053h4 發表於 2018-10-25 17:57
假設BOOK唔到大橋停車場, 欣澳轉B5+金巴, 未計團體飛折扣都係$70, 船飛賣比旅行社應該都高過呢個價
...
大陸團票TJ一般收125一張(收旅行社個價),只限內地團使用
至於出面D牛牛,150一張左右啦,每間未必相同
PS.從事相關行業的人告知
proschebus 發表於 2018-10-25 14:11
據在T記做的職員講,昨日的確比平日下跌10%左右
另外比較關注的是,27日起旅行社不再預留團票(即是無大媽 ...
冇大媽團？只係飄忽D,但唔會一下子冇哂
順便問一下有冇人知道高鐵通車後香港來往廣州等路線的船的載客量怎樣？
我記得好多年前，參觀人廠，工程師講出嚟，高速船一年維修成本，當年可以買一部新雙層巴士。而投資新船更加係何止十倍，中間仲有人手，燃料等，所以船票價不能再低，而客量一跌，就面臨減班，班次一減就難以同陸路個靈活性比！
面對現實，船東已經投資於巴士身上，如果佢哋真有心搞船，應該買新船吧！信德近年只買舊船同裝修，去應付客量，金光？正常有新碼頭用，仲唔係加船加班同何生決戰之時？點解佢哋仲係無新投資？因為大家明白，車取代船係無法改變，珠三角死剩幾條？剩返嘅又用緊咩船？
只要金巴營運上軌道，港澳航線減班壓力大增，到時就係合併減班舊船退役。講真，一年後就知何去何從，唯有期望佢哋搵到特色而無法取代嘅航線服務吧。
有時，船唔係用快嚟做決勝，車嘅靈活性，加埋價錢，就算時間上多了一個鐘，依然有好多人轉搭車，始終喺海上拋嚟拋去，唔係任何人都一定頂得住！
solomon 發表於 2018-10-30 03:12
我記得好多年前，參觀人廠，工程師講出嚟，高速船一年維修成本，當年可以買一部新雙層巴士。而投資新船更加 ...
Turbojet嘅影響應該會細啲，話晒個碼頭都近新口岸，比較就腳，估計會減到半粒鐘一班。不過金光飛航就應該大鑊啲，個碼頭本身唔就腳，可能要減到45分鐘至一粒鐘一班。至於珠江客運嘅珠海九州航線就算罷，個碼頭本身都離香州、拱北有一段距離，搭直通巴都係120至140蚊，平過船一大截，真係可以收得工。
Handsome 發表於 2018-10-30 13:41
Turbojet嘅影響應該會細啲，話晒個碼頭都近新口岸，比較就腳，估計會減到半粒鐘一班。不過金光飛航就應該 ...
半粒一班，代表水翼船係時間退役了，我估半年後成事了，幸金巴頂唔住，唔係今年內已可以半粒一班了，下年年尾應該知個大勢，仲留返幾多船，仲做唔做，應該有個定案了。
solomon 發表於 2018-10-30 14:56
半粒一班，代表水翼船係時間退役了，我估半年後成事了，幸金巴頂唔住，唔係今年內已可以半粒一班了，下年 ...
水翼船早就改晒尊豪位，定位上仲高過直通巴而事實上時間同唔使過關上上落落，反而仍然有一定優勢，
真正同金巴重疊客源既應該係金光同普通客位，團客依家照計唔會點坐水翼船。
我覺得水翼船反而有機會留低，要 cut 應該首先會 cut 飛貓同雙體船班先。