巴士公司應嚴懲逃票

原帖由 kp3011 於 2012-10-28 00:20 發表


"殘疾程度達100%的綜合社會保障援助計劃受助人或傷殘津貼受惠人"
戴左黑超收埋支棍仔的話，望唔出係咪盲人唔出奇，咁肢體殘障睇到啦掛？

智障我唔知可唔可以拎到津貼，但係其他如果真係 100% 殘疾程度，真係唔多情況睇唔出 ...

聾啞人士一樣係睇唔出

不過殘疾人士係要用個人八達通先有2蚊呢個優惠,同埋拍卡係顯示"特惠 $2.0"
有別於長者八達通o既"長者 $2.0"

其實唔清楚呢，就可以google下咩係傷殘津貼，就唔好講話咩傷殘既就一定會睇到

http://www.1823.gov.hk/big5/FAQ/019004/ans_01.shtm

"心智機能受損"，其中包括精神病，精神病仲要包括咁多病，除非你地覺得一定係無時無刻都對住空氣傾偈先叫精神病人啦，唔係點會一定睇得出呢？

其實"心智"方面傷殘可以話係無乜辦法睇得出


學業障礙、自閉症/亞氏保加症、抑鬱症都包
(反而港府係呢方面先入為主，好多時正正就係除非一眼睇得出既肢體傷殘
否則都極難申報到傷殘證明；根本就係荒死大家會貪佢筆津貼咁)


本人自己/自己身邊有以上症狀或者已經申請傷殘證明既同學/親友都有十零個
除左一兩個或可係外表睇得出 (以上三種即使專家都好難見一眼就睇出)
否則大家外貌、行為、智力都完全無法子睇得出
(除非器官傷殘、智障、精神有問題，其他傷殘根本無常人識得分辨既特徵)
其實數少少有抑鬱症既名人或者亞氏保加症既科學家/音樂家(死後診斷)已經得
憑肉眼睇同埋大家對張國榮/牛頓/貝多芬既認知 (事實上佢地而家重在生的話係有資格歸納入傷殘類別)
唔知大家又有無一種好奇怪好不可思議既感覺呢？


歸根究底只係華人既思想膚淺，只從因果、利益睇問題
凡係同錢銀扯到關系既總會諗得特別勢利、孤寒
處處都要算死草，好似叫自己係傷殘人士就會聯想到有份津貼、搭車有特惠價重有好多公共設施優惠咁
巴士曬證/曬家屬證搭對家車既問題，香港只計新城或者九巴各自都過千員工有證
只計一張家屬證既夾埋都幾千
當有一半少 d 既人返工返學會搭對家車，一日都有千幾兩千人次既巴士係義載
睇落條數好似好甘 (好多蝕錢線一日可能先得咁多人搭)
但調轉頭諗如果無左呢類褔利，巴士公司近年請人出手咁低，每年人手流失率都可能彌補唔番以前有落既舊規矩
咁咪隻眼開隻眼閉囉
好多野巴士公司一定知道，只不過唔出手咁解 (自問唔信各公司高層偶爾搭對家公司巴士會乖乖地入錢喇)


講翻正題
假使巴士公司轉用八達通拍卡免費黎代替員工/家屬證，除非過機發出既聲唔同，否則一樣有辦法暪天過海
上車其中一個 (員工/家屬) 先拍卡，另一個拍張負錢既卡/或者咁岩無散紙
後者提出前者幫佢"俾著先"已經過到骨
除非事主忽略左員工卡無拍卡時間限制#呢個特點，否則司機係前線環境之下好難追查，除非巴士公司 check 記錄發覺有唔妥主動調查
就算唔計員工八仔，一直以黎自己已有少少懷疑一個細路拎長者八達通卡以長者特惠價搭巴士會唔會有人可以暪天過海


