Busmtr 發表於 2020-5-13 13:55
606拉落鑽石山補位，即係叫鑽石山放手唔要直達銅鑼灣線實在太難。去南區就話鴨島需求唔大，但係銅鑼灣旺 ...
如果606拉落鑽石山，就應該開條613A比彩雲做補賞
S3BL100 發表於 2020-5-13 23:45
其實 116 抽特班行鳳德道，行車時間同經彩虹道正班唔會有太大分別，至少應該唔會出現坐後車會恆常快過前 ...
或者我都講一下我嘅憂慮先。
116：認同過鐘問題嚴重，問題係西灣河至鰂魚涌段真係擔心唔夠客，就算你開15都係咁話。上段快咗，但係要炮台山行一大段路先有得上116，絕對講唔通。炮台山行去威非路道絕對唔係可接受報程範圍，你試下行一次。叫炮台山行前一個站去長康街ok，長康街行前一個站去新都城大廈都ok，但係你叫人行一段幾乎一個地鐵站嘅距離(琴行街/威菲路道)，叫人好難接受，尤其炮台山都係客倉，唔可能唔做。
116A：如果車程冇太大分別，拉返去慈雲山，我持開放態度～只係覺得繞經鳳德道對慈雲山觀感可能唔太好，又唔知鑽石山取態係唔係一定要有條全日過海線放鑽石山，況且非繁116服務對慈雲山都太密，不如到鑽石山就算咁啫～
如果要加快回車，咁我寧願116A去返慈雲山，但係再開密少少。多少少短棍應該可以舒緩到過鐘問題，效果冇咁明顯，但係至少人人有車坐，客量又有保證。拆線就留畀106做。部份路段仲有條608爭食，快嗰條會有部分重疊，又唔知城巴會點睇，本身北角以東客量基本盤又唔夠拆線。
606： 小弟有建議過606點拆線 (https://www.hkitalk.net/HKiTalk2 ... 1&extra=#pid4211864)，歡迎師兄去睇下。不過我承認冇車由九龍灣返彩雲，係唔理想，當初重組都醒唔起呢到要補位;P
ViviTse 發表於 2020-5-13 22:52
但呢條係九龍灣（啟業、九龍灣站、淘大、德福、牛頭角、安基果頭）唯一一條去港島中嘅線wo......
客量需 ...
以上全部都有合理替代，可搭巴士619，亦都有地鐵揀。
Busmtr 發表於 2020-5-14 11:37
以上全部都有合理替代，可搭巴士619，亦都有地鐵揀。
有無可能619全日拆線，一條兜入牛頭角總站（幫671九龍灣補位），一條比順利提速？
而啟業/彩虹/鑽石山一帶只留671X？
本帖最後由 S3BL100 於 2020-5-14 23:53 編輯
Busmtr 發表於 2020-5-14 11:34
或者我都講一下我嘅憂慮先。
上面我講漏左樣野
如果 116 縮去威菲路道既話，其實最簡單，永興街都會擺到個站，清風街天橋底亦會有站，由炮台山站行過去係 400 米路程，近過行去威菲路道總站，合唔合理見仁見智
真係好需要補足既話，116 出站後電氣道東行， 到電廠街調頭，不過就會行耐左了，九龍方向全程行車時間會同擺北角碼頭無乜分別，對緩解過鐘問題幫助有限
我又唔覺得 116 對慈雲山太密，尤其是人地無鐵路得來，正常跨區線都無幾多條，116 來往慈雲山至銅鑼灣一段係正常，我唔想犧牲佢地，亦無理由為左成全本身係鐵路轉乘站既鑽石山，去犧牲無鐵路地區
而我個人認為 106 116 拆線係相輔相成。尤其是兩線行車時間都太長，但又想做返本來做緊既內陸流水。平衡行車時間同客流因素，我心目中方案係兩條都無可避免要拆到唔對稱。唔對稱既位（例如 116 既炮台山），一個方向會快唔少但另一個方向要行遠少少搭車，同時同另一條補。例如 116 無論點搞都好，炮台山往九龍都必然會有 106，都做得返部分 116 做緊既位
LauCT 發表於 2020-5-12 17:36
唔係咁好，咁改法鑽石山/彩虹失去往南區嘅交通，四美街亦失去部份116班次；116A又唔停大有街同四美街，行去 ...
