將軍澳山上及觀塘東半山往觀塘重組

成個建議唯一亮點係藍田往來曉光街同和樂邨，但仲有好多問題要處理

1. 和樂邨往返將軍澳應該搭咩車？而家呢個站都有一定數目的巿中心客同買餸客，人流又唔係少，要佢地行上行落觀塘道，或者疏車轉疏車，係問題

2. 將南往秀明道，點解係搵條 $5.8 既線去做，而唔係 $10.7 既線去做？

3. 93A 牛頭角屈返入觀塘碼頭，簡直係阿茂整餅，但與此同時沿線，尤其是曉光街，無車落開源道一帶的商貿區

4. 13M 屈入秀明道，其實對安達往來協和街唔係太吸引，13M 仲有其他野可以玩

根本要慳車仲有好多重組方法，但你就製造左幾個窿位，同埋幾個倒錢位

cong 發表於 2016-5-30 23:50
1. 呢個的確係個窿,但其實由街市或者係翠屏學校群行去和樂村同其他替代站位步程唔會差好遠;如一定要補 ...

1. 問題係 93K 唔適合長線短用做呢個位，93K 應該要做的係成條取消，換其他野返來，無謂幫佢加獨巿位搞到日後更難重組。
同埋買餸地點唔止瑞和街街巿，基本上成條瑞和街都有唔少攤檔舖頭，行去和樂邨近過落返觀塘道好多，仲未計反方向無理由叫人觀塘道過天橋行上山

2. 但係你條 296 同 290A 都係重疊得太犀利，同埋我岩岩又發現多個窿位：康盛翠林往將軍澳圖書館/泳池，據知有地區老人團體堅持要有條線做佢地生意，跟 290/A 就做唔到

3. 屈里數都唔係咁屈法，實際上如果係用 98A 名義縮線，或者用新編號特快線名義，唔入商貿區入面都可以照收 $6.1
但你走入去，就會受到偉業街塞車影響導致脫班，就算唔塞，一來一回都用多起碼廿分鐘。
再加埋你仲要梅花間竹開牛頭角站短棍，到時班次真係無眼睇

（同埋其實 15A 唔入開源道，直到今日依然有人鬧，不過係 15A 如果入埋去，做埋偉業街，會影響埋其他往返藍田至九龍灣打後的乘客，先叫做扯平；
但 23 93A 呢類，本身觀塘碼頭就係總站，呢個因素不適用）

4. 安達落觀塘個 pool 又未必咁細，秀茂坪 13M 差好大程度係因為有替代，尤其紅小，但安達的替代係要行去寶達搭車，
如果再加埋安泰，有條直達線落協和街裕民坊，巿場未必無。
當然用 13M 食埋，理論上係最少資源做最多客的方法，但其實仲可以考慮觀塘自行重組，開多條 15/20 分一班唔兜入秀茂坪。
就算要兜，都只係落山方向兜好啦，反正 13M 而家曉光街直上寶達，秀暉樓站落車已經做到大半個秀茂坪，返回頭路上山方向做埋秀明道似乎無必要