本帖最後由 exspeed 於 2020-9-22 03:21 編輯
kay 發表於 2020-9-14 21:54
香港仔有的是人口
睇下107
疫情最勁個期，107減到三四個字一班仲大把位坐:lol
對於日日上下路交界往返黃竹坑既我黎講，
107定線相當直接，兜世貿5分鐘，兜南朗山又5分鐘，
唔塞車半個鐘之內實到，勁塞就坐多4個字啦;P
唯一要挑剔既係eta 有時勁唔準，個時間係咁跳架囉:curse:
同埋107P淨係去海逸對大半個土瓜灣都冇用，
一於紅磡道、庇利街、下路拉去啟德啦:victory:
M722 發表於 2020-9-15 17:05
建議取消671，改為171X兩繁單向對開5班車.
這個建議根本就是2014年運輸署建議的176翻版
原建議已被南區區議會否決，仲想將這建議帶上BRPP或區議會討論？
EvilKo 發表於 2020-9-15 17:55
香觀問題係左兜加兜搞到慳唔到好多時間
如果香隧唔禁紅小，相信香觀係有得做
其實博扶林沿綫去東九是否這麽少客？以前也有970轉14往土瓜灣馬頭圍甚至觀塘的。
其實671應該延長至慈雲山，讓慈雲山/富山居民提供東隧全日過海路線，去北角行車時間可能快過116
TLDR:最尾4段
老實講，觀塘貴為CBD 2.0 (雖然實際係點大家心照啦)，講緊去新界任何一個大區，甚至九龍，都會有好密嘅全日線，同埋海量上下繁線。去南區就得671一條，而且仲要靠銅鑼灣北角先撐得起。
無錯，南區係無荃灣，沙田，大西北咁多人，而且通勤需求都無咁勁。但係我唔信一個密車去銅鑼灣同灣仔嘅區，係無去觀塘嘅需求。同樣，觀塘嘅隧巴客量雖非頂尖，但都叫見得下人。所以671差到30分鐘一班，我覺得係671自身問題，搞到好多南區人/觀塘人寧願搭地鐵或者轉車，都唔搭671。
同樣，107路線都有少少問題，新蒲崗，九龍城同土瓜灣都叫做貢獻101 106 108 116嘅四成客量，其實有潛在客源去南區。不過銅鑼灣行車時間好令人忟憎 (上個禮拜六搭170，SOGO上車要9個字先入紅隧，坐到火滾)，而107兜完銅鑼灣再兜黃竹坑，香港仔人搭架38 42 72 77轉車海級嘅紅隧巴士，分分鐘可以趕得上前一班107。當然我講緊嘅係九龍灣去香港仔呢兩個終點，其實如果107客源係集中喺黃竹坑、銅鑼灣同土瓜灣，其實又無問題喎。
對比起大西北東北荃灣西九，671仲有個優勢，就係行觀塘道嘅逆向，唔洗塞龍翔道同九龍灣樽頸位，下繁當其他巴士喺西行打蛇餅，671行東行就相對比較快 (雖然我唔係幾記得好清楚，好似話工業區開源道己經塞到影響埋東行?)。有人話東隧好塞喎。第一，東隧逆向(即係朝早北行)塞極有個譜，起碼好過南區先。第二，東隧點塞，肯定都無觀塘道同九龍灣交匯處咁塞。
所以，要搞下九龍東去南區嘅巴士，如果當南區係真係一個區，好似將軍澳咁，咁就會發現，671真係有大把改善空間，就好似之前嘅40號咁。與其重組671咁大陣仗，不如開條新線?
一係由香港仔/華富經黃竹坑，特快去觀塘道同九龍灣/啟麗，然後107、671改走線 (縮短定減班就比你地討論啦，啟麗去銅鑼灣有更平嘅108，想必107喺啟麗嘅重要性會下降吧。)。用車就抽671同107，另加由地鐵通車之後慳返嘅新資源。由於當佢係外區去觀塘嘅路線，但係又未去到通勤路線咁好客，所以20分鐘一班都夠做。
一係由香港仔開，經南區嘅西面，再行中繞、東隧。咁樣起碼可以開拓全新嘅客源，因為呢條線唔單止去觀塘，仲要肩負轉車去將軍澳/成個九龍東嘅功能。
總的來說，香港仔去觀塘，唔應該貿貿然搞671，應該搞條新線，再執下107同671。
睇到呢度，我諗好多師兄就諗住話咩「運輸署有quota㗎傻仔」「巴士公司唔會肯擺新資源」「笑咗，你用南區同大西北幾十萬人口比?」，老實講，要唔做總有千千萬萬個理由。有心做嘅(例如有政治任務嘅巴士)，話之你968派架ASB，都要抽架車去做。無心做嘅，話之條路有幾咁暢通，你幾有能力開，都會千方百計阻礙。見到一個idea，唔通用千言萬語訴說唔可行，比起諗一個解決方法，會更對社會有益?
Choi 發表於 2020-9-15 13:38
乜香觀好好客咩？
荃葵東區線與觀塘南區線有相同之處(地鐵路線迂迴 港島非核心地段過海線 非港島段都是大型通勤區) 但不同之處是南區相比東區並不是大型通勤區(只有黃竹坑 利南) 做不到像荃葵東區線般有雙向客源
本帖最後由 DIH 於 2020-9-26 11:10 編輯
AV296 發表於 2020-9-25 19:43
TLDR:最尾4段
老實講，觀塘貴為CBD 2.0 (雖然實際係點大家心照啦)，講緊去新界任何一個大區，甚至九龍，都 ...
前面有人話不如拉上慈雲山，咁條新線可以係咁：
慈雲山*－觀塘道－東隧－東廊－灣繞－龍和道^－干諾道西天橋－堅尼地城－士美菲路－薄扶林道－（華富？）－香港仔
*慈雲山落山如果行斧山道，就會串連4個拜山熱點，春秋二祭會好有用。:lol
^龍和道可以做返放工客及中環海濱消閒客，只係提議一下
671對我的其中一個用途就係由鑽石山搭去黃竹坑，轉車上香港仔墳場。有時銅鑼灣食完飯想搭佢都唔得，尾車早已過。
1234567 發表於 2020-9-25 23:51
荃葵東區線與觀塘南區線有相同之處(地鐵路線迂迴 港島非核心地段過海線 非港島段都是大型通勤區) 但不同 ...
做數碼港可增加雙向通勤客
kmb71k 發表於 2020-9-14 21:06
其實可以考慮利用107P
放棄海逸豪園
紅隧後直上啟德隧道直達九龍灣及觀塘
咁不如加返個山谷道轉乘優惠, 果度大把快車去東九, 13X 14X 213X 215X 219X 224X
Toz 發表於 2020-9-26 11:34
咁不如加返個山谷道轉乘優惠, 果度大把快車去東九, 13X 14X 213X 215X 219X 224X
...
巴士公司應該唔多願意搞跨公司轉乘