將軍澳巴士線重組(part1過海線/東九龍巴士線)

fleetline 發表於 2016-7-4 07:44
浩明苑行去梁潔華的距離同尚德行去將軍澳站的距離差唔多
不過浩明苑行去寶林站距離比尚德行去將軍澳站近 ...

原則問題，你為左自己樓下多一條線，就要拉走人地樓下條線，形同掠奪

現況係浩明苑/景林有全日 690，而你地無

仲有我先前提過，就算去程俾你成功改路，回程你一樣係拖慢人地行車時間，為巴士公司增添運作上的問題，分分鐘令佢地倒蝕，你又無視？你諗住點解決？

不要對沒法改變的事情浪費時間。 （雖然我現在也這樣做...）

因此，停止同那些因為自私而歪理連篇的人討論吧。

S3BL100 發表於 2016-7-4 22:33
原則問題，你為左自己樓下多一條線，就要拉走人地樓下條線，形同掠奪

現況係浩明苑/景林有全日 690，而 ...

巴士資源有限, 你一句原則問題就不能改動?
咁以後所有巴士路線都不可作任何改動, 因為一作改動總會有人受影響.

由景林行去新都城根本就唔係一個唔合理時間, 現時又有轉乘足以覆蓋,
最大的理由係本身果個站使用率低, 咁多原因又有解決方案都唔可以作出改動?

回程中環區改路已經慳了不小時間, 而回程可以跟去程咁行.
不過回程可以再慢慢傾, 但去港島方向應該要盡快實行, 咁可以睇下改路效果再討論下一步點做,
而回程方面可以用觀塘警署作轉車站, 等乘客可轉乘296A/296C到目的地.

(1) 點解要拉慢現有 690 將軍澳乘客黎成全尚德區有車？
>> 咁將荃本身冇打算做秀明道，都唔應該兜入去，拿拿林取消左 290A 去，將所有車變 290 ，事成後我保證從此冇人會再建議 690 兜尚德。

(2) 點解要用冇地鐵既區域去遷就有地鐵既區？
>> 如果咁講，大把線取消得，例如九巴及新巴 2 。點解到今時今日仲生存到？好簡單，有客囉。
>> 692 當年尚德邨唔係少客，非繁都有成 15 個，值得用多 7-8 分鐘去做多 $200 生意。

(3) 將軍澳站同時受康城車影響，講緊係康城後果班寶琳林係冇乜位比到將軍澳站既人上到，實際上佢地上到既地鐵只係比寶琳坑口多好少。

(4) 690 本身有瘦身空間，個人覺得可以咁精簡走線
中環方向 : 寶林段跟 E22A
將軍澳方向 : 中環段跟 692
剩係呢兩段都可以用少 7-8 分鐘，

(5) 尚德有兩蚊機又係不爭事實，但港島冇得減兩蚊，可以先做單向回程試水溫，就用前面改道慳左既時間入尚德
將軍澳方向，景榕樓後 U Turn 兜尚德圈>茵怡>寶儉樓>英明苑>原線
咁就連坑口邊皮都雙向做到

(6) 站係九巴立場，咁改完之後， 296M 仲可以即時槍決 ( 只要早繁開多少少 93M ) ，簡直百利而無一害

S3BL100 發表於 2016-7-4 22:33
原則問題，你為左自己樓下多一條線，就要拉走人地樓下條線，形同掠奪

現況係浩明苑/景林有全日 690，而 ...

咁當年尚德樓下有 692，而翠林冇。
以運吉個思維，將荃係 692 換返黎既，
咁樣我想問翠林係咪掠奪左尚德既資源？

如果 290 咁都開得既時候
係時候找數啦，咪再雙重標準

GW5878 發表於 2016-7-6 02:11
咁當年尚德樓下有 692，而翠林冇。
以運吉個思維，將荃係 692 換返黎既，
咁樣我想問翠林係咪掠奪左尚德 ...

點可以咁比？

首先本來最初將荃計劃根本無郁 692，亦只係計劃坑口止步，本來係將北自行重組換返來。
而家將荃被招標，影響九巴重組誘因，當年方案其他 big picture 項目全部無推出，咁算唔算翠林康盛被掠奪資源？

就算唔計呢筆，更大分別係，尚德無左 692 換返條 290/A，仲要淨係計兩區，使用人數都多過當年 692。
但如果你搞 690，係講緊山上同寶林受影響，車程拖長，服務水平下降，但無其他野換返俾人，浩明苑仲要成條線無左

本質已經好唔同

至於你話 290A 被拉入秀順喇喎，而家生米都煮成熟飯，你仲可以點？
叫 290A 變返晒 290，就會係你掠奪其他人的資源。

況且九巴點解要聽你支笛？明明 290A 盤數仲好過 290，你憑咩叫人倒錢落海，叫人唔好賺錢？

S3BL100 發表於 2016-7-6 03:42
點可以咁比？

首先本來最初將荃計劃根本無郁 692，亦只係計劃坑口止步，本來係將北自行重組換返來。

坑口我唔同你講
尚德我都幾肯定使用人數不及 692 ，
我多次係唔同時間係唐俊街睇 290 290A ，冇一架多過廿個人，部分車仲要少過十個人，當年一班 692/P 剩係一個尚德商場已經 KO 左兩班甚至三班 290 + 290A 啦
你仲好意思講呢句

根本成個重組
對尚德而言
692 冇左
694 慢左
290 290A 快唔過又平唔過 40 轉 296A
完全被搵笨
而尚德本身又唔係唔偏好搭巴士既地區喎，
692P 整體客量差，個主因係個餅太細，
尚德個客量本身唔差，下下都三十幾個 ( 當然要呢三十幾人撐起架車就有難度，亦即係整體客量唔夠玩 )，就算客量冇翠林 690 果種客量都唔應該忽視，如果呢批客同 690 一齊夾一定好可觀

而且，係正常人眼中，係唔會理背後九巴想做既 Planing ( 甚至所謂既 plan 都只係巴士迷間口傳，根本冇證據，不過呢個唔係討論重點 )
而只係睇到冇左 692 + 694 改慢 + 290 290A 出現，
係正常人眼中，一定係會睇到觀塘區掠奪資源，完

要撥亂反正
我都係好認同我個 13D 延長至荃灣既大計，或者就取消 13D ( 另由 1A 抽調資源開 1B ，全日 20 分鐘一班經牛頭角道 ) 就有資源開快線，到時大家都有屬於自己既荃灣線，和和氣氣大家好