黠解嶼巴面對惡劣既經營環境，但又唔重整資源？

由於乘客需求及路面情況等因素，一直以來嶼巴既經營情況一直欠佳。大約10年前360開左之後，簡直係對嶼巴一次嚴峻考驗。仲記得當時嶼巴經理向報章透露，除左3m、11、38之外，其餘路線都要年蝕過百萬

雖然前幾年新東涌道開左之後，營運效率係改善左，但相信情況唔會差太遠，一直蝕錢既都係繼續蝕
但其實嶼巴根本有好大既空間去重整嶼南區既資源，減輕營運成本

好似11同23號咁，23基本上朝早出東涌／晏就上昂坪都唔多人搭，有時仲吉車遊街
而同時段既11就相反，長期頂閘上山
但嶼巴又唔將23號既分段調低，又或者設立雙向分段疏導11既乘客
結果就經常出現頂閘既11拖住吉車既23上山

又例如A35，機場一段全日10個乘客都冇
再加上要兜到塘福先調頭，即使係東涌往來嶼南既乘客都好少
要cancel應該唔會對乘客造成太大不便，但嶼巴又一直任由呢條崎型路線存在

其實嶼巴仲有好多措施可以做，但感覺嶼巴一直唔太care
定係嶼巴真係一間具有社會責任感既公司，以乘客為先呢？

這就係政府比嶼巴投到大嶼山以外的路線（深圳灣口岸B2）的背景
嶼巴當年曾表示，若投不到深圳灣口岸路線，整間嶼巴就要執笠
結果政府批了元朗至深圳灣路線B2比嶼巴做

後來B2愈做愈大，更衍生了B2P, B2X支線，扭轉了嶼巴多年虧蝕的局面
亦令嶼巴繼80年代引入雞車後，於2015年再次引入全新雙層巴士
更成為首間大量使用MAN A95 12米的專營巴士公司

嶼巴做轉乘既話
有好多線都可以cut

2仔、4仔全部可以cut
俾曬1仔加班
1仔拉入舊墟
原本上昂坪既客就1仔轉23

A35就可以同城記龍運合作
用3M加轉乘算
可以慳埋果一兩班

捱多幾年   港豬澳通車啦
大把大陸澳門客黎
到時嶼南應該中門大開  任人入
呢排見到好多地方轉左做停車場
貝澳、石壁等等
將來開放俾所有車輛就塞到喊

嶼巴爆車已經經常發生，23無客就會行正班，多左既車就行11加班。但最後總結都係巴士太少，整多過行，加上不是所有巴士司機可渣嶼南路，好多都會有冠忠入來幫手，其實留意的話
，好氣天時係條條線都要加班，360停就更加跑死人，現在小了部份自遊行還好，上年還未取消一簽多行時，平日都做死人的。

唔好唔記得，架巴士得四十幾個位，兩千人都要一段時間消化。

嶼巴有兩樣野好難拆得到: 1:山路特多（比金公司81更大耗損 直追金公司51）
2:某部份地方少客 但又唔做唔得（金公司51都仲話成段無人區）

eric278 發表於 2016-6-30 11:25
這就係政府比嶼巴投到大嶼山以外的路線（深圳灣口岸B2）的背景
嶼巴當年曾表示，若投不到深圳灣口岸路線， ...

如果無地鐵撈過界做360
應該部B2唔會俾嶼巴（政府知過境車係肥仔線 又知大嶼山無嶼巴唔得 ,唔通靠50部的士頂哂咩 無可能！）

acc1368 發表於 2016-7-22 00:20
如果無地鐵撈過界做360
應該部B2唔會俾嶼巴（政府知過境車係肥仔線 又知大嶼山無嶼巴唔得 ,唔通靠50部的 ...

假若360伸延到大澳，嶼巴直頭俾Ko埋都唔奇

其實俾嶼巴開多D假日入大嶼山既線
或者做埋青衣就好

講真, 我一直都話九巴版圖太大, 服務參差, 有部分區域係時候要引入競爭/騰空返出黎

自從嶼巴投左B2後,已經無蝕過錢,自2008年加價後已經無加過價,其實嶼巴已經好少買新車, 除左雙層巴士同單層巴士係直接嶼巴一手車,其他巴士(主要係旅遊巴)係二手車,行過大陸同屋村先賣俾嶼巴

11班班車長期頂閘係事實,去大澳一定要去東涌總站搭先有得坐,去富東就要企足全程,番東涌更加要早少少去大澳總站搭,因為一上完就會無位坐要企全程,假日會有外援車幫手,平日就要搭下班車.11係一般路線,23雖然係一般路線,但由於昂坪係旅遊景點,所以23係貴D,其實嶼巴已經唔將23號既分段調低,更加無左由昂坪往羌山及石壁的短程分段收費。我見坐23上昂坪主要係大陸客,當然有部分人唔想迫11而走去搭,我知道有人搭23去由東涌搭到伯公坳落車行山,由東涌搭到長沙落車去泳灘,有長者專程用$2搭23由東涌搭到長沙,水口,塘福番屋企,至於出番東涌,D人見有車就水,唔通呆等等到天黑咩,其實23係疏導11既乘客

我知道嶼巴假日有11A,平日有特別車由沙咀懲教所途經塘福懲教所開出特別車同埋水口開出特別車但用親猛獅18.350,RC2呢D垃圾車,上東涌道唔夠力,載客量低,點疏導11既乘客
又例如A35，機場一段全日10個乘客都冇
再加上要兜到塘福先調頭，即使係東涌往來嶼南既乘客都好少
要cancel應該唔會對乘客造成太大不便，但嶼巴又一直任由呢條崎型路線存在

你話嶼南去機場得10個乘客都冇,其實嶼南有唔少去機場番工既人係度住,主要係空姐同機師,我早幾日搭11,見到個CX空姐拎住兩個大型行李箱係長沙追住架11,個司機見到等埋佢,但因為猛獅18.350無行李架,個空姐咪唯有擺通道位,有人行過就要拎起行李箱,仲同我講唔好意思,佢最後轉左S64
番到機場同班同事吹水話大部機場番工既人主要住係嶼南同東涌

如果無左A35,你唔通叫機場番工既人行路出去咩


其實嶼巴仲有好多措施可以做，早排運輸署建議A車繞經港珠澳大橋口岸,建議以小巴接駁口岸及東涌，俾沙田區議員容溟舟同埋立法會毛孟靜質疑不能應付客量。其實A35如果總站搬去港珠澳大橋口岸,全日經東涌,咪唔洗用小巴接駁口岸及東涌,我相信由得10個乘客都冇變成第2條B1

hadboy5 發表於 2016-7-22 08:39
假若360伸延到大澳，嶼巴直頭俾Ko埋都唔奇

係就快，順便ko 屯門-東涌-大澳渡輪

等E33P NA33入返屯門碼頭