(A6)相片及短片分享/攝影技術討論
(A16)建築物機電裝置及設備 (A19)問路專區 (N)其他討論題目 (V)私家車,商用車,政府及特種車輛 (Y)hkitalk.net會員福利部 (Z)站務資源中心
(B0)香港巴士車務及車廂設備討論 (B1)香港巴士廣告消息討論 (B2)香港巴士討論 (B22)巴士迷交流天地 (B3)巴士多媒體分享區 (B13)巴士車輛相片庫 (B18)香港巴士路線相片集
(B4)兩岸三地巴士 (B5)外地巴士討論 (B6)旅遊巴士及過境巴士 (B7)巴士特別所見 (B71)焦點巴士動向 (B72)廣告巴士追蹤最前線 (B8)路線資料表擂台
(B9)巴士車隊資料庫 (B11)巴士精華區 (B15)舊掛牌資料庫 (B16)新加坡巴士 (O1)omsi討論區 (O2)omsi下載區 (O3)omsi教學及求助區
(F1)交通路線建議 (C2)航空 (C3)海上交通及船隻   (D1)公共交通有關商品 (D2)汽車及其他模型  
(M1)小型巴士綜合討論 (M2)小型巴士多媒體分享區 (M3)香港小型巴士字軌表   (R1)香港鐵路 (R2)香港電車 (R3)港外鐵路

 


發新話題
Share |


打印

[請教]香港坐飞機去廣州

中國機delay主因都係航空管制
呢樣嘢係冇得預計,因為佢隨時都可以無啦啦hld你兩粒鐘

坐飛機上廣州可以話畀你聽係冇人咁做
而廣州嚟嘅機超過99%都係轉機
而且一set ticket票價亦唔會點貴過香港直接出發(even更平)

機場買ticket不論信用卡定現金都可以
(留意部份航空公司現金付款只收港幣)

TOP

引用:
原帖由 JX9097 於 2013-5-15 19:35 發表
中國機delay主因都係航空管制
呢樣嘢係冇得預計,因為佢隨時都可以無啦啦hld你兩粒鐘

坐飛機上廣州可以話畀你聽係冇人咁做
而廣州嚟嘅機超過99%都係轉機
而且一set ticket票價亦唔會點貴過香港直接出發(even更平)

...
機場邊度買票,都唔見有售票處
只是想試下坐飞機,又唔想去得甘遠,一天回來就OK
去程飞機,回程坐深圳車(平平地)
我的愛船 北星BALSA

TOP

引用:
原帖由 hkcnbus 於 2013-5-15 19:44 發表

機場邊度買票,都唔見有售票處
只是想試下坐飞機,又唔想去得甘遠,一天回來就OK
去程飞機,回程坐深圳車(平平地)
如果係想平坐飛機,最好係試下去旅行社問,

唔同搭船,去邊買飛、搭邊班船都差唔多價錢;而去機場買機票一定貴D,如果係諗住去機場買完飛就即刻上機咁即興,肯定會被劏。
試下問D細旅行社叫佢出張淡季即日來回的短途機票,好有可能平過單程廣州。佢地最歡迎收現金

如果閣下可以申請信用卡,留意下AIR ASIA等廉航的優惠票,隨時幾百蚊出到飛。
唔介意機場過晚夜,隨意搵D遠期D 0既晚去朝返,千鬆D蚊己經去到吉隆坡咁遠,應該仲平過去廣州。

[ 本帖最後由 s3n370 於 2013-5-15 21:29 編輯 ]

附件

printscreen.jpg (173.48 KB)

2013-5-15 21:27

printscreen.jpg

Baile Átha Cliath

TOP

引用:
原帖由 hkcnbus 於 2013-5-15 19:44 發表

機場邊度買票,都唔見有售票處
只是想試下坐飞機,又唔想去得甘遠,一天回來就OK
去程飞機,回程坐深圳車(平平地)
港龍ticketing T1 H區
國泰ticketing T1 A區

TOP

引用:
原帖由 hkcnbus 於 2013/5/15 19:44 發表

機場邊度買票,都唔見有售票處
只是想試下坐飞機,又唔想去得甘遠,一天回來就OK
去程飞機,回程坐深圳車(平平地)
好多時單程機票和來回機票是同價的。
下一站係西營盤

