本帖最後由 GU9338 於 2020-5-1 15:12 編輯
SE7378 發表於 2020-5-1 11:00
吓，依家 33 由油塘去 Megabox 要用成九個字？！
即係分分鐘油塘客搭 33 去荃灣要坐足 80 分鐘？！
咁嘅 ...
我諗九龍灣最大問題唔止塞車咁簡單 , 而係無定向風咁塞
某日可以塞 5 分鐘 , 另一日可以塞半個鐘 , 所以搭車係無晒預算
大塞車個陣見過既包括：
24 1810 特車 > 1910 先到宏天
234D 1830 觀塘 > 1940 先到黃大仙
33 (頭先講咗)
E22S 1735 超過一個鐘都未到 Megabox
但係 27/4 大塞完後過兩日 29/4
我見到 258X 1805 觀碼三個字已經行到臨華街 ......
好回正題
我覺得如果有心做觀荃特快既
起碼 40 要飛起美孚同唔好日日開 30 分先
做咗呢樣再諗荃景圍、點執 33 都唔遲 ......
GU9338 發表於 2020-5-1 15:09
我諗九龍灣最大問題唔止塞車咁簡單 , 而係無定向風咁塞
某日可以塞 5 分鐘 , 另一日可以塞半個鐘 , 所以搭 ...
觀塘碼頭同九龍灣商貿區塞車的確無定向，
但觀乎 33 個 case，似乎最大塞車黑點係喺偉業街，
有版友講過，33 平日油塘去巧明街用左 19 分鐘，30 分鐘先落偉業街天橋，
而同一時間，62X/259D 鯉魚門邨開出，19 分鐘都已經去到彩虹交匯處啦 ⋯⋯
我諗 14X 最大問題係，競爭對手實力實在太強，
除油塘山外，油塘嘅核心地帶係包圍住成個黨鐵站，
站位比 14X 方便，過海轉車去佐尖又比佢快同穩定，
相反 14X 點都避唔開如觀塘迴旋處、紅隧口等塞車位，
如果唔係兩繁金鐘同北角轉車太迫，分分鐘 14X 油塘渣都無得剩，
不過喺九巴眼中係成功嘅屎忽數，食咗條更蝕錢嘅 14C 吖嘛 ⋯⋯
個人認為 14X 出路可能真係好似麗港城條 219X 咁，
變成鯉魚門油塘藍田站出佐尖專線，用最少資源處理，
但又驚唔夠客，所以市區方向繞道後兜埋九龍灣商貿區先入機隧，
加埋上面提及嘅油觀荃真特快，咁就可以 free up 返條 33 出黎啦，
不過，都係嗰句，手尾好長，好多野要跟 ⋯⋯
P.S. 早前有版友提出透過 14X/215X 重組，
然後拆條類似 213X 嘅鯉魚門油塘藍田尖咀線出黎，
個人覺得還可以，但觀塘尖東要維持服務水平就有一定難度 ⋯⋯
S3BL100 發表於 2020-4-30 23:08
14X 無必要尖沙咀變順時針，一來逆時針有幫 215X 清客功能，尤其是 215X 客量其實值得下繁拆條觀繞特快， ...
其實一直都好懷疑14X究竟幫到215X幾多, 西行完全幫唔到, 東行繁時14X去到山谷道好多時都只係坐滿, 只係偶爾脫班脫到嘔先會企人
所以我先覺得要幫215X係要加班/開215P回程
依家嘅14X好四不像, 做佐敦特快, 一般嚟講14X會比14早10分鐘到佑寧堂, 但做唔到炮台街嗰邊嘅客, 又爭唔贏紅小
又做唔到特快去尖東, 油麗邨都仲話可以行去藍田站搭215X, 其他真係直接保鐵算
依家晚繁搭車返觀塘真係好惡夢, 一係就耋megabox彎位倒灌 (講緊係連宏通街站都埋唔到), 之後就係例牌創紀之城個站塞到懷疑人生
所以行天橋飛走埋創紀之城個站可能都係好事嚟
GU9338 發表於 2020-5-1 08:34
咁樣我對 14X 去程有幾多客會有疑問
因為主力客源得返
咁其實我係朝早十一點後開出班次先改道，十一點前唔受影響
同埋都係果句，14X 而家最大問題係班次。兜九龍灣換加班，到底會對油塘尖咀客吸引力增加定下降，好難下定論，可能真係要做左先知。至於九龍灣塞車，其實平日黃昏前都唔見得會係問題，放工塞車時段油塘出尖沙咀需求都唔見得好大，當然對回程班次影響呢點我暫時無其他辦法解決，係假日 Megabox 塞車可能麻煩少少
我其實同意 14X 咁兜愈來愈唔配 X，但本身客量實在係唔掂。想增加客量，可以係加班，可以係增加服務範圍，可以兩樣同時做
想做九龍灣佐尖客，開新線只做佢地又唔值得，除左 14X 同埋我之前提過但收起左既全日山上將尖 98P 加兜九龍灣外，暫時另一個諗到既選擇係 296D，因為條線夠頹。（好似上面其他版友提出改 219X 就算吧啦，行車時間增長幅度太大而且難度應該比起 14X 高唔少）
但改 296D 會同 98P 碰到同一個問題，只係條同路既 110 綠小無馬亞木咁惡
如果改到當然都係一條出路，但 14X 尚且可以加兜同時加班做甜頭，296D 無呢個條件
SE7378 發表於 2020-5-1 11:00
吓，依家 33 由油塘去 Megabox 要用成九個字？！
即係分分鐘油塘客搭 33 去荃灣要坐足 80 分鐘？！
咁嘅 ...
