384047x 發表於 2021-10-28 03:00
葵康苑係通常上15-20個，不過大部份係坐37m轉車既葵盛客，所以冇競爭力唔太同意，不過你既建議足以彌補呢 ...
估唔到有人會37M轉930......MTR過海除了上環之外，都應該會贏930，尤其是930車唔係密。如果葵盛可以樓下就有930B搭，應該在非繁都每班執到5-10個，又唔駛擔心37M駁唔到930搞到倒晒落鐵。
930B的荃灣段走線各有好處，之前都講過，想做貴價流水入一入眾安街會吸引好多，而且上車位置重要過落車位置，所以荃灣上客點想盡量靠近旺區。但城巴策劃部肯放棄部分流水，兼避開沙咀道塞車的話，尚翠苑下站聯仁街都冇乜大問題。原本寶石大廈班客去聯仁街上車都近，而沙咀道的客去大河道搭930X都唔係遠，亦都唔駛食沙咀道塞車同燈陣。
930B頭站係葵盛，本身都冇服務，就唔會點趕得走。嫌930B慢都仲可以行落葵芳搭930X。930X愉城一帶，本身最旺時段都比934搶晒客，又有$2機，真係唔想行貪方便先會上930X，行葵芳唔入沙咀道燈陣唔見得大影響，反而最影響觀感的是城巴RPP建議，來回入如心...... 本身930/930X的尾站直出區都keep番直出，930X客倉係荃灣東，交比930B做。930客倉係興芳路，又交比930X做，繼續直出冇影響。但重組係可以做埋葵盛/葵涌道/光輝圍/千色店的客，對改善930/930X非繁營運狀況一定有幫助。
至於拆3條線，當屯門南的962B/962X都未拆到962P出來全日，天水圍的969/967都未可以比967唔行三湖跟265M直出，拆條天慈分支出來全日的時候，930/930B/930X一個鐘得7班車，拆3條即係要20/30/30對分班次。930剩做葵興葵芳就唔會夠客，拉上上葵又比九巴封死左，930B做葵盛/葵涌邨/大窩口直出，930X不變，變左930要開30分鐘一班，果班興芳路/新都會客乜都趕走晒落MTR了......930B又得番30分鐘一班。連去近的旺區的33A/37都難以單靠大窩口/葵涌邨/葵盛，唔搭荃灣(930B方案)/葵芳(現時930方案)做就真係冇可能會全日到。
如果城巴係想兩繁做大930B的，問題就出了在930B在葵涌邨/大窩口邨入面，係同930相反站位，變相呢啲時段930係白行葵涌邨/大窩口邨，或者係930B冇人死等，透過非繁重組成930B/930X，統一番行車方向令葵涌邨/大窩口邨可以全日同一個站位出市區，對於幫助930B繁忙時間客量，係會有幫助，亦都減少乘客混亂的可能性。
1234567 發表於 2021-11-2 13:35
其實眾安街，三坡坊在那裏？係沙咀道？
建議中的 三坡坊, 眾安街 分站，位於眾安街122號對開之影線範圍。
建議中的930B會由沙咀道西行，左轉往眾安街南行，停靠 三坡坊, 眾安街 分站後，左轉至楊屋道東行，右轉馬頭壩道，然後按930X路線往港島。
若城巴試車發現巴士未能通過，則建議930B採用 尚翠苑->聯仁街->馬頭壩道 的路線，前往香港島。
peterkwan 發表於 2021-11-2 17:15
估係沙咀道左轉入眾安街, 於小巴站附近設站, 再由眾安街左轉入楊屋道, 但唔知雙層 12/12.8米夠唔夠轉入眾 ...
對的，根據目測，係比起 軒尼詩道 左轉 菲林明道 的路口為寛闊，而且左方行人路亦有空間進行工程，改善巴士轉左的問題。
當然，若運輸署/城巴認為眾安街不適合巴士行走，930B走線可改為尚翠苑後直接左轉聯仁街，惟這樣就放棄了 葵盛/葵涌邨/大窩口邨->荃灣市中心/楊屋道街市 的$2客源。
本帖最後由 tonychow 於 2021-11-3 11:09 編輯
2076 發表於 2021-11-3 03:17
估唔到有人會37M轉930......MTR過海除了上環之外，都應該會贏930，尤其是930車唔係密。如果葵盛可以樓下 ...
愉景個站就腳唔係因為愉景客唔肯行去搭 934，而係荃景圍落山仲要再行就會遠好多了（行上加行）
至於速度，其實地鐵無大家想像中咁快
特別係荃灣綫仲要計埋出入閘，葵芳去中環都要半粒鐘，930 金鐘之前未必輸
另外講講整體意見，我比較大嘅 concern 係如心，因為西鐵 7 分鐘去到南昌，早繁計埋轉車等車 15 分鐘已經講緊去到奧運站，但巴士應該仲喺新都會
如果係我，我會揀唔兜入如心或者改一改走線，但我未諗到好嘅方案
另一個小問題：葵芳得返 20？
本帖最後由 2076 於 2021-11-3 16:11 編輯
tonychow 發表於 2021-11-3 09:00
愉景個站就腳唔係因為愉景客唔肯行去搭 934，而係荃景圍落山仲要再行就會遠好多了（行上加行）
至於速度， ...
