053h4 發表於 2018-1-15 21:05
中環撘的士去落馬洲連隧道費都係350，佢而家咁定價，玩野咩。搞到成條機快2.0，想點？ ...
除非過境專利巴士在市區普及到好似機場巴士咁，否則高鐵客量上應該唔會係機快2.0，但原本有機會出現的班班客滿的情況應該唔會出現
okey852 發表於 2018-1-15 18:21
$80搭最高時速不超過200km/h的鐵路，邊有人搭？（不過都抵過機場快線嘅）
冇人會理佢極速幾多，14分鐘車程(快其他交通工具30-40分鐘)同一地兩檢相信對有錢人同商務客係有吸引力，但就做唔到市民層面上的普及化，本土派應該多謝政府，否則高鐵太平就會促進港深在日常生活上的融合
Kaix 發表於 2018-1-16 01:32
冇人會理佢極速幾多，14分鐘車程(快其他交通工具30-40分鐘)同一地兩檢相信對有錢人同商務客係有吸引力， ...
個人實測: 由深圳北返紅磡用左2個半鐘,
高鐵稍為比貴少少(你東鐵上羅湖都$40 LA)的確係有好大優勢
053h4 發表於 2018-1-16 10:49
所以睇下個客本身去邊
但如果真係做呢個價，加上西九龍站個33萬尺樓面，回報率真係高到無朋友
所以超左支都可以加價填數，定留位比禮義廉成功爭取真係要拭目以待
立法會鐵路事宜小組委員會主席田北辰指，鐵路票價計算是以香港人每分鐘價值多少計算，以乘坐西鐵線由屯門往紅磡為例，車費為21港元，需時38分鐘，除開每分鐘約值0.55港元。他指，由紅磡出發至福田區購物城站，連過境轉乘深鐵，共需時75分鐘，車費約為40港元，而乘高鐵需時15分鐘，車費為80港元。他形容，市民乘坐高鐵可節省60分鐘，以每分鐘0.55港元計算，可省去33港元，因此認為要往返深圳的市民會願意乘搭高鐵。他又擔心，高鐵開通後會與落馬洲支線搶客，直言高鐵香港段是為了讓港人直達深圳。
田議員究竟想講啲乜？又想重提當年佢嘅傑作「時值收費」？揀最貴嗰條西鐵嚟計就當然可以計到慳最多錢，但我唔覺得普通市民會有心機做咁多計算之後先決定搭唔搭高鐵
另外想問而家大陸搭高鐵一般要預早幾多去都高鐵站？唔計過關（因為搭唔搭高鐵都要過關），如果實名買飛同埋安檢呢啲隨時仲長過本身高鐵上深圳15分鐘車程，咁好難吸引普通市民乘搭
其實有冇可能做到好似日本咁去到車站售票機買張飛就可以上即班車走？咁樣會吸引好多，起碼唔使做嗰啲麻煩程序
Kaix 發表於 2018-1-16 01:05
我覺得$60都仲合理，$80係太離譜，佢依家擺明剩係想搵錢，而唔係想發揮高鐵最大的社會效益 ...
講真，唔搵錢又點填返果差唔多一千億造價呢？
搵既錢仲要唔係香港自己袋哂既！
只不過$260去唔到廣州市區，$80只去到福田
我呢d窮鬼都係去返羅湖搭和諧號/大巴算。
既然票價已定，宜家希望西九龍站亦可取全國車票，免卻在大陸車站排隊取票之苦。
在大陸車站窗口閒閒地排30分鐘，
前面的人問呢問路，
問完又唔買/買不成，
無票時，又遂一問沿綫某幾個站有冇余票，
甚至連自己去邊都未清楚。