有客就唔會攪成咁啦
做好 107 好過
S3BL100 發表於 2020-5-14 23:47
上面我講漏左樣野
如果 116 縮去威菲路道既話，其實最簡單，永興街都會擺到個站，清風街天橋底亦會有站， ...
問題係炮台山堆客唔係個個目的地就係炮台山站或者長康街嗰邊。可能係城市花園，可能係皇都戲院嗰邊。呢啲位相信叫人由歌頓道落車行過去，定係琴行街行返轉頭(相反亦然)，都一樣唔合理，已經幾乎相等於一個地鐵站嘅距離。係，北角炮台山天后距離係近，但係觀感上就非常差。
況且炮台山唔算雞肋位，純粹因為緩解過鐘問題而犧牲呢堆客，絕對唔值得，亦都好難過炮台山區佬。就算係慈雲山，冇車去炮台山堆商廈，唔理想。我諗佢哋寧願非繁等多兩三分鐘116，反正116非繁唔多人，有少少空間減班，但係可以換取下繁東區、灣仔、中上環都有快車返屋企。
聽師兄咁講，似乎打算106 116都拆線？ 但係我就會擔心116快線會唔會唔夠客，尤其西灣河至鰂魚涌堆人貪快入紅隧，一樣可以坐106快線。呢種定線(116快線)暫時只有上下繁開幾班嘅空間，未夠資格做全日。
論過鐘問題嚴重性同逼切性，我會先拆港島段更冗長嘅102 106，起碼呢兩條線無論快線定慢線都有好穩陣嘅基本盤。116快線單靠鰂魚涌至西灣河，擔心佢會做唔住，最尾只會淪為紅隧特快接駁(which 106快線仲有110都做到)，但係九龍段咪載空氣。土瓜灣、九龍城仲有條608爭食，城巴取態值得留意。
個人寧願重組效果冇咁顯著，但係盡量減低重組嘅副作用，將受影響嘅人減到最低，少個機會畀人抽秤，多個機會通過。
Btw師兄可以望下我606重組? 得閒可以留幾隻字cm:)
ViviTse 發表於 2020-5-14 18:37
有無可能619全日拆線，一條兜入牛頭角總站（幫671九龍灣補位），一條比順利提速？
而啟業/彩虹/鑽石山一 ...
個人唔太熟悉觀塘半山堆線，亦諗唔到喺邊度騰出資源嚟拆線:lol
不過觀塘山過海交通的確唔理想，尤其601金鐘止步唔到中上環，601 619兩條定線都太慢係事實，需要改善。會諗下點樣將觀塘山提速。不過究竟要九龍斷快，飛走觀塘；定係港島段快，飛東廊甚至繞道，係個好值得商討嘅問題。
Busmtr 發表於 2020-5-15 22:32
問題係炮台山堆客唔係個個目的地就係炮台山站或者長康街嗰邊。可能係城市花園，可能係皇都戲院嗰邊。呢啲 ...
如果拎埋 106 來拆，我既重組方向會係咁：
106 縮鰂魚涌（現 116 總站）
106X 東行鰂魚涌落橋，西行西灣河上橋，下繁再加兩班 106P 唔碌柴斜，東廊至筲箕灣入電車路，鰂魚涌上橋
116 縮威菲路道
116X 東行永興街出英皇道，擺嘉亨灣，西行糖水道上橋
可以見到兩條快線行法都唔對稱，主因係因為唔想頭站入隧道前車程太耐，但同時港島方向又要做返價值最高既流水，尤其是 106 而家食緊既康怡往小西灣
所以我既拆法，慈雲山往炮台山依然有全日車，而且仲快左唔少，係回程要行前或行後，係有代價但值得諗；同理，下路往康怡太古城都係快左好多，係回程同樣要行前或行後一個站
但放大少少睇，炮台山返土瓜灣依然有 106；康怡返土瓜灣區依然有 116X
116 快線如果鰂魚涌上橋就真係會唔夠客，但糖水道先上，情況會好唔同
而因為我唔想快線頭站碌太耐，但又想做返港島內陸流水，加上要解決/紓緩過鐘問題既考慮，走線唔對稱令個別客源要行前或行後一個站既問題，我暫時無其他解決方法
但過鐘係會大大增加運作成本同影響班次穩定；解決唔到呢個問題，兩巴就少左一個好大既重組誘因
而我亦唔認為 302 開回程事必要同 116 捆綁，反而因為回程走線似 111，有空間由 111 抽車做
甚至合乎某D條件既話，非繁都可以做有限度服務
btw 睇左你個 606 建議，原則上無太大意見，不過肯定有人會話柴小快線唔應該兜耀東:lol
我自己既做法，可能會係 606 606X 各自全日 30 分一班就算，藍灣互跳飛機維持時段分配
S3BL100 發表於 2020-5-15 23:50
如果拎埋 106 來拆，我既重組方向會係咁：
106 縮鰂魚涌（現 116 總站）
咁樣拆法，的確從港島流水同舒緩過鐘，攞到個好嘅平衡。問題係，116快線真係夠客做？ 302A依家淨係開兩班咋，兩班都唔使企人...116鰂魚涌客量都唔好，北角非繁唔好得幾多，仲有條608爭食...
