2013-2014年北區巴士路線發展計劃

原帖由 kay 於 2013-5-14 20:03 發表
正轉蛇即係出少左車
仲未計373A依家已經半全日，要全日都唔駛用晒70X既車
所以先至係度話佢借重組cut車

如果一條線全日考慮既野好多

373A又何來可以談全日?早上繁忙時間後班次至11點半有d都係慘不忍睹
仲未計回程係 ...

正轉蛇只不過係用少左人
減少左非繁忙時間既班次
成本上的確係有減省
但係並冇真真正正完全空出資源去做其他既事

就算373A 全日potential係低過277P同270B
但過海線係基本上每一區極力爭取既事
948月經咁要全日,692拖極都唔甩
更何況係成個大區都冇呢?
對地區來講點都係373A行先
成個plan明顯係搬條373A全日做之後既事

所謂70X係北區好有地位係真呀
定係又去返一條線都不能少既問題?

點解會覺得一條線出晒東九而唔係兩條
正正就係發覺出東九又未必真係咁多客
277P同277X都係出東九
總有其相似既程度
所以先至要試

請留意
其實今次運輸處既角色
只不過係幫老九疏通下(quota方面好鬆手)同宣傳下
如果唔係講到政府有份搞
有冇機會成日上新聞先...?
若果成功重組
老九盤數有好轉既
受益既都係政府
佢先理得你幾多條線出東九
總之你改善到服務同條數就得

RDP唔係聖經
但有實際人流既調查唔參考
走去睇載客量?
若果實際人流都覺查唔得既
咁有咩data真係可以用?
能力就當然有
問題係全日左就冇得返轉頭
俾你都未必 take lee個risk

[ 本帖最後由 Snoopy@FB8617 於 2013-5-14 21:12 編輯 ]

原帖由 Snoopy@FB8617 於 2013-5-14 21:11 發表
正轉蛇只不過係用少左人
減少左非繁忙時間既班次
成本上的確係有減省
但係並冇真真正正完全空出資源去做其他既事

就算373A 全日potential係低過277P同270B
但過海線係基本上每一區極力爭取既事
948月經咁要全日,692 ...

有咩risk?

70X平日非繁係好差，但假日勉強係合格

373A既risk/uncertain可以說更多，例如現時只有早上南行，及晚上南行班次，及假日不設服務
何來有更多數據?佢知道港島平日有幾多人會去上水?但其他數據反映既係大部份北區線過左繁忙時間係慘不忍睹

70X衰極都可以透過277P執返現有既客仔，或者搵到新客

但373A依家早上9時後至11點半既班次客量幾"好"大家都知道

即係咁，我唔係唔比你cut人cut車
但事實就係373A同70X係independent

70X唔取消頂多都係影響270B同港島東巴士
只不過依家見70X勢色不對，就拉埋373A落水，要班議員做政治正確的事

過海線係要爭取，但人有我又有只係跟風，政治正確唔代表反映居民需求

即係咁，70X亦只係一條好普通既北區線，本身比佢一樣差既都死唔去
我亦夠膽講，最尾70X取消唔係需求問題，而係政治因素。有轉車站就一定要70X死，277P無全日但客量差唔多既373A又可以全日
議員當然唔會比你食咁大份免費午餐，政治同成本贏晒，輸既係居民，咪又係場鬧劇?

全日左就無得返轉頭?277P都話明試行3個月，仲要監察到實一實，一見唔達標就郁手，呢樣野就算全日左都可以咁做，唔達標按指引做野
議員都會無聲出


老實，如果70X要取消，理應按照同一把尺，去評估所有北區巴士線，條條都係繁時多人非繁少人，而唔係單單針對70X而去做

原帖由 SaintAngolmois 於 2013-5-14 17:20 發表

加停係可行
但南行個站太細
作為轉車站唔係咁吸引

停得270A, 就要停埋80, 80P, 89B, 因為89客量高, 74A班次疏,
80, 80P, 89B就算客量同樣高, 總好過完全冇機會俾人上車,
但係站細, 要停多四條線, 頂住後面過收費亭會幾麻煩.

載客率朝早開多開少班車或開大車都可以有好大影響
就算睇乘客量\RDP話70x平均每日4900客
唔算好多但亦好過好多線

即係咁, 重組一係就好似以下條LINK 咁http://www.hkitalk.net/HKiTalk2/thread-776352-1-1.html
大刀闊斧咁斬

其實華明係唔適合做轉車站,原因係
1. 唔夠大
2. 南行巴士兜入去, 浪費至少7分鐘, 因為道路設計問題
如果好似長安果d 係公路口, 經迴旋處, 唔洗等燈就非常好

宜家呢份重組, 我見唔到有咩"區域性"
區內線無變, 失敗
區外線走線照舊兜, 又失敗

淨係夾硬減左車, 之後上水市出九龍東非繁時都要兜聯和墟, 再兜華明先轉到277X, 點支持?

