[討論]雲華街是否不適合巴士行駛 -- 更新: 附議員回覆

JX9097 發表於 2017-2-1 13:39
其實當年重建沙田坳邨嗰陣點解唔考慮起埋個巴士總站?
(即係類似將舊慈北一拆為二咁)
一嚟方便沙田坳邨居民 ...

當初就算你整個巴士總站係沙田坳都唔會搬線
成個規劃就係慈中做中心點, 基乎所有線都要去慈中呢樣係唔會變
落山方向, 全個慈雲山, 得3M 同埋2F特車唔經或者唔入慈中,
3C 302 302A走都要兜一兜慈中, 2F 15A就算係唔入慈中, 係毓華街都要有個站近慈中
咁你就知慈中根本係冇得唔停
上山方向, 其實有眼見, 本身唔係停慈中嘅2F/3M可以直行
但停過慈中嘅3C係要落去, 俾你搬到線都唔可以skip慈中

至於全部車都行慈北兜圈
理論上係可行, 不過咁樣只會令到慈北更逼
咁樣行亦對三期出面果段慈雲山路黎講, 絕對係超負荷
以朝早咁多人咁多車黎講, 加長路線只會令到行車時間更長同埋更塞燈, 唔會係好事

其實條斜路1:8 jei, 唔好講到唔行得巴士咁
只係有時政府應該做嘅唔做, 防滑鋼砂雖然唔係無敵, 但至少有用丫, 點解咁耐都唔用?

其實慈雲山中心總站以及正暉樓站係同樣重要，
正暉樓站係接近更多居民，而慈雲山中心意義係集中全座山交通，
跟新市鎮道理一樣。
雖然望地圖慈雲山中心跟正暉樓好似好近，
但真係要行的話雲華街係好斜好難行。
（可比較：炮台山站有電梯上富澤金文泰但新時代門口都有人坐上炮台山道。）

唔想有咁多車用雲華街上斜來回兜正暉樓圈又要做慈雲山北，
就唯有倒轉由中央球場左轉雲華街落斜返慈中總站，
之不過中央球場一段雲華街落斜太危險，
就算樓上講話「慈雲山北總站-->慈雲山道-->雲華街-->惠華街」九巴都會因為安全理由不予考慮
（參考慈雲山道左轉惠華街爆水管時臨時改路期間，
九巴係慈北調頭後經德愛、毓華街、崇華街到伍若瑜轉返上斜）；
結果係九巴寧願每日慢慢辛苦上斜兜圈（即係無得改，除非他日慈雲山中心要拆），
都好過驚有日落斜失事出意外（參考：https://www.youtube.com/watch?v=Gb7POcDws3A）。

當然，若你真係想唔兜正暉樓圈或者想雲華街落斜？
服務慈雲山之巴士公司尚有新巴……

封左中央球場做巴總 咁就左右逢源 慈正 慈中一站食晒

配合 689 盲搶地 球場加建公屋  perfect池  

Gary_B 發表於 2017-2-1 21:08
封左中央球場做巴總 咁就左右逢源 慈正 慈中一站食晒

配合 689 盲搶地 球場加建公屋  perfect池  

跟住領展封埋個巴士總站, 擴建慈雲山中心到時真係一舉幾得

不過冇左個球場相信都幾難做到
FF下就好喇

個條橋起好最好CUT一半車唔停正輝
而加個工程攪到d私牌唔敢慈中一出左轉雲華街走
講到尾係班區議9,做唔到野

暗黑使者 發表於 2017-2-1 21:33
個條橋起好最好CUT一半車唔停正輝
而加個工程攪到d私牌唔敢慈中一出左轉雲華街走
講到尾係班區議9,做唔到野 ...

之前成個慈雲山都係民建聯, 邊個夠膽叫唔經正暉
狗咬狗骨就唔好啦

至於cut幾多, 密車線CUT一半又唔算好離譜
不過班區議員肯先算啦

[FF]
搵部單層巴士, 開一條無限循環線3T, 停慈中-正暉樓-慈安苑, 慈中各線車長輪流攝, 所有經雲華街上正暉樓往慈中的路線乘客, 一律可免費轉乘此線, 此舉可大幅減少上斜巴士數目.

至於點解編號係3T? 3系用過/咗好多字母, 叫3T夠晒注目, 搭3T, 中3T!
[/FF]

6516 發表於 2017-2-1 19:59
其實條斜路1:8 jei, 唔好講到唔行得巴士咁
只係有時政府應該做嘅唔做, 防滑鋼砂雖然唔係無敵, 但至少有用丫, 點解咁耐都唔用?

問題不只在於上斜本身，而係路面設計及流量控制出了問題。
巴士由慈中一出，惠華街雲華街口係STOP位，但其實係十字路口，
三面車個個都可以自由轉，要STOP嗰個係最多車但竟然優先最低。
停低十幾秒睇完一大輪，大斜扭彎轉咗半架車之後雲華街頂支燈又塞返落嚟，
成架大車斜放在惠華街雲華街口三煞位，再起步嘥力嘥油噴晒黑煙，都未爬到頂，支燈又轉又停過。

除咗鋪防滑物料外，我諗可以將惠華街至慈雲山道一段雲華街改為單程北行，
惠華街雲華街口改畫線令慈中往雲華街上斜成為主流方向*，咁就既安全又順暢。

*改畫線建議：
雲華街頂段改單程，山頂燈口左右轉分開兩條線；
惠華街出口左轉落山及右轉上山均無須停車；
雙鳳街上山到路口畫讓線，正線直行上山或左轉慈愛苑、分右線往惠華街；
慈愛苑出口改為STOP線並只准左轉上山，入口可由雙鳳街上斜入或惠華街入。

DIH 發表於 2017-2-2 10:35
問題不只在於上斜本身，而係路面設計及流量控制出了問題。
巴士由慈中一出，惠華街雲華街口係STOP位，但其 ...

封左雲華街落山, 只係將個塞車位去左第2度
之前已經試過雲華街封左落山, 果排就搞到慈中出面塞到媽媽聲....
當然, 如果配合埋惠華街可以直出唔駛停, 係會有唔同嘅效果
最好就可以試下行幾個月, 睇下真正效果

但最治本嘅方法係減少車流量
其實慈雲山成個道路網都係唔掂架, 車太多, 路太窄
減巴士上正暉唔係問題, 但其他野唔一齊減, 我睇唔到有太大分別
綠VAN又車海, 紅VAN又車海又泊街邊, 又多貨車街邊上落貨
原本諗住起左個條咁嘅天橋可以少咁D小巴, 睇黎都係諗多左

6516 發表於 2017-2-2 11:15
封左雲華街落山, 只係將個塞車位去左第2度
之前已經試過雲華街封左落山, 果排就搞到慈中出面塞到媽媽聲.. ...

咁要加埋慈雲山道正暉樓一段劃做2線落山、1線上山，但條路應該唔夠闊，要向行人路偷位。

自從「慈雲山站」變成自動行人系統（好似連自動都冇埋），已可預期山上車流隨時不減反增。