反正 40 都係要入觀塘碼頭，我有諗過一個幾異想天開既重組方法
就係喺搵到另一條線補葵涌（38 拆線或改道）、同時搵到另一條線補美孚（38 改道或 42C 拆青衣南新線，但問題 RPP 出左 X42C 全日）既前提下，對調 33 同 40 觀塘區走線，40 麗港城後改經偉業街同九龍灣商貿區，同時飛起美孚，而 33 成條掟出觀塘道
33 荃灣上呈祥道其實唔比起 290/A/X 快，但最大價值係荃灣東堆新樓同工業區，同時 40 荃葵覆蓋比起 33 廣，只要葵涌同美孚搵到其他野補，行九龍灣意義比 33 大
但諗完之後發覺會搞到西約無車落觀塘道，同時麗港城出觀塘道尤其德福淘大果段流水會斷左（回程仲有 E22），暫時諗唔到解決方法
上面只係思考方向，非嚴謹方案，仲有好多問題要處理。不過至低限度，如果解決到觀塘道流量問題，小改既話，33 係值得改跟 15A 行法入九龍灣
Perfumess 發表於 2020-5-1 22:28
其實一直都好懷疑14X究竟幫到215X幾多, 西行完全幫唔到, 東行繁時14X去到山谷道好多時都只係坐滿, 只係偶 ...
無錯 14X 西行其實幫唔到 215X，幫 215X 係東行
但我依然認為 14X 既情況，逆時針好過順時針咁去，215X 東行似乎比起西行壓力更大
而我覺得與其開 215P 繼續塞落觀塘道，不如開 215E 跑繞道直接飛返藍田仲好，起碼以 215X 客量，真係有條件咁做
如果解決/處理到喜鵲樓，無咩反對聲音既話，14X 絕對可以東行啟福道天橋直飛
分享下小弟大半年前經驗：
有日約下午一點左右，係觀市出尖沙咀（去K11附近），坐215X又得，坐14X都得。
不過215X收車收到成20分鐘班（疫情前已經搞成咁），觀市已經無位坐，後車又有排先到。
咁就上左14X啦，反正我係彌敦道落車，時間上同215X應該差唔多。
***********
點知，真係無諗過，原來停一停海濱道，係會浪費咁多時間架。
比起215X，停海濱道令14X用多左5分鐘先上公路。
不過呢，單單海濱道，又上左20幾30個客……
去到呢個位，我想講咩？
一、我認同S3BL100兄，觀塘、九龍灣商貿區去佐尖的確有需求，亦都應該諗方法砌線去迎合呢個需求。
海濱道Lunch Time都可以上20-30個，咁九商一定可以上更多客。
二、問題係，唔好講油塘咁遠，單單觀市，我下次都未必會再坐14X（除非215X上唔到車，又或者好累想找個位坐）。一條海濱道，已經比起215X直上啟福道天橋用多5分鐘。
如果兜埋九商，就應該比215X慢10分鐘。咁正常情況下，我等下架215X隨時仲著數。
三、換言之，如果14X兜埋九商，唔單止連僅餘既油塘客都趕走（咁兜落去，其實同坐14無乜分別，只不過14去唔到TST咁解），隨時連而家貪快去佐敦既觀市客都無埋。
咁就會應驗上面GU9338兄所講，吸到新既九商客，但就會趕走左觀市客，隨時得不償失。
******
如果俾我砌，某程度上296D可以廢物利用，
又或者過幾年安達臣石礦場起埋私樓，到時213X過寶達後，直上觀繞，兜一兜九商再去TST，反正而家213X停秀茂坪道，根本做唔到秀茂坪客……
如果213X真係可以寶達直上公路，交換條件就係要寶達放棄13X總站車。
213X：石礦場 -> 安泰 -> 安達 -> 寶達 -> 九商 -> TST -> 佐敦 -> 寶達 -> 安達 -> 安泰 -> 石礦場
13X：兩個方案
Plan A：中秀 -> 原線至淘大 -> 輔警 -> 佐敦 -> TST（但秀茂坪就要硬食曉光街，無得走上秀茂坪道坐而家既213X……雖然而家根本極少人咁做）
Plan B：裕民坊 -> 協和 -> 曉光街 -> 秀明道 -> 樂華 -> 淘大 -> 輔警 -> 佐敦 -> TST（俾秀明道直出巴士，唔駛兜個圈落曉光街再屈返去樂華；但問題就輪到曉光街慢左……）
224X全日：彩福 -> 啟業 -> 麗晶 -> 原線 -> 啟業 -> 彩福
本帖最後由 S3BL100 於 2020-5-5 02:25 編輯
neoplan720p 發表於 2020-5-5 01:17
分享下小弟大半年前經驗：
有日約下午一點左右，係觀市出尖沙咀（去K11附近），坐215X又得，坐14X都得。
不 ...