簡單啲講，116拆線可能會衍生三個問題：
1. 快線唔夠客，尤其係九龍段，過咗紅隧就運凳，最終淪為特快紅隧接駁
2. 炮台山冇車去上路/慈雲山，一批唔算細嘅客源要行幾乎一個地鐵站距離，好唔理想，觀感都好差，亦最容易畀人反
3. 116快線同608某程度上有重疊，即係九巴會食城巴一堆客
我拆條116A，原本只係想塞住鑽石山把口，不過誤打誤撞又可以輕輕舒緩過鐘問題。當然成效冇你咁顯著，呢個係進取同保守取態啫。個人比較著重推行時可能遇到嘅困難，我會盡量消除，少啲阻滯，增加成功機會。
如果真係要拆116，我會輕輕改良吓
1. 116放天后，唔得就照威非(始終威飛一轉出嚟同興發街，兩個位都係塞車熱點，好容易令116脫班。個人喜好天后，不過冇位就冇辦法...)
2. 116X清風街天橋直入紅隧，透過飛亞皆老街天橋(橋下搭106)，甚至飛紅隧站，盡量慳多少少時間
個人對116X非繁客量比較悲觀，就算做埋炮台山都唔特別睇好，不過總比只做西灣河至北角來得好。一嚟可以塞住炮台山把口，同時擴大客源基礎，令條線拆出嚟都可以維持合理班次。但係個人主張先拆106，反應好先再拆116。始終106港島段比116長好多，拆完之後都有更廣嘅客源基礎頂住。
至於302，其實好有提升服務嘅空間。至少開下繁係有迫切性，亦肯定有好大需求，拋一個「舒緩地鐵市區四線」嘅理由，運輸署都肯定開硬綠燈，直頭可以立即單獨實行。
不過我想藉呢個契機，乘機將671從鑽石山撤走。借302 116P過橋，輕微調疏116喺慈雲山班次，慈雲山就易啲入口，再開短途車塞住鑽石山把口。同時輕微簡化走線(南行維園出 北行skip紅隧)，做番116班客，但係又舒緩鰂魚涌總站問題同過鐘問題。
喺我另一個101 111重組，因為想畀彩雲有全日車來往中西區，同時成全101X全日，所以111我都陰乾同縮短咗，喺我重組中111唔係一個抽水嘅好對象，所以暫時302難全日。真係好需要全日車，我會焗住拉113上去試水溫，當然吸引力成疑，唔理想。
資源有限，但係彩雲同慈雲山同樣有 全日車需求，我會先揀彩雲，從而成全我606個重組。
116A舒緩過鐘係冇咁顯著，但係至少我少咗好多可能出現嘅反對聲音，cut短671我仲應該慳到車。106拆線洗突咗，又可以用返喺度；或者671 cut到嘅車，又可以緩衝116減班幅度。
606：預左有人話唔應該兜耀東。不過耀東點都要搵條線補位，但係我又覺得唔應該為咗要耀東而要令606整段港島走線長多一倍。太古鰂魚涌線擺明hea做，我盡量都唔想放咁多資源落去，慳得就慳，港島段已經係cut無可cut。咁我寧願益埋耀東，反正佢哋都好難再喺RPP得益，又可以保住耀東柴小流水，又確保拆咗嘅606快線唔會快過694到東隧，保住班轉車客。 不過喺度唔講太多費事離題:lol