KE7066 發表於 2022-2-20 21:11
6 三條走線得 0655 中環果班係尷尷尬尬，其他基本上睇時段就知係咩走線，有幾難？
...
對唔熟識巴士路線運作嘅乘客來講都幾難吓
睇落好似係兜唔兜馬坑及舂磡角o既問題
66改回全日(同6號梅花間),重開262 是否可以簡化6系的複雜性?
流星☆雨 發表於 2022-2-20 20:25
單純改號碼冇咩用，乘客一樣要記唔同時間搭唔同號碼/邊幾個號碼搭得唔搭得
重點係赤柱區巴士路線網絡點樣化 ...
赤柱區死結來的，馬坑又要隧道車又要爬山車，即係要2條線，隧道車果邊，又要大道東又要告士打道，即係又要2條線。
如果想6號全時段相同走線，其實就係要全日經馬坑同舂磡角，但又有赤柱村道要服務，可以點做?
我就剩係諗到擺大潭道近輝白閣的咪錶位，經赤柱村道、赤柱村總站、馬坑、舂磡角，叫做順路啲。
赤柱峽道就交晒比260算數，反正夜晚本身都係冇6號，監獄去黃泥涌峽有63或者點都係赤柱村轉車的。
如果6號咁樣改，即係推赤柱村道客上260，6X又會同6號大部分重疊，善水實會cut班，最後又upgrade又減班，應該幾啱善水心水。
天空之神 發表於 2022-2-20 11:46
但改左 952 即係將來會有更多分支
人口多左，多翻分支好正常，甚至可以拆翻多啲灣銅特快，南區柴小分支都仲得。但起碼一個新搬入掃管笏嘅人，改左冧把之後只需要識分 952系嘅幾條線，唔需要比其他 962系嘅分支搞到亂哂，就算上錯車都容易啲搵路翻屋企。
情況有少少好似 373A變 978嗰陣，如果繼續叫 373系，咁之後啲 978A B P 673 673P都歸落 373系都係亂，咁倒不如按東西隧拆翻開。
6系個問題唔係太多冧把，而係同一個冧把太多 variation，問心我自己睇住時間表都覺得一舊雲。當然，如果推得成淺水灣轉車站就簡單，不過到時仲有冇人肯搭佢都成問題。
本帖最後由 2076 於 2022-2-20 23:33 編輯
JH_LE4612 發表於 2022-2-20 23:12
人口多左，多翻分支好正常，甚至可以拆翻多啲灣銅特快，南區柴小分支都仲得。但起碼一個新搬入掃管笏嘅人 ...
ching 搬左入掃管笏，宜家的掃管笏已經方便過以前，至少以前 K53 又得大兩味，又冇 252，所以作為前居民的我，都搬返左出青公。
人口多左，其實當年 962 重組時，拎過出來話 「預計需要額外增加約 10 部巴士，由於現時 962 系列路線於非繁忙時間的平均載客量只約為 40%，仍未達至加車的標準，故此方案不能在短期內實行」 的 方案 4，又係時候拎返出來?
似乎 962B / 962S 改名做 952 / 952P，係為左提供好似將南的 796X / 796P 服務，952P 大兩味時段開車，952 就在有 952P 的時段繞經掃管笏，兩條線聯合班次。只係唔知掃管笏覺得兜埋深井接唔接受到，當然，繁時去程有 952P ，回程有 962，叫做有快車服務。當年未有 252 的時候，如果有全日車直出港島，就算經深井都好開心了，而家我相信 952 入掃管笏的話，我在港島回家都會死等 952，252 都唔係真係咁密。
至於 6 號的問題，其實主要都係 3 種走線，分時段行，睇當年張豬紙會易明過睇 APP / 網站。當年設計的果款 6 號豬紙，其實係點明左 6 號日間就係繞經馬坑調頭，宜家果款豬紙完全 show 唔到呢個易明的事實。
本帖最後由 marcolam205 於 2022-2-21 02:55 編輯
其實真係唔使諗咁覆雜
66收檔，6M走線全日化，旭逸居乘客請搭260/加14 BBI解決
260又多咗獨市位，赤柱起步特快效果又明顯咗，6仔亦唔使兜晒咁多地方 加快回車
旭逸居嗰邊嘅人口真係少到不值一提，啲車畀返主要客倉馬坑好過，至於馬坑個個分段收費就真係唔特別需要，個8毫子講真住得赤柱，小巴錢都唔平，邊會介意，當留返俾善水舒緩財困:lol
如果唔係小巴阻住晒，根本73就唔應該行嗰邊添
同埋善水當務之急要做嘅，就係執返好個聯合班次出嚟，唔止赤柱，好多線都要
而家經常兩條甚至三條一齊開車，然後又隔四個字又嚟過
大家互相搶客之餘，送尾嘅人亦都唔會再等而選擇小巴見
LauCT 發表於 2022-2-20 21:19
對唔熟識巴士路線運作嘅乘客來講都幾難吓
對於唔熟識巴士路線的乘客來講
你整埋晒 6A 6B 6C 6D 6E 代表唔同行法對佢地來講仲亂
一行埋個站要見到咁多條線咪又係要走去望張豬紙
一係咪又係是但見架車駛埋嚟
Yap 手問司機呢架經唔經邊度
結果咪又係一樣
最尾咪只係俾路線號碼人開心囉，咁多條數碼
行特別班次, 車頭攝張大紙已經好夠
咁我覺得淺水灣轉車站好啲喎
6仔繼續行峽道/村道
6X繼續馬坑/舂坎角
66取消；由6/6X喺淺水灣互轉取代
YY487 發表於 2022-2-21 10:29
赤柱有公屋㗎，你以為得富豪住？
0.8分段就算把啦