S3V1742C 發表於 2021-2-4 20:14
甘你有冇成日坐過33A先
同講左好多次 我唔係住大窩口邨
同埋呢個重組係唔合理
我唔係成日坐33A 因為又疏又慢 要喺區內慢慢碌先出到去 有陣時唔想搭地鐵 都寧願行遠啲坐238X 都可以快得過33A 老實講喺大窩口邨除咗流水之外都冇乜用途 都會有人搭佢出市區嘅 但係就唔多囉 所以係我嘅角度係 基本上邊一條線都可以好過33A(撇開流水功能嚟計)
S3V1742C 發表於 2021-2-4 20:11
其實有問題果個會唔會係你
已經講左好多次 唔止我一個人講係唔work
其他版友已經係你初版既33X講過
我再講多一次，我唔係同你講緊地區需求，而係講緊現實入面有咩係做到與做唔到
有咩做到與做唔到，從來唔係睇客量同地區需求，而係睇有幾多資源同配額
咁而家係唔係因為地區需求同願望，只要我寫一個「33A 拆線，一條荔長深去到太子，一條走入彌敦道落埋佐敦，兩條都做 20 分鐘一班」既方案出來，第二年就會由天跌兩三部車同埋彌敦道配額落來，令到你心入面想見到既野可以實現？
唔係既話，你可以收聲
你地地區意見係點係一回事，但上唔到 RPP、巴士公司及/或運署唔肯做既話，你地係連舉牌支持既機會都無
先做一半，等真係無客再改，等運署同意改入彌敦道，固然係一個方法；但「先做一半」果一半都有好多可能性，點都唔會係為左之後重組，專登避開可以做到既有客位，首先搞到條線無客
971 呢招行得通，因為係運署畫出來的招標線，運署最後都要跪低；
36X 都行得通，one step at a time，因為本身都只係幫緊原來 36B 旺油佐客提速，用既資源無多過，甚至因為行車時間縮短而減少成本，無客都唔會倒蝕。
但你一開始就倒資源落去做新填地街上海街，我怕你未改到條線出彌敦道，條線已經蝕死要執笠喇
你又有無諗過，做旺佐特快，後果係扼殺左全日尖咀線既機會？我相信大部分居民寧願要佐尖一條、旺角一條，都唔會要一條做晒旺佐，然後尖咀等下世
如果貴區去何文田既需求大過去大角咀，去何文田或者都仲講得通，但又係要加多至少兩部車，你話我知車從何來。旺角循環可以照顧到現有大角咀客，反而對現有乘客影響最少
你下下話只做旺角客量唔 work，但我提到 27 213D 反例你就話人地都有 26 213X，已經從側面說明問題唔在於只做旺角，你既論點根本前後矛盾。況且我個 package 仲有大大條 237E，你咪當佢係另一條 26 213X 囉
S3V1742C 發表於 2021-2-4 22:20
你唔坐唔代表無人坐
依家33A主力做來回長深荔客
唔通來回長深荔都唔叫出市區?
冇話冇人坐 大窩口坐嘅人就唔多囉 33A咁慢 大窩口趕走咗嘅客係唔少 多數都係葵涌邨開始先多啲人上車出市區
S3V1742C 發表於 2021-2-10 19:35
收聲果個係咪應該係你
有本事你就放棄你張美國綠卡 返黎成日坐下33A先好出聲
自己縮埋個人係美國 離地脫 ...
我無興趣浪費時間回應你堆人身攻擊，亦唔打算將我喺網絡世界入面做緊既其他野搬上來呢度討論
不過你下下需求前需求後，之但係可惜現實世界入面，RPP 機制根本唔係咁做
需求只係咁多瓣入面其中一瓣。從來 RPP 入面既項目，都係巴士公司主導，運吉審批；巴士公司一定係睇自己盤數為先，然後運吉會審視改動後對道路交通、其他營運者既影響。只要踩中佢地紅線，例如無啦啦走入去有配額限制既繁忙路段，唯一結果就係有乘客需求都唔改得線，呢樣野過往發生過好多次
而家你就因為我指出你既建議無法實現，而鬧我離地唔理居民需求。咁唔知你真係走去同有關當局提你既建議，而佢地唔批准既時候，你係咪打算鬧負責排版 RPP 文件既文員離地、唔理你既需要？:lol
係咪明明運吉唔會批、九巴唔會做，你都要我指住佢地來鬧係假消息、假新聞，否定佢地唔會做既客觀事實，先係照顧到你既需要，先至係尊重你意見？
你咪而家你覺得一加一等於三，我話你知一加一等於二就係唔尊重你、唔照顧你既需要？