Ricky403 發表於 2018-12-28 23:29
之前都有講過，如果荃景圍、西約、大涌道拆旺角特快，如果深長荔線各自一條，油尖旺線只係可以荃景圍兜西 ...
Background 分析都部分同意
問題我覺得係而家成個建議主力推條230出嚟
搏尖咀位但其他位不變甚至倒退
日後想變亦都冇得變
啱既做旺角特快當然好肯定對尖咀吸引力會低左
但咁啱你講到荃灣有西鐵直達既
係唔係更加唔應該押咁重注落去玩尖咀特快呢?
吸一程車既客其實提供合理車程同班次
其實都可以有唔錯效果
Snoopy@FB8617 發表於 2018-12-30 01:19
Background 分析都部分同意
問題我覺得係而家成個建議主力推條230出嚟
搏尖咀位但其他位不變甚至倒退
我上一個post都講咗，如果玩旺角分界，要先清楚現實幾點限制：
[*]荃灣走線不變，跑西九龍走廊比行長沙灣道平均快9分鐘
[*]荃灣走線不變，旺角止步路線客量堪慮
[*]荃灣只有234X入尖沙咀，而尖沙咀中心地帶 (中港城以南、柯士甸道以南) 有配額限制
[*]兩區居民不接受沒有新服務下需要轉車來往30X/234X原有服務地區
[*]荃威開出經麗城返回大涌道、灣景開出繞一圈荃景圍返回大涌道，兩種走線都會嚇走頭站客
所以玩旺角分界，由於(4)、(5)，荃景圍、西約唔似得青衣長安、青衣邨、碼頭順路，類41A、44重組唔太可行
亦基於(5)，無理由要荃威兩條都頭站，出九龍去深長荔定油尖旺都焗兜一餐
拎走哂灣景總站線，亦會有相當大阻力
加上(2)、(3)，除非有其他尖沙咀線減班，否則都會出現類似而家41A，油尖旺做唔大嘅情況
於是慢線荃灣再拆，又有(1)、(2)、(5)嘅問題
快線荃灣再拆，就有(2)、(3)、(5)嘅問題
旺角分界，對荃灣西住宅區而言，唔係最optimal嘅選項
甚至青衣其實都一樣，如果唔係41改快講咗幾年都有啲小區唔接受
或者而家局面會變咗係41做青北旺角特快、41A跟948走，做青南北尖沙咀特快，44做青北深長荔、42A做青南深長荔加油旺
之前都有站友講過點解玩拆線，就係因為配額問題，要拆成兩段路，用較少配額做到較應對到需求嘅服務
如果玩旺角分界，因為入尖沙咀本身仲要配額，無得兩條旺角線一齊入，最後或者會出現灣景條旺角特快有得入尖沙咀，荃景圍條旺角特快就要加士居道入黃埔食塞車，深長荔線就因為而家30X唔及234X好而荃威焗做頭站
拆到呢個結果，西約應該無咩所謂，都係睇餸食飯，始終尖沙咀真係想快可以勉強走去上西鐵，但係咪更遠離荃灣西站嘅荃景圍想見到嘅結果？
荃景圍想要旺角特快，只要深長荔線唔介意做頭站同西約共享，係可以
但係自己條旺角特快落唔到尖沙咀，隔離區條旺角特快就入到尖沙咀，又會有咩感覺？
之前亦有荃景圍站友講過30X已經得番半條命
所以我先會用一條滿血嘅230換走30X多1/4條命，再安排234X入愉城加三飛轉乘優惠補償，包括最密車嘅39M
你可以選擇死等疏車30X，或者用轉乘優惠轉234X，甚至可以先行下愉景新城
至少唔似得30X改上西九龍走廊嗰次，係荃景圍焗用轉乘優惠來往深長荔得黎，又唔見得九巴好想做大30X做好荃景圍來往油尖旺
如果230開嘅班次未到使人滿意嘅程度，其實可以30X逆向再減到60，就有多1車落230袋，大部分剩低嘅30變埋做20
