MCMoore 發表於 2019-5-14 21:04
紅線而家最多人係佐敦尖沙咀，你咁玩法想地鐵站一路駁到海港城去搶碼頭總站班巴士客，兼整到條鐵再逼啲？ ...
東鐵過海後，荃灣綫過海段客量會減少20%以上
如果講地下街，日本，或者大陸，已經好過香港N陪
香港週圍各自為政，如果要做到深圳會展中心站周邊D地下街甘，可能要等50年
Toz 發表於 2019-5-15 07:37
地下通道如果可以引流去柯士甸站其實係好事
尖沙咀北行去柯士甸距離未必好遠, 但行人路係窄
當年九鐵否決廣東道站的決定真係非常短視
Kaix 發表於 2019-5-15 23:57
東鐵過海後，荃灣綫過海段客量會減少20%以上
而家係講緊尖沙咀佐敦係最繁忙，東鐵過海係唔會分流到以尖沙咀為目的地嘅人
本帖最後由 Toz 於 2019-5-16 01:16 編輯
HU6455 發表於 2019-5-16 00:02
如果講地下街，日本，或者大陸，已經好過香港N陪
香港週圍各自為政，如果要做到深圳會展中心站周邊D地下街 ...
尖沙咀如果上面D 路闊D, 尖東/尖沙咀站擴展行人隧道時就可以加闊變地下街, 但實際就係闊D 就入侵地基, 咁唔通拆晒D 樓?
宜家咁既闊度幾間鋪頭仔就可以
路窄加上密質質既高樓大厦就係香港唔適合地下街主要原因, 上面條路窄, 下面根本無位起, 闊少少既路都係主要幹線, 明挖果時既塞車災難點搞?
結果得返大既公園可以諗, 而郁公園阻力梗係大
我唯一覺得唔起地下街蠢既, 只有黃埔德安街, 起鐵果時都係明挖, 兩邊商場都有地庫, 地下街可以打通晒, 將幾個場整合埋一齊
但果度係私家路黎, 人地居民就係唔想起, 搞到黃埔站大堂都要分兩邊, 仲地下街?
空地新起的話, 係香港向高空發展成本應該低過地下街
比如九龍站咁大個平台你估壓落地底成本要高幾多...
而西九文化區, 就係地面比人行, 地底比車行, 點睇都好過相反啦
Kaix 發表於 2019-5-16 00:05
當年九鐵否決廣東道站的決定真係非常短視
https://www.hkitalk.net/HKiTalk2/thread-401293-1-1.html
其實閣下講咗十年仲講緊悶唔悶？
起個站仲要同你起埋個商場結構，你九龍倉都好便宜者
HU6455 發表於 2019-5-16 00:02
如果講地下街，日本，或者大陸，已經好過香港N陪
香港週圍各自為政，如果要做到深圳會展中心站周邊D地下街 ...
其實祖國既地下街發展都係麻麻地成功。
試過深夜想經高鐵站通道去綠線大堂，結果俾慈母捉我行番上地面。:$
本帖最後由 Toz 於 2019-5-16 16:34 編輯
宜家唔係要成個九龍公園地底加一層, 只係起條地下街, 九龍公園南北中軸通道明挖, 夾埋迷宮同半圓廣場, 空間已經足夠, 就算要略為向兩邊擴展, 地下街夠深就唔會影響現有大樹,點都好過郁彌敦道
問題都係, 咁搞法九龍公園要分階段局部封五六年, 阻力有幾大O者, 如果要郁埋泳池, 就更麻煩
仲有就係要打通行人通道, 重點其實唔係九龍公園既地下街, 而係九龍公園對外接駁
一係條地下空間設計到行埋車, 西九文化區地底駁去彌敦道, 分流柯士甸道, 咁先有足夠價值