本帖最後由 ky26042008 於 2017-12-2 23:59 編輯
stevenlim84 發表於 2017-12-2 23:29
我不知道你在哪份文件內見到是中國內地段的收入，不算在香港，這部分可能不屬於香港政府／九鐵，但應該屬 ...
其實正式黎講, 高鐵點分錢係到而家都未同廣深鐵路達成共識, 不過香港政府曾經以分里程計算分帳做模擬計算, 所以呢個都會係一個可能既辦法
馬時亨係呢到講過, 將來亦有可能用"定額營運費"黎比, 不過如果你條高鐵賺唔到咁多錢, 你估下廣深會唔會每個月送錢比港鐵?
到時最可能就係: 賺到錢就唔加營運費 (因為定額), 蝕錢就比少D營運費你 (冇理由貼錢比你), 好似而家油站加快減慢同有加冇減機制大家都有眼見
佢又話"港鐵在高鐵項目上「並非要求任何利潤」"即係點? 貼錢營運? 果864億真係還到世界末日時?
報道又話最遲今年7月簽約, 而家12月啦, 一D風聲都未有, 如果係有而我睇唔到, 麻煩轉載上黎比我睇下
本帖最後由 epsilon 於 2017-12-3 01:02 編輯
Kaix 發表於 2017-12-2 02:49
唔加石崗站，港内通勤只得西九-中環，
有幾多人剩係由西九去中環??
既然你都知香港喺高鐵網絡中唔重要，
咁香港搞咩一地兩檢爭做樞紐呢？
國內點會配合香港需要而安排充足直車班次畀你？
反而香港安份守紀做返個普通站點，
全部班次做短途穿梭來往福深廣三站，
人地都會歡迎你轉順風車，
做大佢地自己長途班次。
我由第一次回覆已經講要福深廣三站做一地兩檢，
而唔只係福田囉。
同埋係2014年前人地都為你預留晒空間做關口，
係香港自己傻仔同人地講唔要。
西九至添馬／金鐘通勤可以紓緩至少三條過海鐵路壓力都唔重要？
單係東西線由大西北出到柯士甸轉高鐵通勤線過海，
然後再轉一次車已可去晒全港島以至將軍澳，
有啲遠見嘅人都唔會覺得唔值得起。
Kaix 發表於 2017-12-2 02:53
你究竟有無上過去買過飛??
人多到排大半個鐘都未必買到
唔覺得同西九一地兩檢有分別。
你係驚上唔切國內班次的話，
喺西九方案之下都係唔會敢喺香港買定嗰程飛，
或者一定會畀嗰班車早相當多時間由西九起程，
能夠逃避呢個問題嘅只有搭香港開長途車，
但係西九方案之下根本唔會多長途車，
現實就係連當初應承畀香港嘅車次而家都走晒數。
ky26042008 發表於 2017-12-2 23:28
高鐵係中國梗係成功啦, 不計成本, 無限資源咁起, 你玩Simcity開個SandBox無限錢你起乜都成功架,
大家可以 ...
原來高速鐵路帶來既間接經濟效益可以無視?
就當中共係最世界最無知最廢既政權
咁日本仔仲起緊北海道新幹線又點睇?
台灣唔知做咩又要起高鐵
本帖最後由 HU6455 於 2017-12-3 02:16 編輯
ky26042008 發表於 2017-12-2 23:37
其實正式黎講, 高鐵點分錢係到而家都未同廣深鐵路達成共識, 不過香港政府曾經以分里程計算分帳做模擬計算, ...
兜黎兜去又係講錢, 聽下人地講啦, 都話基建唔係下下要回本, 你明唔明呀?
下下講D全部係自己估估下既數字出黎計, 完全無意思, 你又唔用你呢D計法去計下日本新幹線/台灣高鐵?
不如你又計下印度高鐵值唔值得起啦.
另外人地叫多你好多次, 講下呢個世界有咩鐵路係駛補貼去營運, 一方面你又答唔出, 但另一方面你又話要補貼就唔應該起, 根本就係自打咀巴.
epsilon 發表於 2017-12-3 01:09
唔覺得同西九一地兩檢有分別。
你係驚上唔切國內班次的話，
你又係一樣, 今日講既預計班次, 你就講到好似一世都係得呢d班次.
就算我當第一日我當一部長途車都無, 但唔等於一世都唔會有.
就算依家直通車咁, 79年恢復通車果時, 有人會諗到今日紅磡可以有車去北京上海嗎?
人會進步, 時間表都可以改.
條青馬橋岩岩起好都係得E31同E21, 全世界都無人估到一通車就要迫住開X21, X31
本帖最後由 ky26042008 於 2017-12-3 02:39 編輯
HU6455 發表於 2017-12-3 02:04
兜黎兜去又係講錢, 聽下人地講啦, 都話基建唔係下下要回本, 你明唔明呀?
下下講D全部係自己估估下既數字 ...
唔該呢位版友睇吓呢張圖
上越, 山陽, 東北同東海道新幹線都係有盈利架
東海道新幹線重為JR東海帶黎大部份收入, 某程度上JR東海都係靠東海道新幹線發達
重有, 我D數字唔係靠估, 係靠現有數據再經計算再得出黎, 一碟飯30蚊, 兩碟飯咪乘二, 60蚊囉
十年要比1000蚊, 1年咪除10比100蚊囉, 只係好簡單嘅數學黎
epsilon 發表於 2017-12-3 00:53
既然你都知香港喺高鐵網絡中唔重要，
咁香港搞咩一地兩檢爭做樞紐呢？
國內點會配合香港需要而安排充足直 ...
你想講即係等於不如將機場快線終點站改係青衣, 所有人係青衣轉車咪得囉, 反正D係香港/九龍站都係要轉駁腳車, 駁腳車直接開去青衣, 咁青衣到香港咪可以全部比香港人用, 比空間東通線加車, 一定可以紓緩過海鐵路壓力
本帖最後由 epsilon 於 2017-12-3 02:41 編輯
HU6455 發表於 2017-12-3 02:25
你又係一樣, 今日講既預計班次, 你就講到好似一世都係得呢d班次.
就算我當第一日我當一部長途車都無, 但 ...
你要明香港喺國內城市眼中係咩地位。
如果人地真係咁歡迎香港開直車上去，
點解今日比當初計劃反而少咗長途班次？
就算終點城市同香港都想，
但深圳好自然會阻撓啦。
我唔認為香港長途直車將來會大增。
HU6455 發表於 2017-12-3 02:32
你想講即係等於不如將機場快線終點站改係青衣, 所有人係青衣轉車咪得囉, 反正D係香港/九龍站都係要轉駁腳 ...
機快幾時牽涉香港同國內之間政治角力同無數城市之間利益分配嘅微妙關係？