建議重組沙田來往西九龍的巴士線

原帖由 S3BL100 於 2011-12-31 01:15 發表 http://www.hkitalk.net/HKiTalk2/images/common/back.gif

再貼多次我心目中的方案：

87D 烏溪沙鐵路站 - 尖東麼地道（經雅景台、亞公角、濱景、第一城、青沙）
87X 錦英苑 - 尖東麼地道（經馬鞍山巿中心、耀安、獅隧）

揀87X行獅隧主要係為左照顧返前往窩打老道的乘客，同時可以令兩線快慢配合得宜。

87D作為線王，唔需要好似其他客少班次疏既線咁大改

我會諗開條87D輔助(特快)線，取消(部分)原有特車，再係車隊抽幾架車做，就足以繁時維持15分鐘一班
對於87D既班次影響較為輕微，又唔需要大改就提供到一條特快線
(有d時段返新界，87D拖卡問題都幾嚴重(空載率高)，分流某程度上可以解決)

呢條輔助線係尖碼開，行窩打老道(跟81C)(連映月台、九龍塘鐵路站都唔停，上天橋)，獅隧後直入耀安，返錦英
(如果要行青沙，亦可以考慮跟269B咁行，但效益唔會咁大)
全程行車時間預計不多於55分鐘(以87D下繁返錦英全程69分鐘推斷)，既可以食到搭小輪既客，又可以做埋特快線既角色
要過區議會既阻力相信會比樓主既方案為低，乘客接受程度亦較為高

原帖由 dippy 於 2011-12-31 11:50 發表 http://www.hkitalk.net/HKiTalk2/images/common/back.gif


但係有個好技術性既問題
成段彌敦道最多客係尖咀段同旺角段
如果拆走尖咀段(DIH既280X行法或81C行法)都無可避免令到87D尖咀段空載問題嚴重
而且非繁時即使81C定280X都唔會期望非常好客
相對地85X既定線會比較好,  ...

87D輔助線(87X)只係輔助性質，主力仍以87D為主
無疑87D尖咀段客量可能過左去87X，但同時令到太子、九龍塘既頂閘問題得以紓緩(令到原本上唔到車既客上到車)
而且87X亦會吸到港鐵/過海客，只係簡單咁運用現有87D既資源就超出現有得益，無須作出大重組
整體上九巴係有賺

87X係有力與港鐵競爭，但如果用85X延長尖咀，絕對做唔到87X既特快，分流亦唔理想
而且面對加價問題，對原有85X既乘客做成不公

用循環線作為重組方案，係牽涉技術性問題，一條線只係得一個班次，唔能夠充分運用資源
始終唔同方向客量係唔同，需要不同班次作出配合(例如私牌加密某方向班次)
服務時間亦須調整(如果早開，原有尾車乘客受影響；如果遲開，將會與通宵線既服務時間重疊)
因為行車時間過長，我覺得係難以參考27既運作模式

閣下既方案某程度上係俾個氹自己踩，要解決連串衍生既問題先達到理想既效果
相對地可行性就較低

原帖由 GL3789 於 2011-12-31 09:32 發表 http://www.hkitalk.net/HKiTalk2/images/common/back.gif

呢條輔助線係尖碼開，行窩打老道(跟81C)(連映月台、九龍塘鐵路站都唔停，上天橋)，獅隧後直入耀安，返錦英
(如果要行青沙，亦可以考慮跟269B咁行，但效益唔會咁大)
全程行車時間預計不多於55分鐘(以87D下繁返錦英全程69分鐘推斷)，既可以食到搭小輪既客，又可以做埋特快線既角色
要過區議會既阻力相信會比樓主既方案為低，乘客接受程度亦較為高

咁當然我拆線同埋你開特車的考慮唔同，好難直接比較，
而我自己亦同意87D其實無必要搞，我只係話如果搞的話，拆開兩條，
做埋雅景台同耀安、新港城後面（搶返807K客）同埋烏溪沙，又全日縮減巿中心行車時間，都值得考慮。

當然，如果係開特車的話，窩打老道特車個構思唔錯，
但係我唔係太同意條線由尖碼開，因為除非開車時段撞正680X/681對家時段，
否則一定搶到681客，收少好多錢（$19 vs $8.5），對九巴無著數。

原帖由 dippy 於 2011-12-31 11:43 發表 http://www.hkitalk.net/HKiTalk2/images/common/back.gif
2. 配額制係為左令到主要街道既車流減少, 無實質既經濟價值
就如開辦287X既建議都無減到彌敦道既線, 所以配額唔同小巴牌的士牌有價有市, 當然亦都唔可以買賣
3. 依家既5, 215X等經尖咀同土瓜灣既線都無行彌敦道, 唔係唔係大問題囉, 而新服務尖咀既線為85X, 咁當然87D同282X都唔會經彌敦道啦

我個point唔係經濟價值，而係唔值得為左咁改而搞到無左原本搭巴士最方便的彌敦道客，
仲除時要交返quota俾政府。

唔好拎5同215X比，兩條線都係主打尖東特快，途經唔少無港鐵的地區，
而5仔返彩虹/215X返觀塘的行車時間比起港鐵有絕對優勢。
但係85X唔同，拉去尖咀，行紅磡、土瓜灣、九龍城返馬鞍山，入得隧道果陣，
坐港鐵可能已經差唔多返到屋企。
87D而家尖東無客但係彌敦道大把客，正正就係因為尖東搭西鐵線轉東鐵線再轉馬鐵
太方便而且唔慢，而彌敦道仲要行多一段路過去。
而家你將馬鞍山線夾硬搬去尖東/梳士巴利道先有得搭，彌敦道果班客行得去巴士站，
點解唔行埋落地底搭鐵路算數，又快又可以接近全程有位坐？
北京道至佐敦道之間一段彌敦道仲慘，要行幾耐？
當然，你咁定線可以方便到廣東道，但係呢班客反正而家都係行出去搭87D架啦。
因此你咁改線，唔入彌敦道，結果只會得不償失。

