近期九巴減班 前線成出氣袋 人人自危
本帖最後由 WCNTIH 於 2020-2-8 00:34 編輯九巴近期就聲稱疫情影響，帶頭減班，各位車長都俾人cut補水，甚至cut字軌。呢幾日仲愈cut愈興奮，好幾條線王都收到嚴重趕客，更加唔好講啲頹開嘅線。例如今日嘅214 290/A 係收到25－40 分鐘一班，968晚繁過後亦都收到30分鐘一班。呢幾條平時個位數班次都嗌緊唔夠載嘅線，收到咁嘅班次自然眼都突。;P
但問題嚟啦，客係冇乜少到，結果就班班黐晒玻璃。:sleepy:
尋晚星期四夜後嘅948都有唔少班次改咗用單層，導致夜晚尾幾班都痴住玻璃過海。
603係收工時間亦都收到20－25分鐘一班，全條線得唔知5定6部車，銅鑼灣一帶留後留到冇眼睇，夜後仲聽聞進一步收到30－40分鐘一班，兼且會換藍田區內線啲單層車。親生仔嘅603、968都咁糟質，聯營嘅681更加係上演唔減班但拆樓嘅戲碼，結果個兩架AVC 銅鑼灣已經接近頂閘，啲客媽聲四起。
講下啲頹線，啲咩14X 16M 95M 216M 296M直頭收到唔係比人搭，講緊係最密都開緊40分鐘一班，45 46 95M 更加係接近大半日都行緊1小時一班，問你死未。:lol
成件事，到底係點解發生呢？
有周公就報夢話，原來係九巴某冷氣部門要求各廠車務組都要收夠至少30%嘅班次，聽聞有中層管理人員因為收唔夠車，俾膠層警告。搞到而家就無差別收車，無客線收，有客線，更收得厲害，彷彿搞到收車慳咗嘅成本有得自己袋咁;P。而家啲前線，日日都要帶埋老母返工，點唔驚啫。
的確，好多線都係跌咗客量，減班係毋庸置疑，但，唔代表要收到咁趕客呀，最搞笑係，啲真係無乜客嘅，例如934、936就出單層都要吊命保住半粒一班。
重點係，你收車又唔聲唔聲咁收，你係光明正大出通告話減車，啲客都最多睇完通告媽叉兩句就轉投黨鐵。
但早幾日仲要厚面皮地同傳媒講，加強繁忙時間班次，疏導地鐵乘客，以更寬敞嘅車廂空間防止疫症爆發，但到頭來，不加，仲要減到唔係俾人搭。真係難聽過粗口，人唔笑狗都吠。前線就日日帶埋老母返工:@。收車都要睇住嚟㗎，唔係亂咁收完，話達到收夠30%嘅目標，任務完成好開心就得架。:sleepy:
呢度肯定好多九巴膠層mon post嘅，我呢啲前線薯仔只可以講，你係夠膽係呢期下晝著住制服落去前線一個禮拜都無比人問候老母嘅，聽日所有線減到1個鐘一班我都心服口服。
而家對面橙公司都話準備減到啲車長每日一工限定，到真係爆煲，運輸署壓落嚟嗰時，花生價格自然高企。
以下開放俾各位做小器簿，記錄低九巴收車點離譜法。同埋記住鼓勵自己嘅親朋戚友，巴士脫班記住打28899999 port去交通投訴組啊，port上21368888／28730818／27454466 是無_用嘅。:lol
其實都明白少咗客要減班，但都唔好咁離譜。263非繁忙時間40分鐘，有什麼居心？按情況決定減班及出返真正班次表，一定好好多 上星期話加強繁時班次，呢個星期就收車比例遠超客量跌幅，正式佛口蛇心。載通果然係前popo做領導，講一套做一套，厚顏程度同popo系出同門 HV7025 發表於 2020-2-7 23:48
上星期話加強繁時班次，呢個星期就收車比例遠超客量跌幅，正式佛口蛇心。載通果然係前popo做領導，講一套做 ...
唔怕，呢度有好多九巴迷
幫佢地諗林林種種既理由
HV7025 發表於 2020-2-7 23:48
上星期話加強繁時班次，呢個星期就收車比例遠超客量跌幅，正式佛口蛇心。載通果然係前popo做領導，講一套做 ...
講得好
解釋到九巴點解愈攪愈衰，愈來愈唔當啲客係人
藍絲撐黨鐵 黃絲罷鐵
於是呢幾個月成日不必要地突然縮服務。
彌敦道有兩日得新城行，九巴全部無。縮到務求趕晒啲人落鐵咁款 今日lunch開城巴ETA睇車做人, 哇, 601 671係KMB cycle冇時間出嘅, 幸好606 619係城巴時段.
過到對面海, 平時對面行緊過九龍嗰班606有時用AVC係坐滿要企, 估唔到今日衰到喺彩雲拎10號部ASB嚟行, 真係低處未算低.
而我咁唔好彩, lunch過九龍嗰程九巴606被cut到30分鐘一班, 唯有地底見, 唔係唔懋幫襯你啊九巴, 係你cut班cut到我要落地底咋!
喺地底行緊去月台, 見有幾個人一抽二袋食米 廁紙, 有本地斯文大叔, 又有外藉女子, 都係搭到油塘轉觀塘綫, 如果有巴士搭, 邊個會虐待自己. 公務員都home office，九巴只係配合政府政策減少出街嘅人數 dtfaiwong 發表於 2020-2-8 00:35
公務員都home office，九巴只係配合政府政策減少出街嘅人數
唔好掉轉啲嘢嚟講先
的確，係有唔少工種改咗做home office，但佔得幾多？
而家係鬧緊佢冇事冇幹專登收車喎，連啲係呢期仲有客嘅線都專登收到20分鐘一班甚至更疏，搞到客又受罪要企足全程甚至留後係街食風，前線職員又受罪要帶埋老母返工。
唔係話冇車搭，啲人就會自動自覺匿係屋企乜都唔使做架喎。
EX-TL 發表於 2020-2-8 00:31
今日lunch開城巴ETA睇車做人, 哇, 601 671係KMB cycle冇時間出嘅, 幸好606 619係城巴時段.
過到對面海, 平 ...
601 全日九巴時段大約15－25分班啦，101/619都係。
反而671 690 樓又拆唔成（671得一部單層，690全雙），班又減唔成繼續半粒一架，望住仲疏過佢哋嘅95M 603 968，都咪話唔火滾:@
本帖最後由 EX-TL 於 2020-2-8 00:57 編輯
dtfaiwong 發表於 2020-2-8 00:35
公務員都home office，九巴只係配合政府政策減少出街嘅人數
用開AVC嘅班次轉埋ASB兼減班, 係迫班客上唔到車定係故意製造特見?!
客少或者唔想太多人出街, 減班冇問題, 但派番架正常啲嘅車, 等班客坐鬆啲, 減少受感染機會, 唔止講肺炎, 呢個時候有流感都麻煩啦, 上到車要迫餐懵, 上唔到車喺街吹風, 真係多得九巴唔少.
Home office並唔係所有人日日home office, 好多工種唔同部門唔同team同事係輪住返office, 亦可以同一個team未必人人需要返office, 唔好一聽見公務員home office, 呼籲私企跟隨, 就真係當全香港都home office緊.
還好自己一日四程車, 有三程係城巴時段, 呢句講左好多次, 無論咩情況都受用.