ME9661 發表於 2020-1-10 09:17

九巴長遠有無可能取消站長呢個崗位?

由中央控制?

kitarolo 發表於 2020-1-10 10:17

假設巴士公司內部
可查閱每部車即時位置
(唔係ETA嗰種5分鐘更新
一次、無車牌/車隊號兼唔准確)
另一方面就睇Google Map有無
塞車嘅調派其下員工? 九巴又似
唔似新城咁有Mon收公司指示?
唔好諗住用車長個人手機就算噃!

kei_hk 發表於 2020-1-10 10:47

本帖最後由 kei_hk 於 2020-1-10 11:12 編輯

kitarolo 發表於 2020-1-10 10:17
假設巴士公司內部
可查閱每部車即時位置
(唔係ETA嗰種5分鐘更新

我只會講﹐完全無站長就短期內唔會﹐起碼未來5年都唔會出現。

但係無站長的巴士總站﹐只會越來越多。
特別係一些一兩條線的總站。

事實就係﹐九巴早已經有一些總站係不設站長﹐由附近總站/中央控制。


如果九巴真係想全面取消駐站的站長﹐在實際運作已經有總站實施了。
在經過多年時間﹐現在應該好多站已經無晒站長駐守。
但現在的情況又係點?


九巴理想的確係想減少駐站的站長﹐但係實際運作做唔做到﹐又係另一回事。


***************************************************************

九巴內部就應該係睇到邊一部車行緊邊一條線﹐實時位置的資源﹐更新率會好過對外公開的ETA。
如遇小塞車﹐站長就可以調整一下幾班車的開出時間﹐遠端站長/中央站長一樣可以透過電腦得知有無車返(司機未報到)﹐甚至乎在系統睇到部車去到邊﹐判定是否真係塞車脫班。
大塞車﹐連續多班車都未能返總站﹐成個總站無晒車﹐站長都無野可做。


想全面取消駐站的站長﹐唔係完全唔得﹐只係要在科技及系統上都要進一步提升。
例如預先設定好的班次後﹐會全自動睇相關巴士是否已經在總站standby。
如車在預定班次開出之前幾分鐘都未到總站﹐就會自動發warning給操作員﹐操作員可以睇到部車去到邊個位於﹐判定是否甩班做跟進處理操作。

不過﹐我睇唔出九巴現時真係有能力全面做到這些運作。
單係派車系統﹐都可以一年出幾次鑊。:L




PS. 站長唔係只負責處理巴士班次問題﹐仲需要處理乘客查詢的﹐而且仲可以為車長提供支援﹐所以大站真係有需要保留。

kitarolo 發表於 2020-1-10 11:10

本帖最後由 kitarolo 於 2020-1-10 11:40 編輯

kei_hk 發表於 2020-1-10 10:47
不過﹐我睇唔出九巴現時真係有能力全面做到這些運作。
單係派車系統﹐都可以一年出幾次鑊。

電腦出Pop-up俾調派員
唔係難事,問題太多格彈出嚟
短期內又必須人手逐一應對而
無法靠Program死板跟進,中央調派
夠唔夠電腦主機/工作站終端都成問題。

鄉郊線喺假日都會有站長
輔助(大美督、黃石碼頭之類)
為免攬炒應保持各系統獨立,建議
用4廠嚟分佈控制權,同意大站需要
保留站長室,無可能全部幕後解決。

另外,唔用車長個人手機
係為咗避免墮法網同不必要
嘅投訴,不論係九巴祗限員工
使用嘅Apps或話音通訊,接收
或查問中途起載或臨時安排。
大塞車﹐連續多班車都未能返總站﹐成個總站無晒車﹐站長都無野可做。至少可站長可Bypass/調整ETA
「預定班次」始終好易引起誤會

053h4 發表於 2020-1-10 11:47

流星☆雨 發表於 2020-1-10 11:47

新城都可能得
九巴真係難少少

當留個職員答下乘客問題或者幫手睇住個站都好

kei_hk 發表於 2020-1-10 12:53

kitarolo 發表於 2020-1-10 11:10
電腦出Pop-up俾調派員
唔係難事,問題太多格彈出嚟
短期內又必須人手逐一應對而


至少可站長可Bypass/調整ETA
「預定班次」始終好易引起誤會
這樣野﹐一樣可以由遠端站長/中央站長處理。

根本與有無站長駐站﹐沒有什麼大關係。

只要係系統做得好﹐駐站站長又好﹐非駐站站長又好﹐見到無車回來報到﹐就應該調整系統內的預定班次。
調整系統內的預定班次﹐就應該會自動更新ETA。

系統做得好﹐站長又唔係懶﹐就可以睇下班車的實時位置﹐以決定班次點去調整。
站長係懶﹐就有車返到來﹐才去處理班次調整問題。


系統做得好﹐在預定班次開出前數分鐘﹐未有巴士回到站報到﹐就應該有warning給站長/操作員﹐叫他們作出應有行動﹐例如睇實時巴士位置去調整班次。



至於你講以下一句 :
夠唔夠電腦主機/工作站終端都成問題。真心講﹐你的擔心係多餘的。

真係有心去全面中央處理﹐唔應該有此問題。

有無白痂膠層明知無足夠的設備﹐都要硬上馬?如果有﹐這些膠層就真係真心膠了。

我唔會信一晚之間全面無晒站長﹐一定係分批轉做中央管理/鄰站管理。

每轉一批之前﹐中央處理中心就自然會加位。
每位操作員可處理幾多條線﹐做管理層一定知﹐自然會在每一個階段就會作出適當添加設備。

KC3555 發表於 2020-1-10 12:55

以前在龍門居總站經常見到一個畫面,就知道站長的用處是不能沒有。
一條2-3分鐘一班的962P,在總站排隊等候時,應開早的埋不到站頭開車,
站長一邊協調乘客上車,一邊協調巴士移動頭站頭上客,有時車長行開如廁時,站長便上車看車上客,自行移車調度。
就算科技幾先進,處理站頭突發事件,頻密班次巴士在站內調配,要對巴士站的情況認識的人才能勝任。

053h4 發表於 2020-1-10 13:01

B.B.B. 發表於 2020-1-10 13:28

你既諗法只係將所有站長坐埋同一間房做野咁解
頁: [1] 2 3
查看完整版本: 九巴長遠有無可能取消站長呢個崗位?