當年高鐵,班80後都話造價貴和影響菜園村而反對,又絕食又靜坐,好彩民徑聯夠硬淨.而家沙中線造價仲貴過高鐵,班80後係咪應該出來反對呢?

原帖由 FBI2 於 2010-12-1 10:38 發表
沙中線,慢慢等啦,10年後都未必開到.
講真,當年高鐵,班80後都話造價貴和影響菜園村而反對,又絕食又靜坐,好彩民徑聯夠硬淨.而家沙中線造價仲貴過高鐵,班80後係咪應該出來反對呢? ...

一講沙中線, 就梗有人出來抽高鐵水

社會大多數人有共識要起沙中線, 反對者佔比例少,
其理據亦較高鐵來得薄弱

沙中線的爭議聲音, 較大的只係響車站位置(上路定下路)
其他都係比較地區層面的

原帖由 Quanta 於 2010-12-1 11:02 發表


一講沙中線, 就梗有人出來抽高鐵水

社會大多數人有共識要起沙中線, 反對者佔比例少,
其理據亦較高鐵來得薄弱

沙中線的爭議聲音, 較大的只係響車站位置(上路定下路)
其他都係比較地區層面的 ...

沒有來個全民公決的話，高鐵或沙中線是否多人支持，無人說得準。

沙中線，正如高鐵一樣，可以在政府以為阻力不多時，才突然爆出一堆炸彈，
炸彈爆唔爆、幾時爆、爆幾大，完全操控在放炸彈的人手上。

正如我自己會因沙中線而受惠，但要堅決起上來，我可以因大磡村古跡不保而反對，
可以因轉乘安排不佳而反對，可以因馬鐵不過海而反對，可以因臨時填海而反對，
可以因為無人諮詢過「我」而反對，可以因為會cut巴士線而反對，
可以一直唔出聲到開工時才去阻工程，但又可以放低小我為整體利益而支持，
世事不是非黑即白，人也不是非壞即好，
若果要please everyone的話只會一事無成，到頭來no one is pleased。

土瓜灣一帶，唔知有幾多樓係新樓等到拆樓，都未見到沙中線呢？

我個人則是熱切期待任何新鐵路落成，第時去黃埔唔使行一大段路去搭巴士。
南港島線，希望西段都盡快搞掂......或者如某板友話齋，縮去華富當branchline都好丫。
其實南港島線東段，一拉拉到去金鐘，唔知係唔係預計數碼港出西環一段起唔成。

[ 本帖最後由 DIH 於 2010-12-1 12:49 編輯 ]

大家唔好咁開心住,. 3條線都超支, 睇黎有排嘈
仲有邊個話沙中線冇人反對? 之前都有人搞遊行反沙中線啦

仲有沙中線有填海, 又要拆同重置唔少野同收回地職, 仲有大量通風口, 加上上蓋、車站選址
話大部分人都贊成起, 係自己扼自己

[ 本帖最後由 a_drew 於 2010-12-1 13:05 編輯 ]

原帖由 053h4 於 2010-12-1 11:29 發表
沙中線造價可能直迫700億，有無咁易批又過到所謂關注人仕，到時留意下啦，理據強定弱，根本同立場有關

沙中線咪又係要通過郊野公園，又通過樓宇地層，而且土瓜灣樓宇倒塌事故，係少收鄉郊土地但要填海 ...

你同自稱專業聯盟/公民黨 講晒氣, 佢地有邊樣基建係一致贊成起?
佢地要抽水, 撈利益、玩手段都唔好用人民福趾黎玩啦

原帖由 a_drew 於 2010-12-1 13:02 發表
仲有沙中線有填海, 又要拆同重置唔少野同收回地職, 仲有大量通風口, 加上上蓋、車站選址
話大部分人都贊成起,  ...

講真,反對起沙中線嘅多數都係環保團體
環保團體識得利用傳媒去煲大件事
呢d先最影響沙中線動工日期

一般市民反對嘅唔係整個項目,而係"芝麻綠豆"嘅事
(e.g.站/出口/通風口位置)
正如以前九龍城都爭取沙中線駁出口
結果都如願以償,港鐵未來會喺九龍城舊區設一出口

到時港島西/南線相繼落成後, 但又未有沙中線作分流之前,
睇吓金鐘站會塞人塞成點...