上葵的交通每況越下
早前47B被擱置的帖文多位網友討論得鬧哄哄，但這樣會否表示九巴跟本無心做好上葵涌的交通，以致應有的路線沒有，好的重組又沒有。正如47B，運輸署同九巴沒可能不知上葵往來沙田區的需求，區議員都有「爭取下」，爭下爭下先爭到一班0825嘅47B，但係葵盛一句反對就擱置，舉曬banner先話爭取唔到，成個上葵應該對九巴好有怨氣 (但係諷刺係屯門嗰度一反對P960就即時「重新考慮」)
同樣道理嘅仲有上葵往新界西北同埋往機場嘅路線，不過九巴唔聽訴求，直接拒絕，連出現喺rpp機會都無......
又例如往九龍巴士，有31B、32、35A、35X、36B、36X，全日線其中有成四條，仲要條條客路都差唔多。我覺得合併可以舒緩重疊情況，但係如果好似兩年前嘅rpp要31B同32合併咁「亮眼」嘅建議就唔好啦???? (btw 35X回程返北葵唔跟935又係好奇怪????)
同樣出現重疊嘅仲有31同埋235，兩條線除咗經石籬同荃灣西站其實無唔同。記得好似兩年前份rpp有建議改經和宜合道，但係235又唔經荃灣西就擱置左。其實九巴可以再修訂，但係就直接擱置...
有啲有Potential嘅路線例如32、936永遠係九巴手都有問題。32雖然有荔枝角道獨市(除咗返石圍角唔經泓景臺)，但係衰班次要30分鐘，繁時都15分鐘，加埋脫班搞到運空氣，一個好好嘅發展空間咁就抺殺左......至於936，班次因為初起步疏都ok，但係走線極垃圾，兜完成個東北葵仲要兜四小龍，搞到運空氣(只限非繁)極高，獨市港島都吉車遊街，應該好好檢討走線。
有人話唔係仲有935咩？935喺石籬得嗰幾班，加班又拒絕，特別班次都多過佢???? 不過，唔經和宜合道又係走寶 (之前呢度都有師兄講過)。應該特別班同正常嗰班有分工，但係九巴永遠都唔改善......
希望大家能給一些建議或看法改善北葵，謝謝???????? 唔該咪講到葵盛最衰，同埋你想葵涌問題同將軍澳一樣系italk個名嗅哂? 384047x 發表於 2018-6-14 18:39
唔該咪講到葵盛最衰，同埋你想葵涌問題同將軍澳一樣系italk個名嗅哂?
同你個名一樣咁臭啫;P
根本成個荃葵青既九巴線都好有問題....
祇係識同小巴同城記對著幹
霸贏左之後就搞壞自己 d 線
一要改野係都要響葵青區 R 著數... 1 換 1
有人話進智搞到巴士客行 400 米係無恥
呢個九巴響呢邊既行為同賤格冇乜分別
最鍾意玉石俱焚
其實31落山方向應該北葵涌街市之後改左轉和宜合道東段右轉青山上路直去荃灣，
與235雙向照顧昌榮路果邊上落山各自分工。 weready0 發表於 2018-6-14 19:54
同你個名一樣咁臭啫
咁我系另一帖講既野又冇錯wo [ 我唔係幫九巴洗白 ]
其實好大嘅問題係因為東北葵涌嘅人口唔係真係話太過多，係唔係少問題就係不少部分係長者，咁呢個就正正係個問題所在。
當然有啲嘢係可以做嘅，例如一啲走線相近嘅路線其實合併咗佢，提供一個更加頻密嘅班次對長者嚟講係一件好事嚟嘅。
但係如果你要一個大型嘅長者區可以有特快路線出到市區中心地帶，又或者可以順順利利咁樣入到去新界區，甚至可以直接過到海同入機場，我諗係有一定難度嘅。首先長者區對依啲路線嘅需求應該頗低，大家都係習慣出去深水埗長沙灣行下就算，再加上做極就算政府補貼埋都係收得半個人嘅錢，即係你接60人但係只係收30人嘅錢，咁我有車都放落去做荃灣先啦.....
如果要解決呢個困局，我諗最直接有效嘅方法就係興建一個新公屋。都唔需要好多，我諗5至6棟左右已經足夠，咁九巴應該就會立刻著手解決呢個交通問題.....
所以依個困局都幾難搞，一係就希望人口再跌，令到部分線可以合併，減少重曡，咁淨落嚟嘅車都有可能會改善一下服務嘅 053h4 發表於 2018-6-14 20:34
九巴唔想做，招標。而家成個區都好不滿。
就算你招都冇用
你睇下新巴城巴點樣對華富、耀東同西環你就會明，根本依D老人區唔係太多人想做。
只係因為港島主要都係商業區，同埋一路保持住有舊區重建士紳化，所以睇落去灣仔北角依類型嘅舊區都仲係做得好好。但係細心啲睇嘅話，其實真係長者多嘅地方，大家都做得好垃圾。
不過葵涌好快就會有朋友㗎喇，除咗大窩口、黃大仙同九龍城之外，下一個應該就係顯徑，以及水泉澳以外嘅城門河東岸。 paul2357paul 發表於 2018-6-14 20:21
其實31落山方向應該北葵涌街市之後改左轉和宜合道東段右轉青山上路直去荃灣，
與235雙向照顧昌榮路果邊上落 ...
那麼請先修改道路設計，和宜合道不能右轉青山公路，巴士可以離開石籬、
石蔭往荃灣、葵興方向就只得「和宜合道+昌榮路」和「梨木道+國瑞路」
兩個選擇。