#幾年前搭城巴，途中有一個著制服既城巴司機上車一句唔該就直入車廂，
當時司機 (雙方顯然係認識) 即刻截著個同事 "喂！俾錢呀！"
該同事 "咩呀！拍卡囉！拿......" 同時用自己張員工八仔連續嘟...嘟...嘟...大約三秒鐘拍三下卡 "夠數未 "
嘟三下當然都係出 "員工 $0.0"，一般八仔起碼要幾分鐘先再拍 (多年前有城巴司機講過城巴 3分鐘
新巴 5分鐘，九巴 10 分鐘後先可以再拍，不過到而家都剛好十年，巴士公司做法應該唔同)
正路有人扮係度摷幾分鐘散紙然後由另一方"好心"以自己張卡俾錢應該無乜司機/乘客懷疑
(架車停緊一般司機都唔係金睛火眼望實個 mon，通常只捉中學生用小童飛呢類明顯例子，
用員工卡快手快腳過機司機或者未必會花時間望清楚)


其次就係巴士服務本身個性質方面似乎已容許些少走盞位
從以前好氣好氣同司機講爭幾毫子到而家八仔一次半次無餘額而司機彈性通融坐免費車
都算巴士(其實電車都算) 比起綠小、鐵路、渡輪既一大優勢
一個社會總有少數搏大霧份子成日利用漏洞過活，其實除非問題日趨嚴重否則根本唔值得徒資源去矯正
一個社會搞到樣樣都無晒人情味咁死板又何必呢，搵日真係跌左幾毫子又趕時間相信大家就會明白呢種彈性處理既可貴......


講下同香港有過密切關系既英國巴士/鐵路，英國相對呢講死板得多
巴士司機要負埋售票員既責任，逐張飛找續 (全日票、一星期、月票、年票就曬證)
每更收工係跟埋個收銀機膽咁收，賣錯飛/收錯錢全部要寫報告
大部分路線每單都有十個八個定時定點車站，司機必需完全依足時間到，早走/遲到俾稽查捉到會罰
好多地區既巴士公司每個月都係係官網列明上月準點率 (英國唔係寫班次間隔，係直接寫開車時間)
除落雪日子之外一般城市有 95% 以上係好正常，正常情況下你係中途站望著豬紙話幾點有車真係甚少相差 5分鐘以上
不過一切渣正黎做相對就係司機望著個鐘搭正開車就算你追到門口都鐵面無私閂門走人
(視乎地區，但一旦屬於偏向死板個類地區既做法係不論國藉、年紀都唔會開翻門俾你)
火車誤點夠某鐘數起係有退票權利，另有好多火車站係開放式，有心逃票同香港輕鐵一樣咁易
不過雖然睇落渣得咁正，但英國巴士逃票程度絕不亞於香港有人以疑似假證曬證搭車
好多巴士公司都會整年票，學期頭俾錢全年任搭，好多時更有補少少錢可以補領一張由當日起有效一年既新證
呢類全年證既運作方式就係上車曬證 (有學生相、有效日期)，本黎已經成日見到有人借證再換自己張學生相落去暪天過海或者上車後丟張證出車俾隊尾個朋友曬
(好日唔捉一次，通常每年捉證個日車上總會捉到一堆出蠱惑既學生)
近年班人更猖狂到每逢年尾集體報失，以兩折價錢成功換張新證翻黎
(以強國/港人學生為甚，巴士公司近年都開始覺得補領新證既時間同人數有古怪)


以舒適度/乘客繳費效率方面，香港巴士係贏晒英國，但講到樣樣執正黎做時
脫班/誤點率咁高既香港巴士又係咪真係咁有資格要樣樣做足
要做足全套既時候香港人又接唔接受到 (簡單黎講即係叫司機按章工作，指定地方上落之餘必定唔會等埋追車/落唔切車既乘客)
重未計額外行政手續 (英國捉假證/逃票係由稽查捉，指引係叫司機除非有好大懷疑否則放行
以免招至客人投訴，大致上同香港巴士公司教司機遇到八仔無錢/現金爭少少/曬證乘客既指引差唔多)


但係中途站捉巴士唔準時/乘客出蠱惑既稽查時薪係比巴士/鐵路司機更高，大約比新入職司機高一兩成
英國巴士司機薪金大約只係香港雙倍，但一般巴士車費係香港 3-6 倍，
(愈大城市就愈可以靠流水線/廣告搵錢因而車費愈平，甚至有機會長途誇郡線平過香港
某程度上已經包括請大量稽查維繫班次/車費收入既行政開支)


