kay 發表於 2020-3-30 11:52
唔係換左區議員一定有改善的
南區都係好例,好多訴求不得要領
但車就成日CUT
無計啦，南區線本身唔係D咩大賺嘅，同港島北特快、東區、西北去比，佢地點會願意大幅投資丫呢幾年南區嘅車真係cut得到就cut（但590竟然仲可以存在嘢呢個世上）
現任果個區議員暫時都好果個前任果個戈，起碼唔係「啞」嘅，又成日冇蹤影，前任果個真係不知所謂！
不過講開又講，BUSMAN你咪話想91加班嘅，但係我發現最少近呢大半年嚟都蝕，好似今晚我搭7號番嚟咁，明明90B係前面然後到佢跟著係7號，明明應該佢同90B食好多客，但係反而食客嘅係90B同7號，明明佢又唔係包尾，佢仲要同7號兩架係薄扶林道遊樂場爬咗90B頭，瑪麗果班大客又係佢食第一，但結果係後面7號同90B食得最多，兩架都成車客，91就得半車，並唔係話今晚落雨影響，係几乎晚晚都咁，除咗星期六日，我諗佢加密班次仲比7號難，90B就問題不大!
因為返西邨唔會搭91,要平返香港仔都唔會搭91,但91存在意義係咩車都無個陣收貴你,所以當年點解提71取消,91縮去港澳碼頭不減價
chunglau 發表於 2020-3-31 20:40
不過講開又講，BUSMAN你咪話想91加班嘅，但係我發現最少近呢大半年嚟都蝕，好似今晚我搭7號番嚟咁，明明90B ...
91其實係北行好客D，北行西邨無得揀，去西營盤、鹹魚欄嘅話幾乎係硬食無選擇，點都要陪上利東但南行90B同91比，緊係上90B啦，雖然無記錯嘅話90B貴一兩毫，但係一個香港仔，一個利東，D時間已經爭好遠
同埋，我無睇年報唔知佢有無蝕，不過呢九個幾月香港嘅情況，其實都無乜邊條線係可以賺
再加埋南區線，如之前咁講，無乜可以賺，巴士公司其實都已經無乜心去做，仲講咩加班丫（除非引入新嘅營運商競爭啦，如果唔係機會都唔會大）
BUSMAN伯輋雯 發表於 2020-3-31 22:20
91其實係北行好客D，北行西邨無得揀，去西營盤、鹹魚欄嘅話幾乎係硬食無選擇，點都要陪上利東但南行90B同 ...
討論下啫!邊個願意依家去加啫，緊係講疫情之後嘅事㗎嘛，同埋其實巴士公司或者運輸署其實首先應該將7，91，90B呢3條線啲班次錯開，等佢哋唔好一係全部唔嚟，一係就一窩蜂咁嚟
原來7號經華富班次唔聲唔聲咁改咗由域多利道入，記得之前有人係本網某討論區提過，冇諗過真係會改咗