巴士車速限制減低
近年嘅新市鎮越起越遠，東涌，天水圍，屯門，上水，距離市區遠左，但係係政府咁「積極」改善民生既情況下，居民經常要出入市區，但係巴士車速往往令佢地有相對長嘅行車時間，例如E21A由東涌消防局去美孚大概需要45分鐘，而直接競爭嘅地鐵需要25～30分鐘就到，除左係東涌唔駛兜之外，好大程度係北大嶼山公路上，巴士既時速只有地鐵既一半，即使停車站較少，但速度仍然輸比地鐵，各種情況屢見不鮮(例如E22A，269B，270A，930。。。)其實可唔可以放寬巴士車速限制5～15km左右，嘗試由加快車速以加快巴士車程，從而吸引乘客搭？歡迎討論。 其實一般巴士速度問題唔只是停站，仲有紅綠燈，塞車/交通意外等 放寬咗，咪一樣要塞車，一樣要停紅綠燈，而且，巴士現時最高時速約55~60幾km/h，某啲車型可能更高，再放寬可能會超速（例如東廊限速70km/h） 本帖最後由 kitarolo 於 2020-8-3 03:01 編輯
我淨係知僱主(巴士公司)會揸返緊每程車
時間令車長壓力更大,巴士優勢係免多次轉車,
講快過港鐵應該得276系、龍運大部分路線。
諸如多客嘅 74X 798 968
都唔係設計出嚟同港鐵鬥快
你講嘅E21A,如果上車地點係迎東
要先乘37M去東涌站搭港鐵,定係E21A
(唔係由消防局去美孚嚟計嘅45分鐘咁耐)
都有佢嘅存在價值?
現政府點會同你搞呢啲嘢 放寬巴士車速限制5～15km左右係冇用
唔會相差好多分鐘
香港唔係好大
青馬大橋去東涌一條大直路, 夠哂長啦, 都係20 公里
你計下數可以快幾多分鐘先, 之後先叫大家討論 Neutroginger 發表於 2020-8-3 03:25
放寬巴士車速限制5～15km左右係冇用
唔會相差好多分鐘
香港唔係好大
東涌東迴旋處去到青馬收費廣場只係11分鐘, 加埋青馬大橋都係多4至5分鐘
巴士點提速都唔會無晒呢十幾分鐘
樓主你加返「建議」落標題頭兩個字啦，講到好似落實左咁！ 車速限制減低，就咁睇似係將個上限減低，由70變60咁囉 雖然話車速快都可以好安全，發生意外仲可以有好多因素，但客觀嚟講，車速快，少左反應時間，多左失控機會，impact大左令傷亡更慘重都係事實。人命傷亡嘅後果太大，就算一個民望高嘅政府，都未必敢貿然放寬車速限制，倒不如冧辦法，容許巴士喺最塞車嘅時段路段都可以有翻咁上下嘅車速 (巴士線，巴士站設計)可能仲實際。