如果荃景圍客係緊張車程，其實一定係39M轉MTR出港島最快。愉城上930X的優勢在於總站，可以就時間，而且一程過。
地鐵係快，不過愉城唔近鐵，沙咀道/荃灣東更加唔近鐵，葵涌邨/大窩口邨都要行少少，所以我唯一放棄的係葵興站，一來葵興站唔近公路出入口，二來地鐵優勢太大。愉城本身有934爭左最旺時段，兼且有$2機，行去荃灣站搭荃灣線又有總站優勢，值搏率唔算太高，相反葵盛/新區/荃灣東南完全唔近鐵，930B係有得同鐵鬥。
至於930，葵芳客佔比都幾高，主要係葵廣/新都會個站夠靚，而且去中上環都唔會輸比紅綫，最重要的一點，係930觀感極好，一上車就上公路直飛港島，就算去到金鐘都只係快到MTR 5分鐘以內，都大把客會等930。
如心方面，本身930X由如心起計，去到龍德街都要12分鐘，就算用930X走線，都完全冇優勢...... 慢多5分鐘，用17分鐘去到新都會的話，要搭的都係會搭，尤其是轉車入南區/西區的客，加上西鐵綫/東涌綫本身唔係密車，南昌站又叫做唔係對面轉車，如果係去金鐘/上環，唔想轉2次車兼行香港站去中環站的客都係會揀返930X，所以時間唔係最重要，反而班次會比較重要，一開app見到下班15分鐘後，都一定會倒落去荃灣西站，而且如心個站位，其實係做荃新天地果邊多過真係做西站的海之戀。城巴本身諗住入如心插旗，所以先至建議入埋如心。實際上，930X停如心的作用甚微，倒不如飛走如心爭多少少愉城客好過。不過城巴唔會咁樣諗，要入如心阻止936落如心插旗......如果想如心快多少少，如心->大河道->大河道天橋->荃錦交匯處->德士古道->國瑞路->青山公路，呢個行法會快多1-2分鐘，只不過感覺上兜路，加上里數上升，未必係有著數。
最後，關於班次的問題，由於現時930X係開緊20分鐘一班，930就大部分時間開緊15分鐘一班。重組後的930B基本上係住宅區居多，所以建議早上往港島開15，晚間往葵盛開15，其餘20。而930X主要係做工商業區，葵芳客在日間時間都有唔少，所以在930B開15的時段，930X開20，但930B開20的時段，930X就會開15，換言之，930X開15的時段會係1200-1700日間雙向，加上繁忙時間。而930X亦都係入到銅鑼灣，對葵芳來說未必蝕晒。
本帖最後由 tonychow 於 2021-11-4 10:44 編輯
2076 發表於 2021-11-3 16:09
如果荃景圍客係緊張車程，其實一定係39M轉MTR出港島最快。愉城上930X的優勢在於總站，可以就時間，而且一 ...
用一個數據，非繁 934 用半個鐘可以由灣仔跑到落荃景圍天橋
930X 就要睇你走線，但經沙咀道嘅話都有機會做到 45 分鐘內，荃景圍山下唔會慢得過鐵轉 39M，仲未考慮有位坐
至於如心，我其實無太大 concern，只係好似唔兜入去好過兜咁，因為 citywalk 會去咗大河道搭車、如心以東會去馬頭壩道搭
如果只係插旗，會唔會逆走好少少，即係如心 - 愉景 - 青公 - 葵芳咁行，因為如心一出一入會食好多枝燈；不過我無強烈 preference
啱啱諗到另一個小問題：皇后街會塞唔落兩條線？
andy92 發表於 2021-10-27 13:43
葵俊苑、光輝圍有 935
要加站九巴應該會反對
講重疊仲有 934A 千色店
根本兩巴鬥鑽空子仲有邊度未有車就塞落去架啦
天空之神 發表於 2021-11-4 12:44
講重疊仲有 934A 千色店
根本兩巴鬥鑽空子仲有邊度未有車就塞落去架啦
青公轉入荃灣街市街
停德華公園都無話唔得既 :lol
tonychow 發表於 2021-11-4 10:32
用一個數據，非繁 934 用半個鐘可以由灣仔跑到落荃景圍天橋
930X 就要睇你走線，但經沙咀道嘅話都有機會做 ...
如心>愉城>青公的行法，會停唔到大河道，亦都停唔到滿樂......同埋如心就真係唔會賣帳，我自己諗走線時都有諗過呢個行法，不過最後都係揀擺愉城。最理想就緊係叫班客去滿樂/大河道上車算數。
皇后街問題都係要借題發揮去話要補償受影響乘客去逼TD放行，TD唔放咁其實都冇辦法，只好分時段停，16:00後由930B停，16:00前由930X停。因為下繁至晚間西荃都叫做密車少少，葵芳仲算係有替代。最壞打算係唔重組......
本帖最後由 2076 於 2021-11-4 17:04 編輯
andy92 發表於 2021-11-4 14:07
青公轉入荃灣街市街
停德華公園都無話唔得既
停 德華公園, 荃灣街市街;P
其實兩巴咁樣鬥法，遲早條條街都有過海車:lol
930X停唔到葵俊苑仲可以入大連排道......
建議930咁樣重組成930B/930X，都係想盡早插埋旗去青山公路，咁樣就可以封埋934A全日去葵涌道搶客的可能性。
最後應該成個荃葵青就只係得汀九冇過海車。
換言之，如果城巴真係想完全避開九巴啲旗，
930X 停站會變成
1. 愉景新城
2. 滿樂大廈, 沙咀道
3. 如心廣場
4. 大河道
5. 眾安街, 青山公路
6. 國瑞路公園, 青山公路
7. 昌榮路迴旋處, 青山公路
8. 九龍貿易中心, 大連排道
9. 葵芳邨葵信樓, 興芳路
10. 新都會廣場, 興芳路
----------------------------------------
15. 葵涌廣場, 葵富路
16. 智芳街, 興芳路
17. 林士德體育館, 興芳路
18. 耀榮里, 青山公路
19. 健全街, 青山公路
20. 大窩口站, 青山公路
21. 德華公園, 荃灣街市街
22. 大河道
23. 如心廣場
24. 愉景新城