HV9990 發表於 2017-11-30 01:19
其實你係咪曲線緊？
邊個話要發展石崗？
泛民都反對一地兩檢架喎，唔通佢哋都係本土派？
唔發展石崗，邊度黎本地通勤的需求??
建議高鐵做本地通勤，已經等同建議發展石崗
ky26042008 發表於 2017-11-30 01:39
你某程度上係正確既, 我唔係反對一地兩檢, 因為一地兩檢世界上有先例係運作良好, 如英法間既歐洲之星系統 ...
但香港唔係主權國家，2047年中共亦大條道理對香港實行一國一制
想永續一國兩制，就要俾中共睇到即使係一國兩制都唔會俾上面太多麻煩，
無一地兩檢絶對會對上面高鐵造成好多麻煩
ky26042008 發表於 2017-11-30 00:25
其實當時深圳灣口岸香港係比左15.3億人民幣既"土地開發費", 而家重每年比緊623萬人民幣做租金,
相反香港西 ...
深圳去北京/上海大部分人都搭飛機，
但深圳北開去北京西/上海虹橋的高鐵係班班爆住開出，
點解??
因為日間去北京上海的班次唔係不停站直達班次，
係做流水客為主
所以即使去北京/上海大部分人都搭飛機，
都唔代表香港去北京/上海的高鐵就無人搭，
中途的長沙同武漢，
香港搭高鐵上去係好有競爭力的
同樣地，日本係無人由東京坐新幹線落鹿兒島，
但依個只係唔開東京-鹿兒島班次的部分原因，
日本各地不同公司要搞跨公司直通運轉先係主因，
如果成個日本新幹線係同一間公司，
一定會有東京-鹿兒島班次
最後，
一地兩檢係提供香港可以直達中國毎一個車站的可能性，
出省班次依家未有咁多，但20年後、30年後呢??
無一地兩檢等於自斷後路
本帖最後由 ky26042008 於 2017-11-30 03:12 編輯
epsilon 發表於 2017-11-29 14:43
福田、深圳北及廣州南兩檢明明最符合所有持份者利益，西九兩檢完全係為政治需要。
只要香港段唔需要安檢自 ...
前一部分我係十分同意既, 香港做一地兩檢既冇必要, 亦冇咁既需要, 係深圳同廣州做同樣既野係有相同既效果而且成本低好多,
唯一諗到既就只有政治問題, 為左向中國政府獻媚, 不惜犧牲香港利益, 高鐵如是, 三跑如是, 連港鐵既無限中國製列車都如是, 呢樣先係我最反對既
不過對於將高鐵用作通勤甚至過海鐵路一事就有D保留, 因為高鐵採(抄)用日本規格技術, CRH380A同元祖新幹線E2系一樣, 車闊3380mm,
比現時既九鐵系統既列車闊 (不論SP1900 (3100mm), R-Train (3220mm) 甚至MLR (3096mm)), 除非設置專用月台, 否則就要另外購買新列車,
如果以而家高鐵沿線一帶既人口分佈, 潛質確實不大, 唯一諗到既方法係興建路軌由錦上路,
經石崗機場以南延長至石崗車廠直通高鐵隧道, 使西鐵/ 北環線經錦上路直出西九,
不過咁樣做以現時黎睇黎作用不大, 有關需求亦唔高, 如果咁做, 可以考慮以R-Train行走北環線, 配合高鐵月台, 應該有機會做到約15cm闊, 較合理既空隙
當然, 採用伸縮月台板亦係可行既選擇, 不過正如上段所述, 我認為呢項建議實用性唔高
本帖最後由 ky26042008 於 2017-11-30 02:44 編輯
Kaix 發表於 2017-11-30 02:14
但香港唔係主權國家，2047年中共亦大條道理對香港實行一國一制
想永續一國兩制，就要俾中共睇到即使係一 ...
