2015施政報告有關公共交通內容

106. 安全可靠及高效的鐵路服務對香港的公共交通至為重要。政府會繼續積極履行港鐵大股東的責任，監督及要求港鐵加強內部管理，確保能做好新鐵路項目的策劃和興建，以及現有鐵路的日常服務。在長遠發展方面，我們將按照去年公布的《鐵路發展策略2014》，在2031年前分階段推展7個新鐵路方案。

107. 政府亦會深入研究全港的公共交通佈局，檢視在鐵路網絡擴展下其他公共交通服務的角色。此外，我們會繼續推動巴士路線重組。

163. 政府將立法規定遠洋輪船在香港泊岸後轉用低硫柴油；並於今年年底在銅鑼灣、中環及旺角設立低排放區，規定專營巴士公司只可行駛低排放巴士。此外，專營巴士公司會在今年年中試驗電動單層巴士。

【短評：哦，全部 old news。】

歡迎各位板友發表意見！

[ 本帖最後由 hkitalk.media 於 2015-1-14 12:48 編輯 ]

原帖由 kuro 於 2015-1-14 13:22 發表
淨係識保識,,全部離地高官

其實政府去年底已準備搞公共交通策略研究，涉及範圍比整體運輸研究 (CTS) 為小，但又比鐵路發展策略廣泛。
http://www.legco.gov.hk/yr14-15/ ... 1125cb1-238-6-c.pdf
希望可為未來的公共交通發展和協調帶來比較清晰的方向。

其實會唔會就咁copy and paste之前施政報告內容就算

今期某突首好想市民 "警惕" 早前佔領行動背後的陰謀


[ 本帖最後由 avianwind 於 2015-1-14 14:39 編輯 ]

原帖由 ccicoltd 於 2015-1-14 13:32 發表

希望可為未來的公共交通發展和協調帶來比較清晰的方向。

未來的交通政策，我自己認為，該有以下構思：
1：對私家車的管理（建議仿深圳行配額制）
2：考慮鐵路、巴士並重（巴士重點對點、短程、接駁；鐵路為主幹，取消對巴士之限制）
3：小巴前途（建議讓紅小退場，綠小專利巴士一體化）
4：運用科技提升公共交通服務質素（如實時到站資訊擴展至所有巴士、港鐵）
5：不同交通網絡的票務互通（好似臺北一樣全面玩巴鐵轉乘優惠、施行澳門式BBI）

睇幾時d主要鐵路既交匯點爆煲

政府今次份施政報告對運輸同物流呢兩行根本捉錯用神, 完全唔現實
全段除咗係將羌山道同嶼南道危險彎位再改善可取之外, 其他根本係繼續炒冷飯同冇方向

先先講巴士服務:
1. 喺銅鑼灣, 中環及旺角設立低排放區, 其實唔應該只限專營巴士, 而係要限所有車輛...
你限得果幾千架恆常經過嘅巴士 (雖然老九已經都有潛規則, 旺區綫盡量加金), 點解唔會限貨車同其他車輛?
根本係捉錯用神之餘, 對減排上唔會有太大幫助, 反之, 應該係公交同行人優先, 將其他車輛踢出區先係有效囉

2. 推動巴士重組大抵同意, 但重組完如果唔夠 quota, 係必須放鬆政策去加強巴士服務資源, 提升與鐵路無關或
有車程優勢嘅特快綫服務; 唔係一味 cut... 再咁搞, 巴士公司只會愈來愈冇生存空間

3. 用電動巴講就講咗好多年, 5M/284 講到蚊瞓, 再睇睇今年係咪肯用

針對大嶼山發展問題:
4. 針對大嶼山, 如果要發展必須係擴建現有道路, 必須小心處理... 改善安全係冇問題, 亦都係必須做,
問題係, 如果極為放寬大嶼山禁區, 後果只會不堪設想...

針對交通佈局檢討:
(土地規劃同現有交通模式)
5. 應該盡快完成檢討新界西公交同輕鐵角色定位, 如果再發展洪水橋同屯門, 輕鐵同巴士服務必然要加,
依家係應用輕鐵唔用輕鐵, 應加巴士唔加巴士... 同時, 喺土地規則上高亦都要針對提升的交通流量問題,
例如元朗市中心同博愛經常性塞車, 亦間接影響區內交通

6. 針對新界東北發展同沙田個別新發展地方, 應同沙中綫項目一併重新審視, 適當考慮應否再東鐵減卡後再加卡;
再者, 新發展區中的區內巴士接駁模式應予檢討, 提高鐵路巴士接駁可達度

7. 起動九龍東方面亦要檢討現時單以觀塘道是否足夠應付所有車流, 如果再發展落去唔加路, 又不將部份
繁時巴士綫改道, 只會令東九居民喺未來包受塞車之苦; 當然政府今次有提及九龍灣區內加強行人天橋網
接駁系統都係一件好事, 不過起碼等 5-10 年先成網

其他:
(執法及罰則)
8. 加強執法及罰則, 各位朋友都明, 唔再詳述, 減少路面擠塞

(提高電子道路資訊)
9. 除加強旺區 / 新市鎮主要道路的實時路況資訊外, 亦可考慮提供停車場餘位資料俾駕駛者參考, 減少旺區
停車場的擠塞

原帖由 PS8851@182 於 14-1-2015 07:51 PM 發表
CWB係怡和街, MK係彌敦道, 咁中環既低排放區係邊條路?

龍和道！
有914A,960X,968X等等……咁少線，係咪好低排放先？
(係WO……之前又話914重組？)

冇貨車入去送貨，你去到中環尖沙咀食屎呀？
我都會去中環尖沙咀派貨，貨車送完就走，有幾阻街？
要針對既係擺半日都唔郁既私家車，唔係貨車囉！