[突發] 南丫島 港九小輪與港燈船隻相撞 百人墮海

不過對於呢d事件就真係好驚

而我4年前跟工會去看煙花，當時係全程坐船。
不論準備開船往放煙花地點時，回碼頭都好，D船手開得好快。
煙花完左後更以超高速轉灣，搞到差D連人帶船落海。

不論如何，R.I.P

原帖由 cong 於 2012-10-2 19:20 發表


半個鐘時間對維港海陸發放消息以及有序疏散就明顯不足, 唔係一句體諒就保證完全冇呢個問題, 叫停煙花係冇風險管理意識既行為, 同埋人潮唔單止係香港人 ...

你放長雙眼睇咪知你呢d"咁有風險管理意識"既行為是怎麽樣law~~

島的一邊， 過百人為生死而掙扎; 島的另一邊卻放煙花~~~諗起都心酸

原帖由 cong 於 2012-10-2 19:20 發表


半個鐘時間對維港海陸發放消息以及有序疏散就明顯不足, 唔係一句體諒就保證完全冇呢個問題, 叫停煙花係冇風險管理意識既行為, 同埋人潮唔單止係香港人 ...

哦, 原來係因為一眾大陸客
唔怪得知無得睇煙花會有咁大問題
以佢地的公民質素, 難保唔會有事故發生. 而且佢地係唔得罪得的嘛

原帖由 hkbw 於 2012-10-2 19:34 發表


你放長雙眼睇咪知你呢d"咁有風險管理意識"既行為是怎麽樣law~~

島的一邊， 過百人為生死而掙扎; 島的另一邊卻放煙花~~~諗起都心酸

首先聲明, 我對昨晚的海難也感到震驚與哀痛.
說回現在有版友爭論應否腰斬煙花匯演, 以抽調人手進行搜救, 試想想, 意外發生是8點23分, 在與發放煙花的原定時間, 只是相距大約半小時,
當時政府及煙花的主辦單位, 會否知道海難會造成這麼嚴重的傷亡?
政府領導在該段時間, 既要安排搜救, 搜集資料, 又要安排醫院接收死傷者等等, 能否同時作出決定有必要要腰斬煙花匯演?
煙花匯演同是有涉及主辦商及贊助商, 政府要取消匯演, 也需要向主辦商交待.
現在版友知道意外造成嚴重傷亡這個事實, 當然說取消煙花香港人會體諒, 但若果你是當時在維港等候煙花的其中一位, 忽然聽到警察簡單的說
'"由於南丫島有撞船意外, 警方要抽調人手, 煙花匯演取消", 你會有甚麼想法? 就算你能理智的自願離開, 你能否擔保其他人也會像你般這麼理智?
假設意外事後發現只有少量傷者, 但政府在意外發生後就快手的取消煙花匯演, 第二天會否又被傳媒炮轟特首"小題大做"?
事後孔明, 任何人也懂, 但在短短的半小時, 在未知意外詳細情形下, 你能否作出牽涉眾多持份者的決定?

原帖由 Alvin2002 於 2012-10-2 20:21 發表


首先聲明, 我對昨晚的海難也感到震驚與哀痛.
說回現在有版友爭論應否腰斬煙花匯演, 以抽調人手進行搜救, 試想想, 意外發生是8點23分, 在與發放煙花的原定時間, 只是相距大約半小時,
當時政府及煙花的主辦單位, 會 ...

錯誤事實, 現在政府及目擊者均指出消防船在船沉時已打破玻璃窗救人,由於船在被撞兩分鐘後已沉沒,即代表消防船在八時半前已清楚了解全船沉沒,過百人落水既情況,此時距離放煙花仲有半個鐘
創造事實來為特區政府既無能辯護,五港圓是屬於你的

人地大公報都話，中國專業救援船救起95人，所以事發後兩分鐘內到場嘅一定唔係無能香港消防，而係偉大中國救援船。

是否取消煙花這的確是艱難決定，有執行難度。
因為就算落order出去，單向由高層確認消息到前線人員知道，已經可能10-15分鐘。
前線人員可能一時間都難以置信，佢地面前的無論係市民定遊客都同樣難以置信。
跟住又要層層上返去確實，中層的就來來往往自己都亂晒籠。

港台最早消息係21:11，煙花已經放緊，
我不胡亂猜測當中是否有隱暪或延誤通報，
但呢單事件只得港九、港燈同搜救人員知，
其他目擊者極少，傳媒要核實消息都好難，21:11出到消息已經算快。

雖然我事後得知，諗返起都覺唔好受，
人家在怒海浮沉之際，我就睇緊煙花，
自己有個兩歲幾的外甥仔，剛剛先跑跑跳跳玩緊，那邊廂人地連個仔都冇埋，
係好心悒，第一反應亦都係「遷怒」於所謂國慶，但唔發生都發生左，
始終都係向前望最重要，做好善後及調查事故原因，我就唔會返轉頭諗點解唔乜乜點解唔物物。

但而家大陸新聞話中國救援船參與救人，這乃失實，一傳傳晒畀13億人，
這些不知當中有何居心的做法就實在令我不安，單係冇核實消息就全國放已經值得商榷。

[ 本帖最後由 DIH 於 2012-10-2 22:49 編輯 ]

根本就係要有心製造假象，講列香港無咗中國唔得。

呢單嘢香港政府應該要求中新社同大公報公開道歉，否則點對得住搏晒命救人嘅消防同水警。

原帖由 manlok 於 2012-10-2 20:40 發表

錯誤事實, 現在政府及目擊者均指出消防船在船沉時已打破玻璃窗救人,由於船在被撞兩分鐘後已沉沒,即代表消防船在八時半前已清楚了解全船沉沒,過百人落水既情況,此時距離放煙花仲有半個鐘
創造事實來為特區政府既無能 ...

既然閣下說特區政府"無能", 那不如請你說說, 政府在此宗意外中怎麼"無能"?
你已經說了, 消防船在事發後兩分鐘已到場救人, 換句話說, 消防人手並沒有因為煙花匯演而全面抽離, 相反在維港外的區域, 繼續有派駐人手?
至於搜救船隻及人手是否足夠, 除非有現場傷者指控因為在9點前到達的消防船及水警輪空位不足, 他們在海上漂浮也未能被救上消防船, 否則任何人不能貿然指控消防及水警因為要維持維港秩序, 而未有足夠人手進行搜救, 造成更大的人命傷亡.
在昨晚now新聞台10點20分開始現場直播, 我看到的畫面是多艘消防船及水警輪已經到場, 但他們也不敢貿然靠近南丫4, 消防小艇只保持與南丫4一段距離, 我個人估計是他們不敢在未能確保南丫4是穩定的情形下, 貿然潛入船艙搜索. 到10點半後, 才開始有潛水員靠近並潛入南丫4進行搜救. 若果我估計是真的話, 那就算在9點前腰斬煙花匯演, 盡派全港的水警及消防船去到意外現場也沒用, 因為根本進入不了船艙.

原帖由 Alvin2002 於 2012-10-2 21:10 發表

既然閣下說特區政府"無能", 那不如請你說說, 政府在此宗意外中怎麼"無能"?
你已經說了, 消防船在事發後兩分鐘已到場救人, 換句話說, 消防人手並沒有因為煙花匯演而全面抽離, 相反在維港外的區域, 繼續有派駐人手?
...

問題就出在上層班人,成功比某邪惡鄰國抽水,又不停捉呢個捉果個出黎問浪費時間