首先, 我重申, 我最反對既唔係一地兩檢, 係現行割地式既一地兩檢,
如果政府肯做只賦予出入境執法權既一地兩檢, 我相信爭議會比而家細得多
另外"唔好激嬲中共論"我亦係唔同意既, 中共想食左香港已經恨左好耐, 並唔會因為比麻煩/ 唔比麻煩而唔食左香港,
香港至而家都保有獨立性最主要既原因係香港作為獨特地方, 對中國有特殊價值, 所以中國先會唔食左香港,
香港要唔比中國融合, 最主要係必須保持對中國既獨特性, 而唔係破壞佢, 當香港變到同中國城市一樣時, 就正是香港滅亡之時
本帖最後由 ky26042008 於 2017-11-30 03:30 編輯
Kaix 發表於 2017-11-30 02:27
深圳去北京/上海大部分人都搭飛機，
但深圳北開去北京西/上海虹橋的高鐵係班班爆住開出，
點解??
首先, 香港前往中國既多以商業/ 旅遊/ 探親原因較多, 商業因素分兩大類, 係中國設廠既因素同去中國傾生意既因素,
而香港人係中國設廠既一般會以中港私家車代步, 因為廠房一般離市區較遠, 亦通常靠近廣東地區, 用高鐵前往費時失事,
探親同樣, 香港人前往中國探親一般都係係廣東省內, 甚少離開廣東省, 故長途高鐵代步之說亦唔成立
最後, 旅遊/ 傾生意一般會選擇較先進既地方, 例如北京, 上海, 廣州, 深圳等, 中國既商業亦集中係呢D地方, 前往其他地方既人係少之又少既,
你以中國國內既高鐵乘搭率評估香港段客量係唔正確既, 因為中國有民工, 各地探親等因素, 佢地來往中國落後地區既需求會較大,
但係相信香港人係唔會經常去長沙同武漢既, 既然需求細, 又冇迫切需要, 就冇需要咁做
有關未來既問題, 就假設日後香港來往中國各城市均有巨大需求, 我地可以先將現時既中方口岸區保留, 改作商場使用, 賺取市值租金,
同時係廣州, 深圳設立邊境管制站, 中方口岸區商場賺得既租金用作支付邊境管制站既租金同補貼高鐵開支, 到有一定需求時再將商場重新改裝做中方口岸使用,
相信咁樣會更有效益, 現時中方口岸區市值租金約7.25億, 如果出租10年, 可獲得72.5億港圓, 相信會比同期高鐵收入為多
而停止租用廣州, 深圳既邊境管制站時, 有關地方亦可改作候車室, 配合多年後較多既人流, 一舉兩得
然後, 日本JR各公司以至各私鐵係有緊密既聯系既, 日本鐵路既直通運行亦係十分普遍, 故我認為東京~鹿兒島新幹線唔存在與公司問題無關
再以東海道/ 山陽新幹線為例, 東京~博多既希望號橫跨JR東日本 (東京~熱海), JR東海 (熱海~米原), JR西日本 (米原~小倉), JR九州 (小倉~博多)共四個JR轄區,
博多~鹿兒島中央亦係JR九州管轄既, 故唔存在公司唔同而無法直通既情況, 只有係基於商業考慮下唔開辦有關班次
以上四間JR既營運範圍最遠可以由鹿兒島中央經小倉, 米原, 熱海去到新青森, 不過咁長既路線係極唔實用既, 所以亦唔可能出現
ky26042008 發表於 2017-11-30 00:25
其實當時深圳灣口岸香港係比左15.3億人民幣既"土地開發費", 而家重每年比緊623萬人民幣做租金,
相反香港西 ...
之前坐過高鐵由武漢上京，基本上每個站都大上大落，坐全程嘅人並不多，所以個人認為開大長途並無不妥，亦不一定直接同飛機兢爭
簡單啲睇，日間高鐵係流水線，飛機係特快
當然，高鐵臥舖係另一回事啦
以強國空域經常性出現航空管制，或許某d係九龍站附近的商務客，會坐高鐵而唔去坐飛機
但長途高鐵每日班次唔多，呢樣比飛機輸蝕
P.S. 為上面某位板友經常矮化香港感到不滿