但82K個niche比較適合用小巴行囉, 開條分支小巴比四美-威院就已經無問題
學生都主要係撘馬鐵
即使補償番個88K-80K/83K都OK
而大圍/四美-威院都可以坐80K, 行河西唔比河東慢太多, 而且80K都比較密

仲有新田圍來往威院呢？大圍/新田圍來往黃泥頭呢？

小巴做唔到低地台，而82K返放學時段亦可以打爆。

咁大家既前提好唔同, 我既前提係令最多人的效率提昇
從而令到成個區既平均效率可以最大化囉
在可行的情況下儘量減低影響
即係你畫線時係先諗點樣照顧哂咁多個區
我就係諗點樣令到各區最大部份既乘客可以最快去到目的地

因為85X快唔過鐵路返馬鞍山，而原有乘客行出去搭85X，全程時間同
原站等87D只係相若，因此你呢點已經唔成立，咁改即係送客俾港鐵。

雖則話尖西同尖東都係同一個區，但係港鐵站擺位已經影響一切。

首先, 你美林出九龍加6.1分段係想令到原有乘客平D
咁當然我條281X都可以同9一樣總站後第一個站收番6.1(火岩山尾街同火岩村, 禾輋總站7.1)
回程都可以山東街站開始加分段
所以你既邏緝套落我既281X一樣work

再次提番你, 如果仲記得80入美田既事件
美田美林區對於有得揀位坐有訴求
相反顯田區就抱怨87B等得耐同慢亦都渴望有青沙線
咁先美田後顯田會比較易搞, 對行車時間又唔大影響

81S少人坐係因為行出村口有條5分鐘/班既81, 又快又密
81S等完半個鐘我行出去已經出到馬騮山了

你條281X，回程山東街加分段的話，山東街之前一樣要俾貴左。

另外因為我條281X係由全日線81減六架車兼且九龍方向唔經美林（再加86B減車改道）換返黎，81而家係美林後上大埔道，
因此281X有必要美林尾站，以免加長原本乘客的行車時間。

[ 本帖最後由 S3BL100 於 2012-1-1 01:40 編輯 ]

原帖由 dippy 於 2011-12-31 19:38 發表 http://www.hkitalk.net/HKiTalk2/images/common/back.gif
新線一開幾乎都係循環線為主
而且通常都係超長而以市區為循環點
其一係市區總站站位難求
其二係市區既配額制如果以循環運作可以慳到配額, 間接令交通順暢點
其三係用少左車, 因為市區路段只係行一次, 所以就慳到資源 ...

沙田 - 油尖旺循環線，沙田區總站唔應該遠過沙田圍，否則真係太長，制唔過。

你拎287X同新巴82X做例子，但係人地行車時間幾長？里數有幾長？
82X更加係而家個行法最順路。

而私牌/中途起載既設計以上既路線都有顧及到
上繁可以部份車只到旺角(282X/87D都係)
下繁可以經青沙去佐敦同埋經獅隧, 亞皆老街去旺角起載
兩線如果要開短途車都唔係太大問題
相反, 如果拆馬鞍山一黎令到馬鞍山市中心同恆安既乘客只可以二選一, 二黎亦都令到行經繁忙道路既巴士架數增加

對於馬鞍山-馬頭圍/土瓜灣既客, 新線既班次大幅加強左, 亦都加左比85X更快既選擇(類似未全日前既85C特車)而且亦都只係單向加價, 影響有限
重組後亦都令條線唔經鑽地, 做到真正特快既效果
如果講同港鐵兢爭, 要快的話, 巴士即使行較直接既窩打老道亦都有唔少燈, 繁時更加係有排塞車
速度已經無得打(即使尖咀後直接經公主道都唔夠火車快)
所以選擇時間較穩定而唔比窩打老道慢既土瓜灣會比較好
而另一方面, 巴士既班次都唔會比得上鐵路, 不論係85X, 87D定87X都係咁
全香港除左273同101等幾條線應該無乜線直係可以逹到車鏈既水平

二選一我睇唔到有咩問題，另外彌敦道估計而家仲有極少量quota剩。
當然九巴慣常做法都係幫彌敦道蝕錢流水線減班，將quota過俾賺錢線。

你的282X/87D組合，第一令到太子的乘客行車時間大幅延長，
第二唔適合做循環線（上面講左），第三咁改令到佐敦道至北京道之間一段彌敦道客倉
的乘客要行一大餐（對上一篇都講左），送客俾港鐵，真係得不償失。

雖然87D而家係慢過港鐵，但係依然其門如巿，請用心分析下87D到底有咩優勢，
你咁改又會破壞左當中咩優勢。

[ 本帖最後由 S3BL100 於 2012-1-1 01:51 編輯 ]

原帖由 dippy 於 2011-12-31 11:43 發表 http://www.hkitalk.net/HKiTalk2/images/common/back.gif

3. 依家既5, 215X等經尖咀同土瓜灣既線都無行彌敦道, 唔係唔係大問題囉, 而新服務尖咀既線為85X, 咁當然87D同282X都唔會經彌敦道啦

5號唔駛經彌敦道係因為有26號幫佢執彌敦道既客喎
215x唔經都得, 係因為繁時尖沙咀上車要迫上地鐵, 但尖東站上車暫時仲未咁惡劣, 沙中線通左後又可以唔駛轉車入馬鞍山, 你叫d 客行即係送客畀港鐵

[ 本帖最後由 jpoon 於 2012-1-1 04:13 編輯 ]