國泰應全面取消冠忠車，改由專利巴士接辦。一架旅遊巴最多載49人，專利巴士一架車可以代替兩班旅遊巴，咁冠忠就可以集中資源服務港珠澳，而城巴及龍運又可以增加市場佔有率。
PB602 發表於 2018-11-30 15:46
國泰應全面取消冠忠車，改由專利巴士接辦。一架旅遊巴最多載49人，專利巴士一架車可以代替兩班旅遊巴，咁冠 ...
你不如叫運輸署要求九巴取消特別更車長長工時更分。今次事件反眏車長長工時工作，導致疲勞駕駛，最後出意外。
工時長主因係欠司機，一早已經講咗司機社會地位低，唔夠後生仔女入行。即使而家各巴士公司不斷喺人工方面加碼，新請到嘅司機都唔夠替補離職同退休人數，都未計各口岸、機場、新區都需要加車。面對現實啦，輸入外勞絕對應該係一個選項。
本帖最後由 hkbw 於 2018-11-30 19:58 編輯
今次單野估唔到變聲討老冠~
車速今次又唔算快，但個更份唔人道都係一個問題~ 老冠劃清界線隊埋司機早前出過類似意外又真係幾令人反感~
不過認真講，對家另一大旅遊車公司都係咁上下，係得城記d車超唔到速既者...其他好似如入無人之境咁....都係時候要睇睇架啦~
入唔入外勞都改變唔到香港資本主義極端化下勞工面對既問題...輸入外勞只係剝削另一班人，更份唔改，勞工福利權益冇足夠保障，呢d事仍然會發生....
Btw...剛才睇蘋果，當中提到最後生30歲個位，都係巴士迷~ 唔會係呢度自己友掛.....
PB602 發表於 2018-11-30 15:46
國泰應全面取消冠忠車，改由專利巴士接辦。一架旅遊巴最多載49人，專利巴士一架車可以代替兩班旅遊巴，咁冠 ...
你有幾耐無坐過旅遊巴？
PB602 發表於 2018-11-30 15:46
國泰應全面取消冠忠車，改由專利巴士接辦。一架旅遊巴最多載49人，專利巴士一架車可以代替兩班旅遊巴，咁冠 ...
如果由黃公司,長勝的NA/E車開特班(類似E21/22C)入後勤區取代機場員工接送車有一定難度,
因為呢類服務係點到點而且能夠比E車更直達後勤區(尤其係維修區)和市區段站數少(似空氣W1/2/3線).:lol
除非,運吉以安全理由由專利巴士公司接手員工車,否則它們有資源都未必開呢線.;P
hkbw 發表於 2018-11-30 19:55
今次單野估唔到變聲討老冠~
車速今次又唔算快，但個更份唔人道都係一個問題~ 老冠劃清界線隊埋司機早前出 ...
整個香港社會對公共交通需求都增加，奈何鐵路建設追唔上增長，而家所有新發展區同新口岸運輸需求都要由巴士負責。但而家香港嘅巴士司機數目就係得咁多，唔靠拉長工時、叫司機賣血，點應付需求？
想像一下，如果全港巴士司機改為八小時一更，五天工作周，一年20日大假，再放銀行假好唔好？當然好，但咁做會損失好多勞動力，巴士公司最少要請多六成人手，試問一時三刻有無可能？
輸入外勞唔代表一定係用長工時，政府同樣可以規定外勞每周工作40小時（8小時一更 x 5天），協助巴士公司改建車廠，上蓋起外勞宿舍。薪金方面可以略低於本地人（因為請外勞雜費高而且要包食宿），但如果出一萬一個月包食宿，相信好多東南亞司機會有興趣。
新加坡一早做緊呢樣嘢，人地D本地國民係去做高增值工作，而唔係去揸巴士。香港而家係靠新移民補充勞動力，但新移民佢唔打工的話你要養佢一世，仲要同你爭公屋爭醫療。外勞就簡單得多，只係勞資關係一買一賣，所有住屋醫療成本要由僱主負責，就算有社會成本，起碼佢地投入生產力唔係養懶人。