Snoopy@FB8617 發表於 2018-10-9 11:04
我想講你最尾個句而家alipay就係做緊
其實而家唔難發現多左唔少中小鋪可以收alipay
但唔收其他電子貨幣
老實, 按交易金額計, 香港有幾多消費係來自小店? 大集團包左一大部分la.
而且, 其實吾少小店都收卡, 有幾多消費係焗比現金?真係有限
Snoopy@FB8617 發表於 2018-10-9 11:04
我想講你最尾個句而家alipay就係做緊
其實而家唔難發現多左唔少中小鋪可以收alipay
但唔收其他電子貨幣
個人推測 :
支付寶開始減派錢比用家﹐是因為大商戶已經setup完成﹐即係主要大型店舖都用到﹐當中包括李氏集團﹐多間快餐店﹐已經打入唔少日常生活。
收起部份用家優惠﹐用來補貼中小型商家﹐免交易/提現金手續費﹐進一步擴大網絡﹐來得更實際。
大家要記得﹐用QR Code方式有一個天生的優點﹐就係入場門檻低﹐一個紙牌都已經可以做到。
一些小型鋪﹐人流唔多﹐例如文具店﹑小食士多﹑屋村街坊鋪﹐這一類沒有自家的POS﹐的確係一個唔差的交易支付系統。
八達通入場門檻始終都係較高﹐即使有商用版八達通apps﹐商戶只需投資一部有NFC的android手機﹐即可用八達通卡進行收款﹐但係在街上又真係唔多覺有商戶使用。
八達通公司想在細店舖市場爭一份額﹐真係要加緊努力推廣。
本帖最後由 kei_hk 於 2018-10-9 11:33 編輯
cruisesnet 發表於 2018-10-9 11:10
八仔駁自動增值已有同樣效果
情況好唔同﹐回贈可以差好遠。當然都要睇你用邊一家銀行。
以下case以獅子銀號講解 :
單純用八達通銷費﹐只會有每$250 回 $1。
但係支付寶銷費﹐除了每 $250 回 $1 之外﹐仲可享有最紅獎償﹐幾大類別有額外的5倍回贈(即係連同基本回贈﹐會有最高 $250 回 $6)。個別級數的信用卡﹐再額外多3倍。
假如我去食老麥﹐光顧 $250。
用八達通只會有 $1 回贈﹐但用支付寶就可以達到 $6﹐個別卡款更可達 $9。
試問﹐又收八達通﹐又收支付寶 / 信用卡﹐我仲點會用八達通。;P
本帖最後由 kei_hk 於 2018-10-9 11:44 編輯
053h4 發表於 2018-10-9 11:32
用八仔部機收錢, 要比年費.....
重有, 以前對過八仔刷卡機數, 八仔係會間中回漏錢, 有一兩單交易會MISS,...
商用版八達通apps就解決左租機費用﹐只會收交易/提現手續費。
交易/提現手續費﹐其實任何一間公司都會收﹐只不過又可以做推廣而唔收。
想吸引小店舖用﹐就要靠這一個方法。
至於八達通交易﹐有交易出問題。官方話大家拍卡太快﹐卡有阻隔影響。
不過﹐好多時都係收多錢﹐商戶無損失的﹐而卡主事後都會得到退款。
用其他支付系統又是否保證唔出事? 天知曉﹐特別係要接駁自家POS 系統﹐隨時update時有bug﹐就會出問題。
八達通是否無敵?
我係唔會講那一種支付系統係無敵﹐只會講不同情況有不同選擇。
百花齊放﹐商家及用家都多選擇﹐自己會選最適合自己的方法。
cruisesnet 發表於 2018-10-9 11:12
老實, 按交易金額計, 香港有幾多消費係來自小店? 大集團包左一大部分la.
而且, 其實吾少小店都收卡, 有幾 ...
單講食lunch唔係個個日日都食大集團掛
最多中小店會收卡既一係賣衫
一係價位比較高既食肆
再唔係單價比較高既Merchant
反而好多small cash transaction既鋪通常唔收卡
生意額未必好高但量真係好多
好簡單舉個例落女人街左右食肆行一轉
大把剩收Cash
你要明白既係直到今日裝一部八仔機或者傳統卡機真係好煩
近一兩年係香港先出現新款無線卡機
但係八仔自己唔肯share code出街
咁又怪得邊個先?
kei_hk 發表於 2018-10-9 11:21
個人推測 :
支付寶開始減派錢比用家﹐是因為大商戶已經setup完成﹐即係主要大型店舖都用到﹐當中包括李 ...
如果冇記錯八達通好似冇Sales
唔似銀行/市面上幾間做新POS System既公司
有人專sale卡機
再講啦而家新款卡機都算平
既然係咁俾多少少收晒全部payment(好似仲未收到八仔;P)
Snoopy@FB8617 發表於 2018-10-9 11:56
如果冇記錯八達通好似冇Sales
唔似銀行/市面上幾間做新POS System既公司
有人專sale卡機
老電有部新機﹐除左自家的T&G 之外﹐真係乜卡都收(可處理)﹐當中包括信用卡(磁帶 + 晶片 + 拍卡)﹑八達通﹑支付寶及Wechat pay﹐更特別係金管局的即時轉數快都得。
至於商戶是否同一時間用晒所有支付系統 (即係只用信用卡 + 八達通﹐其他唔開通功能)﹐就係商戶自己決定了。
https://www.eprice.com.hk/nb/talk/1141/26022/1/
講真﹐八達通多年來都係好被動﹐完會唔會去想前途問題。
直到TNG 及 T&G 開始推出市場﹐才開始知驚﹐才慢慢起步整Oepay出來。
2大支付系統推出﹐才開始攪商用版八達通apps。
所有野都做得太慢﹐包括強制換新八達通卡(即全面使用可支援NFC的八達通新卡)﹐令到商用版八達通apps都間接遲好多年才可出現。