Handsome 發表於 2018-10-30 13:41
Turbojet嘅影響應該會細啲，話晒個碼頭都近新口岸，比較就腳，估計會減到半粒鐘一班。不過金光飛航就應該 ...
金光做團客同旅遊package客多，唔少客目的地都係路氹各渡假村
用氹仔碼頭可以慳到澳門內運時間，特別係港九出發嘅客，經氹仔碼頭去路氹時間有相當優勢
當然，若果係金沙自己都唔想再買咁多船飛套票，就另一件事
Turbojet喺外港碼頭，同橋嘅時間優勢反而較細
但商務客多由公司出票，而多由港島出發，船係較快選擇
加上需要準時到達，而港澳直巴班次有限，預先訂購Turbojet仍是理想選擇
Turbojet亦早已建立讓外國遊客訂票嘅網絡，對於要plan定嘅散客來講，都會prefer預訂船票
近年澳門旅遊局對外宣傳甚為落力，同時遊港澳嘅外地人數其實不少
3ASV174 發表於 2018-10-30 23:13
水翼船早就改晒尊豪位，定位上仲高過直通巴而事實上時間同唔使過關上上落落，反而仍然有一定優勢，
真正 ...
水翼船年紀都唔細，大部分都到咗不惑(40)之年，船公司會唔會趁勢將佢地退役了。
水翼船用飛機油，而且年紀大，真正用到盡了。雖然尊豪位有佢市場，但俾得起，點解唔係七人車點對點？其他口岸已經做緊，個運作就算唔係直入馬交，都應該喺口岸有馬交車接，現時已有三牌車往來，真正尊豪人士應該有部馬交車去均三地至真，至於無車之輩但又想有豪一點嘅服務，類似滴滴嘅過境服務會應運而生，過多一排就知情況點玩了。
Handsome 發表於 2018-10-31 17:56
水翼船年紀都唔細，大部分都到咗不惑(40)之年，船公司會唔會趁勢將佢地退役了。 ...
由大橋動工之日 (09年12月15日)開始計﹐依然有水翼船改做至尊級﹐當中包括海皇星(2012年7月改裝為第3艘至尊噴射船)﹑帝后星(2013年2月改裝為第4艘至尊噴射船)﹑銀星(14年10月底復出，取代撞毀的木星號並改為第6艘至尊噴射船)﹐以及另外幾隻。
而第一隻及第2隻分別係天皇星(08年11月撞船事故後，改裝為第1艘至尊噴射船)及錫星(09年8月改裝為第2艘至尊噴射船)。
ref: https://zh.wikipedia.org/wiki/%E5%99%B4%E5%B0%84%E9%A3%9B%E8%88%AA
從以上2項資料睇﹐在落實起橋之後﹐去到正式動工﹐都係一直有番新水翼船升級。
可以反映就係船公司係睇好至尊服務﹐用她們去迎戰大橋挑戰﹐即係暗示短期內係唔會將她們退役。
如果真係睇淡船務生意﹐無理由去到大橋動工期間﹐依然番新船隻。
真係睇淡 或 預期好快退役﹐就應該會保持原狀服務﹐不額外投資﹐直至退役為止。
053h4 發表於 2018-11-1 12:24
一般內裝用7年都應該番新。唔重裝點咬貴D?
就係想用這批船去迎戰﹐去殺錢﹐所以番新upgrade﹐主打高端客。目標好明確﹐所以短期內唔會打算將這批船退役。
至於番新﹐真係要7年要做一次?
都係睇個別船公司睇好定睇淡﹐業務上有無盈利等等﹐世事無絕對的。
上個月坐中隻tri-cat﹐入面真係殘到......:L
053h4 發表於 2018-11-1 12:52
殘係因為船東自己唔睇好。人地真係好認真同你打？
信德少左人唔洗講，珠江counter而家直頭係拍蚊。
看來你又會錯意了:L
我只係回應水翼船會唔會在此時退役﹐唔係話信德夠唔夠客。
現實係多一條路﹐就一定會分薄客源﹐人流減少係必然的。
人少減班﹐合理。
減班後有船多出﹐長遠將船退役﹐合理。
不過﹐唔一定係先把最舊的水翼船先退役的。