GM 發表於 2019-6-1 15:01
當年76K縮短元朗／古洞↔粉嶺南有1266人(佔32%)而依班客受影響的數目同程度均較為嚴重(73+73A 上水聯和客 ...
1. 對於76K呢類嚴重虧蝕的路線, Cut車縮線轉定點絕對可取, 原因大家都明白。起碼而家繁時都有三兩班車係過左南生圍可以上下層坐滿。以前華明時代, 咪又係靠食273A客維生。果陣上火一個站上既客, 仲多過你全程。條線行成廿公里, 但每班車靠呢幾十個人4蚊客搵食, 比你坐滿又如何? 主力做好鐵路接駁仲實際。
2. 對於旅客/水貨客來講, 佢地一般揀同76K平行的紅小, 因為經皇巴站, 又密密開, 站位又近墟市, 深入民心, 搶走76K唔少客。你見皇巴站上水方向, 有76K埋站, 都係唔多人上, 繼續死等小巴就知 (雖然好多時上得巴士到埋上水, 紅小快極都係跟尾, 好少見到有車爬頭)。而呢段路來講, 元朗客早就落得七七八八。如果補充到皇巴客源, 76K絕對可以蝕少好多。至於76K入元朗方向, 就更加無咩人坐, 因為站位太差, 落得上水, 邊可能只去彩園走水貨?;P
3. 76K雖然無咩得改, 但至起碼可以加個小型行李架/水塘位, 配合下宣傳, 吸引水貨客轉投, 因為拉車手上巴士, 比上落紅小容易, 反正都唔會坐滿, 拆座位又有何問題。至於粉南客, 去鄉郊的話, 佢地點都係要用273A/273D轉番76K, 去元朗的話, 就轉276/276A, 上架回車快, 收費貴的線, 九巴仲著數。如果想滿足埋劉天王, 拉去置福圍做總站, 都係「粉嶺」嘛