271_N271 發表於 2020-10-22 14:04
我懷疑教大嘅需求高估咗，
以我所知佢哋hall位好多，仲可以一住住幾年，
兩繁74K同26咁爆都係因為學生同 ...
聽聞教大學生都唔少係去大學站轉校巴，其實由九龍經東鐵去教大，經大學站轉一站直達校巴，遠比經大埔墟站轉74K/26快，加上校巴只收$5.0，同74K相約價錢，但平過26好多。
大埔墟站人龍應該來自天水圍/元朗/上水/粉嶺，經上水搭東鐵南下的學生/教師，甚至屯門人都係用44->東鐵->74K/26。
而荃灣/青衣等等城隧地區去教大的客，因為冇車由城隧方便地去大學站駁校巴，應該大部分都係73X，甚至保鐵經紅磡，亦有可能入到沙田站再駁鐵去大學站。
始終城隧<>大學站，在沒有43P的時段，係十分不便，在有263C/263X的情況下，其實大學站的連接係好左好多。
可惜的係，看似唔多人識用43P去教大。
另外針對大學站，其實由荃灣去馬鞍山私人屋苑(40X範圍)，搭263C轉村巴絕對好過上城隧轉40X......去錦英苑都係轉87K/87S快好多。九巴又可以考慮加番263C<>289K/87S/87K轉乘，試下做多一水馬鞍山客。