全香港巴士搭車出蠱惑/貪小便宜者俾到盡都係一萬幾千人，個數字似乎好穩定
雖然可能會愈黎愈多終生乘車證，但近年普通員工出家屬證愈整愈孤寒，加上巴士公司員工流失率亦高
(好人好者要偽造員工/家屬證兼且演技良好似乎有點難，至少本人或者呢個版好多人相信都無途徑拎到張證黎望下，亦全無渠道知道個證幾時轉款以免穿崩)
比起近年愈黎愈多人前往升學既英國 (其實美國、澳洲情況都差唔多)
面對近年多左人出蠱惑 (港人留學生所佔比例愈黎愈多 ) 都未至於要嚴厲整頓
香港巴士公司懶正義咁分分鐘民間不滿聲音比加價更勁 (英國巴士一條線有好幾個定時點，
稽查檢查班次/乘客車票好多時本身係該班次原定都係要係中途站擺翻三五分鐘熄偈
而家香港偶爾一次司機擺低架車"追數"成車人都已經頗有微言，若果呢種追數合理化/程序化都唔知每日會有幾多乘客暴動新聞睇 )


本文不旨在鼓勵香港/外地行家以身試法，只係提出自己眼見既明顯漏洞，亦深信巴士公司多年黎一直知道有此情況
本人無任何已知親友現職巴士司機或其親屬，但絕對支持巴士公司默許員工/家屬互搭對家順風車既做法 (前提係真係其中一間巴士公司既員工/家屬)
只係同樣對普通人走巴士數既行徑睇唔過眼，但唔支持現階段由巴士公司投放資源整頓局面
(為左久唔久遇到某條走數友而要自己俾更高車費巴士公司請專人捉佢
或者下下由司機擺低架車走去捉人真係咪搞)


[ 本帖最後由 HW8373 於 2012-10-27 20:39 編輯 ]

原帖由 HW8373 於 2012-10-28 04:30 發表
其實"心智"方面傷殘可以話係無乜辦法睇得出


學業障礙、自閉症/亞氏保加症、抑鬱症都包
(反而港府係呢方面先入為主，好多時正正就係除非一眼睇得出既肢體傷殘
否則都極難申報到傷殘證明；根本就係荒死大家會貪佢筆津貼 ...

記得以前試過係英國搭火車逃票,俾人斷正.
之後個乘務員問我提供身份証明,我就說謊地答:"冇帶,唔好意思"(當年英國仲可以乜身份証/護照都唔帶),之後佢問我住邊,我求其講個假地址俾佢,然後問我有冇身份証明
編號,我話唔記得...跟住佢話"我地會寄張告票俾你",我話"ok!"....當然,最後張告票寄左去邊,真係天知地知我唔知.

以上情況係唔好既行為,大家千萬不要模仿,我只係想反映其實外國捉逃票比香港更加兒戲.

至於我之前話殘疾人士係睇得出,也沒有什麼錯,因為殘疾人士已有社署發出的証件証明,只要show張証件,再拍2蚊八仔,就已經有充分理由自己係殘疾人士. 再者,殘疾人士
都要俾2蚊,咁點解員工家屬或員工搭對家車可以搏大霧唔俾錢? 用八仔拍卡係絕對可以解決所有爭拗.

[ 本帖最後由 FBI2 於 2012-10-28 10:41 編輯 ]

原帖由 hkbw 於 2012-10-28 00:16 發表


沙廠班司機咪好大鑊? 晚晚咁多人上個班NWFB既N680.....

講逃票都係其次, 樓主由一開始就係抱住唯恐天下不亂既心態去叫人殺証架啦
越多人被殺証, 等睇大戲既樓主肯定越開心

原帖由 FBI2 於 2012-10-27 23:01 發表


殘疾有樣睇架,如果睇唔出,中殘疾既機會是十分低.

低乍，唔係無機會，即係你最後一句指緊你第一句係無用既...

版友你做埋呢類分化港人既野真係好討厭！

原帖由 FBI2 於 2012-10-28 10:38 發表


至於我之前話殘疾人士係睇得出,也沒有什麼錯,因為殘疾人士已有社署發出的証件証明,只要show張証件,再拍2蚊八仔,就已經有充分理由自己係殘疾人士. 再者,殘疾人士
都要俾2蚊,咁點解員工家屬或員工搭對家車可以搏大霧唔俾錢? 用八仔拍卡係絕對可以解決所有爭拗.

