深水埗區議員要求交代6P數據及全日化
有深水埗區議員要求交代6P數據：
要求交代小巴 45M、45B 和巴士 6P 行走情況及改善 45M 小巴脫班問題
蘇屋邨第一期於九月下旬正式入伙，由於新春前後陸續多街坊遷入，我們希望了解更多現時小巴 45M、45B 及巴士 6P 行走情況，
包括有多少輛車、每幾分鐘開出、行走的時間由早上至晚上甚麼時間、現時的客流量情況、以及大概何時會加密班次乃至全日行駛。
於此同時，本辦事處收到街坊反映意見，指小巴 45M 中午時段有脫班的情況，有時候甚至等候了超過 25 分鐘，
因現時大部份蘇屋邨居民均乘坐 45M，故居民表示甚為不便。 有見及此，我們希望運輸署能夠提供更多關於小巴 45M、45B 及巴士 6P 行走情況數據，
以及促請改善 45M 小巴脫班問題，以便適時向居民報告最新情況。
文件交 2017 年 2 月 16 日深水埗區議會交通事務委員會討論。
文件提交人：謝曉虹、陳偉明、鄭泳舜、黃達東、劉佩玉、陳穎欣、張永森、李詠民、林家輝、李梓敬、梁文廣、陳國偉、劉建誠
2017 年 1 月 26 日
===============================================
「每幾分鐘開出、行走的時間由早上至晚上甚麼時間」呢個唔係官方已經放咗上網同apps喇咩？
到底有幾多人開線之後改坐巴士而棄港鐵而去又真係需要知道嘅…
6P而家幾班都接近載空，點全日呀？
FBI2 發表於 2017-2-10 15:01
6P而家幾班都接近載空，點全日呀？
其實就算搭鐵要行一段路都仲可以快過架6P, 咁我做咩要限時限刻等?
數據出左都幾肯定係反過嚟抹殺全日可能性
希望下一部唔會係叫6D延長 其實邊個咁醒劃條6P出黎
如果剩係做流水客呢幾班車都無意義
長途客要快又比唔到
kay 發表於 2017-2-10 20:27
其實邊個咁醒劃條6P出黎
如果剩係做流水客呢幾班車都無意義
即使係去翠屏而唔係去油塘, 情況同而家大同小異, 根本冇乜人會搭, 敗筆係行彩虹道, 而以半直通服務的13P, 亦只係好少少.
以6P的營運方向, 係應該參考13P做半直通路線, 而唔需要站站停, 更唔應該行彩虹道, 即使係6D輔助線. 兩條東西九半直通, 各自做到居民返工客, 減少多餘車程. 有心改善嘅，應該會有d建設性建議，至少不經彩虹道、不停界限街都要諗啦。
無心嘅，9巴大可學似特工咁，搬宜家嘅數據出台搏取消。 預期開埋6P呢D慢到痴線嘅流水線
不如開條半直通/ 特快返觀塘好過啦
根本彩虹道就可以加個轉乘交返比6D做，加多幾條線比人叫幾飛又得。
lwb701 發表於 2017-2-11 08:44
預期開埋6P呢D慢到痴線嘅流水線
不如開條半直通/ 特快返觀塘好過啦
根本彩虹道就可以加個轉乘交返比6D做， ...
問題係九巴本身已經有BBI
比人唔入彩虹道情況下去觀塘
係大家話要觀深線，嘈左幾年九巴開返條
既然係6D影子線，跟足行唔係問題
但油塘藍田段架埋起黎，就真係智障
kay 發表於 2017-2-11 08:48
問題係九巴本身已經有BBI
比人唔入彩虹道情況下去觀塘
慘在飛走埋彩虹道都唔算唔上特快
除非可以學2X唔停站
仲要浪費時間轉車，有BBI 都唔等啦。:L