[商業角度X天馬行空X博插] 探討新巴城巴可行的出路
近年多條鐵路通車,對新巴城巴而言,負面影響已開始浮現.同時,在新發展區未能投得新線,大幅度抵銷現有網絡損失.
形成一個前無去路,後有追兵的局面,究竟如何是好?
本版曾有吹水,九巴收購新巴城巴,或給進智公交巴士經營權,
但好像沒有人提過以下本人的建議:
新巴城巴以合理價錢收購進智公交及電車公司,或取得控制性股權.
大家可能會插,幾間公司盤數都唔靚,仲要買唔怕蝕多D?競爭減少服務下降?
或當年城巴有錢賺買係合理.
不過,其實消滅競爭對手,將對手羅致其下,才是合理之舉.
以下是本人理據:
1.
先講電車
電車作用是流水線,服務範圍與巴士流水線相近
現時都是一個累鬥累局面,巴士有流水客但未有錢賺
電車公司年年客量下跌,只靠廣告維持收益
更甚的是,兩者重覆的服務,速度上沒有一間公司佔優.
收購好處:
得到電車公司廣告收入
可以考慮將巴士流水客源改往電車,減少巴士資源及空氣污染
善用電車資源,為環保出一分力,騰出的巴士資源可開設新服務
2.
進智公交
近年進智公交都是虧損多於有錢賺,加上創辦人與世長辭,
鐵路網絡發展,亦一步步影響生意,本人認為後人未必有心機長遠經營.
另一方面,新巴城巴與進智公交同樣很多路線重覆
形成累鬥累局面,另外,巴士公司有蝕錢路線,可考
慮用小巴行走,小巴蝕錢路線,除獨市外,亦可以考
慮使用既有巴士路線取代.
亦即是說,大家以往提及小巴巴士路線應一起重組,可以用此方法達成.
對巴士公司,小巴公司而言,各有得益.
另外,進智公交在新界亦有服務,業務不受新鐵路影響,間接擴展範圍到新界
3.
網絡整合
社會不斷有聲音要求跨公司提供優惠,但未見各公司積極回應.
當以上三間公司整合,便有此契機.推出聯合優惠,在鐵路競爭下,獲得額外手段競爭.
4.
聯合統籌
社會亦有聲音要求一併檢討所有公交服務,但現時持份者太多,難以達成.
上述收購如果成功,就會變成單一個體戶,以最大效率為目標,解決過多持份者問題.
已知問題:
進一步壟斷市場,市民沒有選擇,沒有先例參考,如何監管這間公司營運
利申
本人沒有持有上述各公司股份,只是個人意見,不代表個別公司立場,不是內幕消息
歡迎狠評
深圳比亚迪 發表於 2018-3-5 14:50
我覺得政府應該以港鐵身分，收購全港所有專利巴士公司，專線小巴公司，渡輪公司，然後來個大重組，推行更多 ...
問題係香港行大市場小政府政策
不過,如果有間公司,一次過有小巴巴士電車渡輪業務
政府只需管理一間公司,但可以有效協調各個工具服務
其實已經算係接近公營,不過唔係自己做而係搵人打理
上面提到新巴城巴收購
如果係九巴收購,其實誘因更大,因為九巴只欠港島市場
仲收購？我諗新創建想踢走巴士業務多啲，仲點會再投放資源落去 1.電車如果真係靠廣告收入都可以支撐到既話
其實無咩放盤既理由
再講電車同巴士實際既重疊唔多
整合既效應未必大
2.一早應該要咁早
除左新城之外老九一樣都面對同一問題
差在會唔會俾人話壟斷 2. 係一個應該咁做既概念......
而家唔少線其實仲處於一種用雙層車就過大, 用19座小巴就載唔晒既情況~
你叫小巴買單層巴士佢實睬你都傻~
你叫巴士公司搵雙層巴士做又蝕到入內肉, 咁大架車咁蝕法又實唔開得密~
到頭來D客都受晒罪......
反而能夠咁樣整合, 用多D單層車開密少少條線, 又做到客又有得賺......其實係一個共贏方案黎~ 又或者考慮下用類似航空公司JV形式咁
小巴多客嘅線一班單層一班小巴，營利按出車比例5-5分帳，
巴士小巴點做都死嘅(如半山12)就虧損按出車比例分帳
不過要諗下巴士設站問題 又加價 發表於 2018-3-5 19:24
又或者考慮下用類似航空公司JV形式咁
小巴多客嘅線一班單層一班小巴，營利按出車比例5-5分帳，
小巴同小巴公司嘅NR，咪已經咁玩
專利巴士同小巴，一樣咁玩
應該好大分別