TOP

如果沒有信用卡, 可以問下各大旅行社, 中國內地都仲有桂林, 三亞, 海口呢D地方近近地, 個零鐘飛機就到,
但都係果句, 單程係會比來回機票貴的(或只平一兩百), 如果並非坐廉價航空, 都係來回抵.
剛上Priceline睇過, 由香港去三亞, 4/6去, 8/6返, 單程連稅$1532, 來回$1803, 只相差$271, 你坐火車返廣州再返香港都唔止$271了(三亞去廣州硬座要208人仔, 硬卧376人仔......之後坐動車由廣州去深圳都要80人仔)

由香港去桂林, 4/6去, 8/6返, 單程連稅$1294, 來回$2103, 相差$809, 坐火車由桂林返深圳硬座136人仔, 硬卧248人仔, 軟卧443人仔
由香港去廈門, 4/6去, 8/6返, 單程連稅$1001, 來回$1552, 相差$551......

但計埋省了的時間, 點都係來回化算

[ 本帖最後由 gordon 於 2013-5-16 10:05 編輯 ]
影車堅持用長鏡,有如罹患精神病

TOP

如果因為第一次坐飛機而去遊機河,
小弟建議去曼谷.

一來時間長D (去廣州時間太短, 你咩都試吾到, 包括飛機餐, 電視等等),
二來票價吾貴(分分鍾拍得住廣州機票)
三來有機會試到A380

TOP

其實建議樓主買個套票(機票+酒店), 玩個三日兩夜都好.

其實平心而論, 樓主好似始終都係唔明航空公司的票務運作, 以為和火車或船票一樣:
1. 去機場買即班航機的機票, 價格必定會比預先在旅行社購買的貴, 隨時貴上三四倍, 多數只係緊急的情況才會在機場購票(再者若航機滿座, 你咁即興就企左響度)
(因為單單係經濟客位, 航空公司都將之細分多個細等級, 最後賣剩的, 一定係最貴的等級)
2. 來回機票的價格是會比單程相宜(廉價航空除外, 內地的內陸線也除外), 並非等於兩張單程的票價.
(因為來回可以保證個客坐到個機位, 隻機快D滿座, 航空公司就賺到錢, 不用再花成本去搵個人Fill左原本你回程的機位)
3. 航程短的票價不一定比航程較長的平, 反之有部份會更貴.
(因航空公司都要計算成本, 以樓主的廣州例子, 因為你佔用了原本用來招呼轉機客的機位, 所以票價會較貴, 也有時因為需求問題, 賣唔去的機位都會平D)
4. 飛機的票價不一定比火車便宜, 很多地方坐火車比坐飛機貴了幾倍
(例如來回深圳及上海, 來回坐飛機低見1100人仔連稅, 但你坐火車單程軟卧已要638人仔)

[ 本帖最後由 gordon 於 2013-5-16 13:52 編輯 ]
影車堅持用長鏡,有如罹患精神病

TOP

想近近地...可以選擇香港至三亞,廈門,福州等地.....價錢2000以下,
想搭耐D....可以去曼谷.......搭兩個幾鐘機.....可以即日來回,泰航最平連稅$2660.
(我唔會推廉航俾樓主....因為樓主係想體驗下搭飛機.....
除左坐之外,飛機餐我都覺得係體驗的一環)

除非你係瞞住屋企人"偷偷地"去遊機河啦~~
如果唔係正正經經搵個地方去幾日旅行仲好啦~~
台北會係一個好選擇....因為機票平....而且大家都係用繁體字...
唔識普通話,都仲可以用文字溝通.

[ 本帖最後由 barca_399 於 2013-5-16 15:12 編輯 ]

TOP

講「體驗」我覺得點都要有個半至兩個鐘先夠, 否則隨時全程只係坐喺個位度, 廁所都冇機會去。

同埋可以揀個後排啲嘅位 ~ 一來「視野」廣闊口啲 (不論窗內窗外), 二來上機落機時多啲機會行勻成架機, 如果坐廣體機, 可以坐右邊 (或用右通道), 落機時多啲機會參觀埋頭等 / 商務位。
下一站係西營盤

TOP

發新話題
Share |