053h4 發表於 2018-10-16 09:51
主要係現時模式下好多客要轉地鐵市區四線導致多個轉車站同核心地段迫爆。
幾條線乘客倒落去荃灣線及港島 ...
認真，荃灣以至新界西，除非過海，否則無人叫你依賴荃灣綫
今日我嗰邊都係衰有架私家車衝出嚟獻世被貨櫃車撞啫......
又衝出嚟獻世...
任何有返咁上下規模嘅城市都應該以鐵路為骨幹，問題係對危機要預防、應變、處理及跟進。
推番啲人上路面根本係飲鳩止渴。
053h4 發表於 2018-10-16 10:02
以鐵路為⻣干係正確。
但現時的問題係，好似一個比山竹吹低的大樹咁，枝葉茂盛但骨干盈弱
認真，咁樣抨擊市區係有啲不切實際
而家市區起到密質質，我又諗唔到點樣 upgrade 個系統而又唔使剷起哂所有嘢，一係就沿住舊啟德跑道咁樣掘落海，但始終救唔到中上環銅鑼灣
反而九龍 / 新界區係應該有一至兩條正正式式嘅東西鐵路去分流乘客。呢個位你就啱：政府唔應該以「A 列車方法」（地產主導）做嘢。
238X 發表於 2018-10-16 10:19
認真，咁樣抨擊市區係有啲不切實際
而家市區起到密質質，我又諗唔到點樣 upgrade 個系統而又唔使剷起哂 ...
本身中九龍幹線就可以選擇起道路or鐵路
其實政府咁鍾意依賴港鐵，應該立法要僱主如果僱員因搭港鐵上班受延誤而遲到，不能扣假扣人工，不能有任何對員工不利行到，否則即屬遺法
本帖最後由 DIH 於 2018-10-16 10:43 編輯
qunow 發表於 2018-10-16 10:33
本身中九龍幹線就可以選擇起道路or鐵路
唔係選擇，係兩樣都要，因為人搭鐵、貨用車，鐵路及道路同樣超負荷。
道路版可以舒緩龍翔道、太子道及加士居道擠塞；鐵路版則可以減輕觀塘線、荃灣線負荷（包括直接將人送達東鐵車站過海避開荃灣線），唔好忘記英國佬規劃觀塘線及沙中線時未有玫瑰園（如少年你太年輕：即係赤鱲角機場及伴隨的北大嶼山發展）及安達臣發展計劃，現時發展令到在舊區之上再加多一大批人及貨車要東西穿梭。貨運物流不能以新鐵路解決。
qunow 發表於 2018-10-16 10:33
本身中九龍幹線就可以選擇起道路or鐵路
屯馬線算唔算六幹鐵路版？