東鐵線慢駛進入紅磡站
https://www.youtube.com/watch?v=PvLe3e4owq8唔只東鐵，西鐵都慢過平時好多，過走咗半度門嘅距離（呢個唔知係唔係車長問題），仲停咗成分鐘先曉開門 sancouve 發表於 2019-9-18 22:17
唔只東鐵，西鐵都慢過平時好多，過走咗半度門嘅距離（呢個唔知係唔係車長問題），仲停咗成分鐘先曉開門 ...
唔關車長事，好多班車都係咁，一係過走，一係太早停。因為西鐵綫止衝擋爛咗，所以要減速入站。
點止咁簡單，平時用開既交叉渡線都用唔到，直頭要逆線離開紅磡站:
https://www.youtube.com/watch?v=oONbOrHKqQY
https://www.youtube.com/watch?v=08N248PZiGw
而家東鐵線用平常直通車用既渡線離開紅磡站，竟然順滑過平時用開既交叉波口;P
另西鐵線由星期一開始，尖東起步就要人手開車 rickywk 發表於 2019-9-19 08:45
而家東鐵線用平常直通車用既渡線離開紅磡站，竟然順滑過平時用開既交叉波口
另西鐵線由星期一開始，尖東 ...
今朝西鐵美孚開始已經hold車，柯士甸打後更加要等入站，平時頂多尖東要等
結果九點未到已經延誤5-6分鐘，過九點後延誤相信有加無減 (西鐵嘅行車profile九龍段比較難追時間)
東鐵紅磡亦因為用直通車波口，所以7分鐘已經接近極限，同平時一樣兩部車要排隊入紅磡站，不過每部車等嘅時間再加長兩倍......呢個時勢仲企頭卡落紅磡真係佩服 Ricky403 發表於 2019-9-19 09:29
今朝西鐵美孚開始已經hold車，柯士甸打後更加要等入站，平時頂多尖東要等
結果九點未到已經延誤5-6分鐘， ...
好彩美孚至荃灣西一段而家無咗限速，西鐵仲有d時間追。
但東鐵紅磡站果邊就有d難攪，而家最大疑犯係個交叉波口，就算今晚拖走四卡車再換軌，龜鐵都可能落臨時限速落到25km/h過，甚至龜鐵要諗下會唔會再執下走線等呢個交叉波口無咁搖
rickywk 發表於 2019-9-19 09:45
好彩美孚至荃灣西一段而家無咗限速，西鐵仲有d時間追。
但東鐵紅磡站果邊就有d難攪，而家最大疑犯係個交 ...
4台出嚟經波口入返北行軌個內彎搖到嘔泡，反而南行軌個外彎感覺上平穩過隔離線。 本帖最後由 DIH 於 2019-9-19 13:15 編輯
今朝做勇士去八下，有以下觀察。
九龍塘，上到南行月台時班次如下：
旺角東．．．到站
紅磡．．．．3分鐘
紅磡．．．．6分鐘
旺角東．．．8分鐘
旺角東列車到站後，絕大部分乘客落車，每道門有幾個落車再等紅磡車。該班車從九龍塘開走後比平時紅磡車少人。
旺角東列車離站後，紅磡車已就快出隧道口。列車非常爆滿，九龍塘落車乘客比例上唔多，我上呢班，頂閘離開九龍塘。
九龍塘至旺角東徐行，但唔使hold。於旺角東有少量乘客上落，仍然頂閘往紅磡。
在愛晨徑對出等北行列車經直通車波口過線，然後慢速入站。
由於車上係沙甸魚狀態，我睇唔到出事車卡。
去到紅磡剛好有西鐵到3台，應該係手動停站，在距離停車位大約一卡時已減至隨時可以停的速度，最後對得到門位。
由紅磡開出沒有異常，結果我用的時間同平時差唔多。
但我尋日發覺經太子轉荃灣線上荔景再轉東涌線過海，比起經東西鐵快大約10分鐘，而且太子北行有位坐。我故意唔經彌敦道／東隧過，因為太迫太焗。
DIH 發表於 2019-9-19 13:13
今朝做勇士去八下，有以下觀察。
九龍塘，上到南行月台時班次如下：
東鐵轉西鐵，見紅磡車唔係即班可以轉用九龍塘>太子>美孚去新西或九龍塘>太子>荔景過海，影響較細
西鐵轉東鐵，西鐵要慢速以人手模式入紅磡站，上繁搞到塞哂車，東鐵雖然固定到四台開但走咗一班下班7分鐘後先開，影響會比較大 (今朝用多咗10-12分鐘)
不過平時因為班次緣故，東轉西 (密轉疏) 本身就比西轉東 (疏轉密) 用時長，而家紅磡站大家鬥塞車，疏鬥疏，咪打個和囉
話說，連續兩班紅磡唔會塞車咩？定係因為有直通車開，所以要一班旺角東同紅磡對調順序？