我承認建議入面係有取巧成分，例如開條230，走去減唔太相關嘅30X同34M
但個issue係，呢兩條都係頹線無疑，留住呢個樣，真係爭取到更好重組？
荃景圍當年選擇唔搞30、39A重組，hold死兩部車個例子話咗比我地，條30，都係爭取到繁忙時間一班對開934A而已 (另一班由30X提供)
39A更加係繼續頹，「爭取改善來往荃灣西站交通」都無用，可能要低聲下氣求，自己送走啲車先肯應下你;P
非繁變相削減資源，或者好多站友 (包括海濱同荃景圍站友) 都鬧爆，點解可以玩呢啲陰招
但事實證明，九巴嘅專營權，價值唔係呢啲頹線蝕完出去之後cover到
就算係其他巴士公司，都係同等對待 (又可以觀察下新巴點對2A、18，城巴點對97、592)
哪怕山頭主義，都要玩得好先撈得好，如非馬鞍山配合唔鬧番亞公角同廣源黃泥頭返轉頭，會整到條89S出黎？
死攬頹線做政治籌碼博新資源，喺而家收車減班陰招盡出年代，已經無用
頹線頹咗就會繼續頹，好線旺丁唔旺財都可以整到變頹線 (30X 10年前不知幾多柯打，非繁密到一個點，234X掉轉唔知點等車，而家就;P)
其實某程度上係另一種下流化;P
你話博尖沙咀一程過客好過博貪快客
我係認同，但我會問，除咗賣一程過之外，係咪就冇其他野可以賣？
站位相對就腳 (荃灣尖沙咀兩邊都係)，比西鐵要平嘅價錢，同西鐵相若嘅時間，都係吸客回流嘅重要因素
無論紅磡站搞成點，將來屯馬線都一定會全線貫通，基於客量增長，荃灣西到尖沙咀一段只會愈來愈惡坐，或者要企足全程，加上15-20分鐘步行路程，係快但唔見得舒服，荃景圍就更加
而旺角就算繼續行長沙灣道，甚至好似234X咁，都賣緊一程過喎
係咪代表可以維持現狀唔洗改？當然唔係，你都識講要合理車程同班次
尖沙咀本來有得中郵走人，但因拆線安排要行到旺角亞皆老街上公路，塞多幾支燈，又算唔算合理？
如果西約尖沙咀線要行番旺角同大涌道，慢10分鐘，由時間相若變咗穩定地慢10分鐘，競爭力已經削減咗唔少
而且旺角紅線只係收緊$8.4，如果要突顯夠平，$8.9都唔夠，問題係仲有紅小競爭，快又似乎唔快得去邊，打都無咁容易打
反而油麻地打後紅線西鐵同紅小都收$10以上，只要尖沙咀特快收$10或以下，「相對比較平」嘅感覺好易建立出黎，中郵上公路亦係尖沙咀彌敦道最快走嘅方法
同時九巴角度，可以將班客由收$8.9/$3.5/$0 (邨巴或原先小巴駁鐵嘅客) 升級至收$10，係祈德尊同回程荃灣市或者有少量$10或$8.9變$0，但234X繼續以較佳走線做緊美孚至佐敦，亦有30X頹線執番一部分荃灣市$8.9客，九巴亦相對唔緊張呢班客，暇不掩瑜
旺角分界係北葵涌我先prefer
因為一黎北葵涌鐵路競爭力細，比荃灣少咁個對手
二黎35A多人時段夠密，本身用得多配額，唔駛太擔心配額問題，亦相對容易拉埋梨木樹都有尖沙咀車
而35A自己收費結構亦有缺陷，有條件玩旺角分流35X上唔到返安蔭、石籬嘅客，務求喺北河街上到半滿以上，石籬、石歡樓各落近一半，拖慢石蔭，令長沙灣打後返石蔭唔上$5.6 35A上$6.8 32
Ricky403 發表於 2018-12-30 16:59
我上一個post都講咗，如果玩旺角分界，要先清楚現實幾點限制：
[*]荃灣走線不變，跑西九龍走廊比行長沙 ...