多謝分享，原來海濱道已經儲到廿幾三十個客，比我想像中仲要多唔少:o
都係果句，我諗改 14X 既問題係，加兜九龍灣換取加到 20 分一班，對觀塘巿中心同油塘既吸引力係咪必然下降，定係打和，甚至會唔會因為變返正常班次而變得更吸引。呢個問題，我暫時好難畀到確切答案，但值得諗
而當中油塘係重點，觀塘巿中心只係用來做佐敦特快，無必要同 215X 鬥搶尖咀客
同時，如果個別時段可以執多幾十個客，觀巿油塘就算倒客，倒既數目有無咁多，都係一個問題。但至低限度，14X 日後應該唔會有機會飛得甩海濱道喇
至於你提到既兩個方案，正如我上面提到，固然 296D 都係一條出路
不過如果可以搞得掂條 110 綠小（相信尚德出站路線要做下少少手腳）搬一條 296 系入九龍灣既話，我反而會比較想 296D 非繁減到 30 分一班，畀 296C 全日拆線，296C 改經九龍灣商貿區去大角咀，做九龍灣往來旺角，同時滿足埋西貢區要求有巴士直達大角咀既呼聲；同時拆 296E 西行太子道飛橋，做深水步填海區特快，東行改經菜街兼再飛多幾個站，做深觀旺觀特快
暫時我諗唔到其他理想方法去做九龍灣旺角，我長遠願景係九龍灣入面有全日線去佐尖、旺角大角咀，同埋深長荔
即係類似我幾年前既建議，但幾年前貼出來既版本，今日睇返，有細節要再修改
而你提到 13X 213X，咁岩我上個月都有篇建議拎埋 213X 去重組
但實情係 213X 因為比 13X 快太多，都吸到唔少秀樂秀程樓乘客，加上樂華係既得利益者，所以我果篇建議都要搵條 93D 去代 213X 做果個位；反而我係有諗過山上將尖經觀繞入九龍灣，但因為其他原因而暫時收起左呢個諗法
13X 我就覺得無必要再搞，一來真係無理由影響曉光街客，二來本身揹住堆區內流水，而無其他理想替代方案
neoplan720p 發表於 2020-5-5 01:17
分享下小弟大半年前經驗：
有日約下午一點左右，係觀市出尖沙咀（去K11附近），坐215X又得，坐14X都得。
不 ...
見閣下建議 213X 飛樂華入九商 ,
我係 Google Map 試一試，結果可能令閣下失望：
213X 寶達邨 > 啟祥道經樂華：13 分鐘
213X 寶達邨 > 啟祥道經觀繞、宏照道：16 分鐘 (唔塞車就係 16 分咋)
相信全程要減價到 $7.5 同加班去補償先叫有望過到
反而 S3BL 兄提到樂華我覺得易搞
因為有條近 100% 重疊既 89A，出城亦有平靚正 28
但係 224X 全日我覺得機會已經近乎 0
一來前景不明朗，二來 13X 區內流水已經俾麗晶 ban 過一次
本帖最後由 GU9338 於 2020-5-5 09:24 編輯
S3BL100 發表於 2020-5-5 02:22
多謝分享，原來海濱道已經儲到廿幾三十個客，比我想像中仲要多唔少
都係果句，我諗改 14X 既問題係，加 ...
九商往來旺角
我偏向賣大包俾 24 做就算
$5.1 個兩班特車就算有 296C(P) 入九商都唔會飛得走
但呢兩班特車偏偏就搞到全線班次亂龍 (i.e. 塞到俾後兩班正常車爬頭)
反正九商客源同啟麗出入時段相反，加上而家有 20 分客
24 以現有資源食到九商客有餘
深長荔無既有包袱，會唔會飛太子道西個條 (i.e. 閣下 296E) 入九商會更適合 ?