當一部大發Charade 被一部本田Accord以時速超過70km/h撞埋來之後,
就變成咁….
D組件全部都冇爛, 只係變晒型….
個晚, 家父載著四門朋友出去食飯, 駛至西沙路雅典居對出,
往馬鞍山市中心方向, 未到巴士站前, 前車因燈位排長龍收慢,
家父就收掣, 豈料被一輛EP牌的本田Accord從後以超過70km/h
直撞車尾, 車上三名後座乘客頸部 “挫” 親, 全數送往威爾斯親
皇醫院, 敷藥後出院.
印象中, 肇事Accord車頭燈組全數爆裂, 碎片處處, 水箱及電池亦分
別爆裂及移位, 車頭泵把, 頭陣損毀嚴重, 事後要由即場兜生意的拖車拖走
往火炭一車房. 講起, 撞左車都唔夠5分鐘, d拖車就到晒...仲快過d警察…
不過Accord個司機堅持不認帳, 仲話家父好突然收掣…(前面紅燈排隊唔通
唔停?), 仲話係家父的錯, 堅持要家父賠償, 佢見到我地部車有三個要落穩定
頸椎的儀器, 仲即刻要本來仲好惡, 話家父好倒後撞到佢地部車 (仲有冇D再
荒謬D既說話?) 行得走得的老婆扮有事, 一併送院…
小弟當年就當然勁嬲, 撞爛我地部車仲要話家父?! 小弟數佢祖宗十八代之
餘, 再將佢話家父的說話回敬佢, 再寸佢寸到有警察要求該名司機去度位
為止…
由於是星期日晚, 大量從西貢燒烤完出沙田的車輛塞在西沙路, 亦令所有
錦英苑開出, 87K,及285脫班, 期間更一度全線封閉, 方便運送傷者及調查.
度位之後, 成班警察夾手夾腳推左部Accord埋巴士站, 我地部Charade 仔仲
行得, 以龜速埋左巴士站, 警察再清理路上碎片, 路面方重開, 但因巴士站
被我乎佔用, 巴士停站佔了一條行車線, 路面依然十分擠塞.
之後, 警察明言係對方的問題, 於是叫了兩方司機談判, 由於家父一直被嚇
得不知所措, 因此小弟一直陪伴在側, 做了家父的代言人…另一方面, 亦即
時連絡家母及其契哥來…並連絡負責我地部車的保單的經紀
我地開出條件就當然是要對方承擔所有責任及維修費, 對方都未聽完就
話: 唔賠.
於是按照程序, 先向自己的保險公司Claim. 簽晒紙之後, 雙方, 包括一眾傷
者被安排於數日後再到警署落一份詳細的口供.
之後, 兩部來 “救駕” 的車子, 都係豐田車, 包括自己家的AE92, 及1980年
的司力架. 當時初步評估係部車的陣被撞至縮左上去, 但仍能行駛.
係部AE92的護送下, 部Charade就以不高於20km/h的時速, 慢慢駛至一安
全地點停放, 待翌日由原廠派拖車拖走.
第二朝, 部車臨拖走前數攝…
之後, 部車留在原廠一個月, 由保險公司的公證行評估後, 再進行維修.
總維修費共三萬多, 包括:
拉陣, 及移正所有移位的部件, 並更換損毀的部件
新車尾泵把
左尾車身及泵把焗漆
新左車尾泥擋
車尾箱蓋
車尾燈組
新左車尾避震機
四輪定位
車尾車底防锈
車尾貼紙
(記得既只係咁多…但好似仲有d)
之後, 有關方面承諾永久不漏水的保用 (到而家都係拎返部車冇幾耐出現少
少滲水, 有關方面都安排了免費維修)
部車12月上旬才拎返, 足足一個月少左部車用…
之後, 仲有下文…話說保險公司個邊一路就話係未claim返對方所有維修
費前, 要扣起家父的NCB及墊底費, 個時家父的NCB已經去到60%, 墊底費
又俾左$5000, 一路我地都已經覺得好無辜的了. 一年之後, 連肇事司機危
險駕駛的罪名都完了案, 扣左六分及罰款, 但保險公司依然話未追到錢…
後來家父被迫跟保險公司以沒有NCB的價錢續全保, 保險公司亦承諾追回所
有維修費之後, 除了發還NCB及墊底費外, 還會退回多收到保費…
如是者又多等了半年, 家父就覺得無理由, 明查暗訪後發現原來行內有數間
保險公司有協定, 不會向對方公司追討, 而NCB及墊底費則順理成章不獲發還.
家父氣結之餘, 亦循多個途徑, 包括保監會投訴, 又實行每日一CALL, 每日打
電話去保險公司追討, 之後, 原本負責的經紀PASS左個CASE俾個經理, 之後
經理受不著又再掟個CASE上去再高職位D既人士…
後來, 就係因為咁, 連保險公司都怕左家父, 經過一年9個月的追討, 終於拎
返晒所有錢, 當中包括少了一部車用時既的士費….
之後, 家父再續牌時, 連保險公司都換埋…所以大家駕車真係要小心, 一係你
就要夠 煩, 如果唔係, 就算你啱晒都要破財.
P.S 呢堆相, 有板友想睇好耐的了, 到而家先有時間POST…
歡迎討論.
遲D再貼一些呢部車早期D既相…
[ 本帖最後由 hkbw 於 2006-5-13 15:21 編輯 ] |