1/4/5.同意
2.Again, 深長荔客量真係咁差？
3.Quota制同八萬五一樣
對上一次30X提速入尖咀冇線要交數
條230係尖咀特快係幾吸引
但一條線單靠一兩個小區客源就全日
最後咪落得268B/269B之流囉
倒返轉老九點會肯同你咁搏？
本帖最後由 Ricky403 於 2018-12-30 18:40 編輯
Snoopy@FB8617 發表於 2018-12-30 18:10
1/4/5.同意
2.Again, 深長荔客量真係咁差？
3.Quota制同八萬五一樣
2. 呢點我本來都有疑問，但經B2討論後，睇過哂關於234X嘅帖子，確實有觀察指出234X北河街上車已經大半滿至接近坐滿，而之後嘅站，亦只係上多20-30人
我幾次來回深水埗，喺北河街站亦不時見到排30X/234X嘅人，唔好話同隔離欽州街站大西北線比，就連同站其他荃葵青線都比唔上，有車到亦係上得幾個人 (但深水埗明明已經人來人往水洩不通
無錯RPP數字唔一定準確，但我收集到嘅資料，確實同個數字唔差太遠
如果你唔認同深長荔少客，歡迎你做下客統，或者多啲觀察下深水埗區30X/234X上客情況
3. 配額確實可以話有就有，但係喺有其他可行辦法去執30X/234X嗰陣，點解要無啦啦冒呢個風險？
尤其尖沙咀配額唔講得笑，270A拉入尖沙咀，咁簡單嘅訴求，講咗幾多年，北區又交換咗幾多架車先做到？
安達安泰打爆咗幾多架27/88/213M/213S/214/小巴，先得到九巴話研究拉11X同13M上去？
荃景圍比北區情況更差，車都減無可減，唔用230玩法，點爭取全日尖沙咀車？
如果你話230只做尖沙咀覆蓋太細又同西鐵打到正，旺角特快無錯客量可能好啲，但都係荃灣版41A咁嘅貨色
不過荃灣紅線$8.4直達旺角，旺角特快要$8.9甚至$9.6，仲有$13紅小，荃灣旺角特快係咪真係吸到好多客回流？
荃景圍又會唔滿意特快效果太弱，更加唔講深長荔拆出黎做可能陰乾到渣都無得剩，呢點又應該點面對？
你話230可能會成為268B/269B之流，我先前已經指出咗230同268B/269B有咩唔同，有咩優勢係268B/269B冇而230有
如果你唔分析我提出嘅優勢直接攞268B/269B黎撻條230嘅話，我認為我地無呢個話題上繼續討論嘅需要
今日搭左程234X 出尖咀
順便做左個落車觀察 唔知有冇用:L
不過 天橋一上車差唔多得返走廊位 最後全車企幾個出九龍
落上
美孚站 7 0
光昌街 2 /
興華街 7 /
元州邨 2 1
九江街 5 /
欽洲街 3 /
黃竹街 3 4
太子站 6 /
旺角站 7 /
豉油街 4 /
永星里 4 /
西貢街 5
/
德成街 5 /
可以見到，其實長荔深啲客話多唔多 話少又唔少
長荔深 29
油尖旺(? 26 or above
平日真係會有速遞員 由長荔深 搭返 柴灣角 交收
金巴利道落車 都仲可以有成近20個客繼續入尖咀
不過依家睇返樓主既建議 好似係已經盡量平衡各區利益
同埋 234x 轉230 戈到應該要加返bbi?
HN745 發表於 2018-12-30 20:47
今日搭左程234X 出尖咀
順便做左個落車觀察 唔知有冇用
都好多謝你做咗個客統
其實只要一路數客數到去佐敦，分析到落車客數分布就有用嘅
根據數據，深長荔應該28-29個無疑
如你所講，全車坐滿企幾個上公路嘅話，
油尖旺應該係93-99扣番28-29個，當中21-26個佐敦道以北落
即係總計應該係：
深長荔28-29人
油旺佐21-26人
尖沙咀38-50人
深旺佐 (234X縮短版) 50-55人
油尖旺 (旺角特快線) 64-71人
如果要劃一條界，兩邊客量係一比一完全平衡到，無疑係佐敦分界
如果要旺角分界，由於深長荔：油尖旺係大約3:7，因此就客量分布而言合理路線配置係「兩快一慢」
但兩快一慢有咩問題，我已經闡述得好清楚
另：唔明234X轉230係邊批乘客需要嘅轉乘組合
本帖最後由 tonychow 於 2018-12-31 16:23 編輯
其實如果想夾硬抽車，可以將 38A 同 39A 合併，用 5 架車跑。
呢兩條都係九記唔想做的線，如果合併成功節省資源，只要肯開雙向分段，其實可以補到好多位。
我個做法係美孚總站做大循環，沿線到海濱，海濱後出返楊屋道，入西站，大河道出返去，轉左入青山公路，即係以前 39A 走線，到大涌道後轉左停大涌道福來邨，再沙咀道直上。荃景圍落山後停荃灣站，行大河道入西站，經楊屋道，再入海濱，用 38A 走線出返去，開全日 20，收 $6.4，仁濟至荃景圍 $4.3，海濱至美孚 $4.7，滿樂起 $5.5。我未計時間，不過可能抽到 1 架車，順便補埋荃景圍至葵興芳 (起碼就算入唔到內街都行到葵涌道)，同前幾年 30 落荃灣西加 39A BBI 相差太遠了。前提係你覺得 38B 唔會開得成。
38A 沿線預行 26 分鐘，如果全日 20，預得勉強少少，90 跑完全程，即係用 19*2 分鐘由海濱往返荃景圍。一個改快方案係上山跟 84，落山跟 34，放棄做西站，前提係乘客唔介意富華街無得去荃景圍街市，同埋千里台無得去荃灣站，換返來的係西站特快，同埋荃景圍去海濱有直車，部分時段 38A 亦可以加返班。
tonychow 發表於 2018-12-31 16:12
其實如果想夾硬抽車，可以將 38A 同 39A 合併，用 5 架車跑。
呢兩條都係九記唔想做的線，如果合併成功節省 ...