你講既係有樣睇，唔係有證睇，唔該唔好逃避你錯失，你唔係歧視緊殘疾人士，點會指司機憑樣就可以認出到底係唔係

你肯定所有殘疾人士都識上車時出示社署發出的証件証明？仲有你要地咁做同歧視佢地無分別，點解唔可以上車拍卡就搵位坐？張卡比$2功能要申請架要審核，唔係批硬。佢用呢個優惠係政府認可，唔係乞返黎！

[ 本帖最後由 EH2674 於 2012-10-28 12:17 編輯 ]

原帖由 bbtong 於 2012-10-27 09:59 AM 發表
好多人上車都show證博大霧, 例如其他巴士公司證, 一年咁多人晒(其他公司)證, 九巴隨時收少千五萬, 蝕左又係加價填番

點解唔行mtr果套? 員工家屬坐車都要拍咭, 再叫政府修例, 坐霸王車要賠高車資既50倍, 睇下仲有無 ...

新城其實仲慘，九巴員工比新城多一半以上，個個九巴員工+家屬黎搭車都免費。如果喱個係蝕錢主因，點解新城唔駛蝕？兩邊都係咁曬証啦！
仲有，咁好諗cut 晒證會收多好多。冇左免費+無限轉乘喱個誘因，有唔少人好大機會搭番地鐵

[ 本帖最後由 PatPatLeo 於 2012-10-28 13:02 編輯 ]

原帖由 HW8373 於 2012-10-28 04:30 發表
歸根究底只係華人既思想膚淺，只從因果、利益睇問題
凡係同錢銀扯到關系既總會諗得特別勢利、孤寒
處處都要算死草，好似叫自己係傷殘人士就會聯想到有份津貼、搭車有特惠價重有好多公共設施優惠咁
巴士曬證/曬家屬證搭對家車既問題，香港只計新城或者九巴各自都過千員工有證
只計一張家屬證既夾埋都幾千
當有一半少 d 既人返工返學會搭對家車，一日都有千幾兩千人次既巴士係義載
睇落條數好似好甘 (好多蝕錢線一日可能先得咁多人搭)
但調轉頭諗如果無左呢類褔利，巴士公司近年請人出手咁低，每年人手流失率都可能彌補唔番以前有落既舊規矩
咁咪隻眼開隻眼閉囉
好多野巴士公司一定知道，只不過唔出手咁解 (自問唔信各公司高層偶爾搭對家公司巴士會乖乖地入錢喇)

我老細親眼見過陳祖澤響中環大會堂曬證上新巴2號
(佢當時在車上)

如果高速公路前的站上車，之後搵一大輪先發覺無帶銀包，司機點趕人落車？

原帖由 FBI2 於 2012-10-28 10:38 發表


記得以前試過係英國搭火車逃票,俾人斷正.
之後個乘務員問我提供身份証明,我就說謊地答:"冇帶,唔好意思"(當年英國仲可以乜身份証/護照都唔帶),之後佢問我住邊,我求其講個假地址俾佢,然後問我有冇身份証明
編號,我話唔記得...跟住佢話"我地會寄張告票俾你",我話"ok!"....當然,最後張告票寄左去邊,真係天知地知我唔知.

以上情況係唔好既行為,大家千萬不要模仿,我只係想反映其實外國捉逃票比香港更加兒戲.

至於我之前話殘疾人士係睇得出,也沒有什麼錯,因為殘疾人士已有社署發出的証件証明,只要show張証件,再拍2蚊八仔,就已經有充分理由自己係殘疾人士. 再者,殘疾人士
都要俾2蚊,咁點解員工家屬或員工搭對家車可以搏大霧唔俾錢? 用八仔拍卡係絕對可以解決所有爭拗

無啦啦扯到老遠, 再諗著加多個證件證明唔認有問題, 果然係勁~~

上面唔少板友已經寫晒所有反論, 唔再重覆~

原來那個港鐵職員既思想方式並不是很另類, 唔駛幾日係度竟然有人可以幾乎一式一樣咁表達同樣觀點~這個是甚麼樣的社會, 甚麼樣的文化~

[ 本帖最後由 hkbw 於 2012-10-29 20:37 編輯 ]