FF 一下, 如果粉嶺新建轉車站, 我覺得可以係粉嶺官立格離果塊地
係百和路整個迴旋處入去
路線重組方案就睇上面條LINK 啦, 我一陣打

[ 本帖最後由 JF1261 於 2013-5-14 22:23 編輯 ]

原帖由 EX-TL 於 2013-5-14 21:25 發表

停得270A, 就要停埋80, 80P, 89B, 因為89客量高, 74A班次疏,
80, 80P, 89B就算客量同樣高, 總好過完全冇機會俾人上車,
但係站細, 要停多四條線, 頂住後面過收費亭會幾麻煩. ...

89朝早班次密
出九龍好少連續幾班頂閘
而且270A停左可以拎走81C/87D
減少頂住後面機會

原帖由 kay 於 2013-5-14 21:23 發表
有咩risk?

70X平日非繁係好差，但假日勉強係合格

373A既risk/uncertain可以說更多，例如現時只有早上南行，及晚上南行班次，及假日不設服務
何來有更多數據?佢知道港島平日有幾多人會去上水?但其他數據反映既係大部份北區 ...

北區出港島, 有全程港鐵的, 有去紅磡轉隧巴的, 有無計埋落去?
而用開呢兩個方法過海的就係373A 重點客源.

如果有risk/uncertainty 就唔做, 咁仲有邊個人肯做生意?
做生意要冒風險, 呢個係常識吧.
大埔條307 全日, 半個鐘一班起頭, D 人咪又係話大埔有K巴加東鐵, 又話落紅磡轉紅隧巴仲方便添, 結果?
唔好唔記得307 都等左一段時間, 等乘客慢慢適應, 條線先做得起, 九巴城巴有無計過宜家非繁可以支持到二十分鐘一班?

全日後的373A, 非繁都係半個鐘一班, 出港島尾車收得早, 返華明頭車十點先開,
試問蝕得幾多?

一入華明深似海, 最後點都要兜返昌盛/一鳴路走, 來回方向也是.

如果講地理位置, 和興村做轉車站其實仲好過華明總站, 和興路.華明路兩邊一齊, 行大窩西支路o既線停和興路,
唔經欣盛苑.一鳴路果頭, 行粉嶺公路o既線停完華明路用W100迴旋處調頭上公路, 去上水就轉入百和路或一鳴路,
加強區內接駁服務, 不限於加強70K, 273, 273A等區內線班次, 例如增設長途線<>長途線補差額, 搞掂!!

原帖由 張偉沖 於 2013-5-14 22:01 發表


北區出港島, 有全程港鐵的, 有去紅磡轉隧巴的, 有無計埋落去?
而用開呢兩個方法過海的就係373A 重點客源.

如果有risk/uncertainty 就唔做, 咁仲有邊個人肯做生意?
做生意要冒風險, 呢個係常識吧.
大埔條307 全日, ...

有又點無又點?無分別播
計到需求唔等於計到有幾多人會轉投373A
反而我可以數到早上9點後到11點半有幾多人搭373A囉，個d就係需求喇

373A呢頭驚佢盤數唔靚，少左個全日理由，就要非繁派單層
另一邊70X下下行大車，結果就換來取消下場

都係個句，用你既論調，套落373A係岩既話，70X/277P都係岩，一係就全部錯

即係話373A同277P有條件全日，亦有條件兩條維持兩味

如果373A非繁堅持派大車，下場會係點?
當一班車10人過海，單層載80人，12.5%
如果用架135人雙層，得返7.4%載客率

要做數，做一D大家想見既數字，一係就唔做，一係就全部做晒
只不過大家只會拎D對自己有利既野黎講，但唔會留意同一個approach或者method，套去另一件野，可能結果係一樣

70X非繁一樣有條件派單層去做數，只係佢連做數既意欲都無

大埔既事就留返大埔帖討論吧

冇話咩黨gei，只係禮義廉唔肯幫居民爭取真正的利益，只係幫住以前舊法團抽油水。你肯做番個議員應做的本份，冇人會唔歡迎你。咁大個黨有鬼用，成日同市民意見相反，見勢色唔對，而家70X唔取消，又出黎抽水。
唔講政治住。總知我覺得一日區內線唔搞到佢正正常常，搞乜轉乘優惠都係假。