問題係，38A、39A本身用車都唔多
兩線都係開緊20分鐘以外一班，合併都要一轉慳到每20分鐘行車+休息時間，先有1輛車吉出黎
對於開230要抽4-5輛車 (視乎234X兜唔兜愉景新城)，抽1輛車出黎於事無補
除非你認為整咗呢條38A+39A合體版，可以叫海濱238M每小時嘔番2班車，一共2架車出黎
總共嘔到3輛車嘅話，加埋30/32H，咁就有機會唔搞30X而開到230
否則做完先慳到1輛車，一係就天降 (即係某幾廿條未知路線;P) 啃咗佢啦
本帖最後由 Snoopy@FB8617 於 2018-12-31 19:26 編輯
Ricky403 發表於 2018-12-30 18:37
2. 呢點我本來都有疑問，但經B2討論後，睇過哂關於234X嘅帖子，確實有觀察指出234X北河街上車已經大半滿 ...
2.
https://www.hkitalk.net/HKiTalk2/thread-1106542-1-1.html
如果抽走流水客既話就4:6比
當然大家都冇concrete prove 30X/234X叫有客定冇客
不過當咁多條線係深長荔客量屬正常
就連其他荃葵線都比唔上既
其實問題係唔係30X/234X本身出事
而非西約/荃景圍<>深長荔既客源唔夠呢?
當然深長荔唔係一個好強勁既客源
但未至於差到貼地
3.
都係個句上次30X建議提速一樣可以入尖咀
41A客量唔見得人?
當然唔係話234X/30X提速可以做到41A水平
不過當青衣都未敢做尖咀特快時
兩個小區又係唔係真係咁容易做到?
咁其實本身搭鐵都要加隻駁腳既
就算旺角特快要收到上$9.6都係平過鐵+駁腳
再講價錢唔係唯一因素
紅小收得貴咪又係照有生意
最平既一程過巴士繼續唔上唔落咁
留意返我係想講客量淪為雙B之流
引起誤會講講唔好意思
上面我都講過230定線上唔係唔吸引
唯獨係得兩個小區用得著咁可以有幾多客支撐住?
如果你條230可以唔知點玩法下可以加到轉車客既成條線會穩陣好多
Snoopy@FB8617 發表於 2018-12-31 19:23
2.
https://www.hkitalk.net/HKiTalk2/thread-1106542-1-1.html
quota 問題，我傾向認為加少少車係可以，但唔可以去到太過份，亦唔可以唔考慮
如果有 quota 的話，將 30x 234x 問題拆返開處理，順便做埋楊屋道旺角、深井尖咀，
的確係最多人受惠。
但如果運吉最終只俾 30x 234x 其中一條入尖咀既話，樓主條 230 會係一個 solution
當然，有無得透過唔行彌敦道（唔係叫你回程走去行九龍公園徑趕客）
去繞過尖咀 quota 問題，亦有討論空間
老實，真係有得抽秤既位係 30x 要減幾多。
但如果樓主條 30x 可以派到八部車，然後來回大涌道直出既話，
已經可以做到大部分時間對開廿分班，去旺角既時間亦唔會同兜楊屋道跑西廊差得遠
當然就做唔到楊屋道，所以又係可行前提下到底要作出或選擇咩取捨