20160424 發表於 2019-4-25 18:25
你應該同上面以為條鐵真係服侍大西北既人講。起碼我係清醒既，
但有邊個唔想有兩全其美方案？既能令大西北 ...
受益嘅變左961/2系沿線啫，呢兩條線通左東大嶼線應該可以收檔。
不過又咁講，東延如果要食最多客，應該係同南北線直通運轉，一嚟東鐵泡菜車容量較大，二嚟去到旺角東條線都仲會吸到多少懶轉車嘅客。
20160424 發表於 2019-4-25 10:38
第二期發展於喜靈州填七百公頃人工島已經係非常後期既事(連時間表都定唔到，有擱置可能性)，
包括東涌經梅 ...
搞清楚一樣嘢，家下填海尚未落實，嚴格黎講成個計劃都唔算係“實”。
話唔定之後規劃大綱有變，例如擴大填海規模，將三個島連埋一齊填。
依家嗰幅圖只係一張粗略構想圖，唔等於最終方案。或者未來會作多番修改，變得面目全非。
不過無論點都好，依家我先假設左嗰幅圖為“實”，討論如何規劃交通。
如果只係得一期人工島，並未有足夠效益支持條鐵路拉入西北。
反觀其他近郊通勤線，客源涵蓋荃葵青/九龍半島。
除非一期人工島重要性拍得住九龍半島，否則係冇足夠客流支持鐵路營運。
就算要拉入西北都好，都唔妨礙喜靈洲附近人工島一程過直達港島。
一開波可以暫時借住畀西北用先，事後可以好似「東隧歸將」咁割返畀其餘人工島。
總之搞清楚一樣嘢，此鐵路係為人工島而設，主要服務人工島，唔係西北。
應該先滿足東大嶼最大利益前提下，再考慮其他地方。唔係本末倒置。
香港黃毛小子 發表於 2019-4-25 19:09
搞清楚一樣嘢，家下填海尚未落實，嚴格黎講成個計劃都唔算係“實”。
話唔定之後規劃大綱有變，例如擴大 ...
我從來都冇你想像中咁唔理會東大嶼作為主角呢樣事實，只係話便利嘅走線有助吸引外地人去東大嶼。
回應返上面嗰幾個人，如果走線係駁住屯門南或屯門碼頭，咁大部份新界西北人都要兜耐咗先去到東大嶼，如果駁住屯門站可能會更好，起碼係屯門嘅中心點，而且駁住屯門站會比駁住屯門南站更加容易向北延伸，例如去洪水橋甚至前海。
本帖最後由 008325 於 2019-4-25 21:10 編輯
Lyt_Kondisc 發表於 2019-4-25 20:25
我從來都冇你想像中咁唔理會東大嶼作為主角呢樣事實，只係話便利嘅走線有助吸引外地人去東大嶼。
回應返 ...
你應該諗下 如果你係屯門居民 你去東大嶼番工
會唔會因為屯門南轉車而走去坐西鐵過海再轉？你去到堅民地城都要57分鐘
以呢個角度黎講 只要呢條新鐵路去到東大嶼行快過57分鐘 你已經會揀呢條鐵路
至於過海去港島中可以選擇坐番西鐵留番d位屯門東西南既人坐
巴士的膠 發表於 2019-4-25 19:03
受益嘅變左961/2系沿線啫，呢兩條線通左東大嶼線應該可以收檔。
不過又咁講，東延如果要食最多客，應該 ...
十一號幹線通車後，成個西北道路網絡車流壓力會大減，巴士競爭力將會大幅提升。
此鐵路單係區內大部分地方要駁輕鐵，已經折騰左唔少人。
唔好高估左此鐵路競爭力，重蹈當年西鐵運吉覆轍。
本帖最後由 香港黃毛小子 於 2019-4-25 22:08 編輯
Lyt_Kondisc 發表於 2019-4-25 20:25
我從來都冇你想像中咁唔理會東大嶼作為主角呢樣事實，只係話便利嘅走線有助吸引外地人去東大嶼。
回應返 ...
西北去東大嶼時間上係冇分別，只係兩條鐵路對換左過海路段。
西北-東大嶼鐵路如果接駁屯門站，
首先架空一定冇位起，地底嘅話要穿過條河，站體要好深，咁就唔方便乘客轉綫。
香港黃毛小子 發表於 2019-4-25 19:09
搞清楚一樣嘢，家下填海尚未落實，嚴格黎講成個計劃都唔算係“實”。
話唔定之後規劃大綱有變，例如擴大 ...
高官講野文化一向耍太極故弄玄虛，講左等於無講，留分寸比自己做下台階
今次夠膽向傳媒講明虛與實，交椅州目標今年拍版研究實落點起2025填海，
與及喜靈洲無發展時間表，所表達訊息已經好清晰，背後有明顯後台支持。
政府開記者會話有既野，你可以信住五成先，政府話無既野，就唔好諗咁多！
而且係先開大口話填千七公頃，之後改口話一千實七百虛，就知佢玩緊乜。
喜靈州唔係煙幕都一定係極後期2040後先有既野。
仲有較早前政府破天荒未落實先估價果6240億，
只係包第一期交椅州一千公頃加望后石至港島鐵路加道路加埋欣澳填海乜乜物物
個個嘩畫聲，同一時間起埋第二期破萬億更難過關，而且工程界邊有咁多人手？
不過你認為喜靈州會同期我都唔干涉大家討論自由。我對你既走線亦無任何意見。
本帖最後由 Toz 於 2019-4-25 23:56 編輯
008325 發表於 2019-4-25 16:41
你有冇諗過係你諗既方向錯左
呢條鐵唔係俾屯門人/天水圍人用
呢條鐵係俾人工島人用黎去屯天/港島用
兩者係無矛盾
人工島太多站太兜, 人工島既頭站一樣唔方便
如果當年西鐵又要做元朗南北又要做天水圍南北, 咁唔好話係屯門吸客能力會大降, 係天元一樣都會大輸巴士
仲有珠三角城軌宜家去到深圳機場, 將來可能去到前海, 前海又係CBD, 即係亦要考慮人工島同前海之間既未來交通, 方便人工島打通珠三角
(同樣道理, 人工島去港島慢, 咁前海去港島一樣會慢, 兩者係無矛盾)
人工島頭站去港島等於尾站去大西北/前海, 相反一樣, 人工島中間兜得耐, 總有一邊會受
因為宜家基建短視, 搞到將來要提早好多, 未用盡舊鐵時起新鐵縮時, 亦唔係好事
本帖最後由 Lyt_Kondisc 於 2019-4-26 09:58 編輯
各位大大，你哋唔覺得政府方案喺屯門一帶嘅走線好奇怪咩？政府而家話位於屯門嘅總站係唯一嘅架空站，然後睇返佢嘅規劃路線圖，你會發覺條線去到青山灣東面根本冇咩地方可以着陸，成個海旁都係私樓，可以點搞？
Lyt_Kondisc 發表於 2019-4-26 09:57
各位大大，你哋唔覺得政府方案喺屯門一帶嘅走線好奇怪咩？政府而家話位於屯門嘅總站係唯一嘅架空站，然後睇 ...
收番三聖街果堆"Open Space" 然後經容龍酒家附近果山頭 可唔可行?