qunow 發表於 2022-2-25 17:16
更正：跑道區後，經九龍城碼頭一帶、土瓜灣站、何文田北、旺角中(橫跨旺角站及旺角東)、大角咀北、南昌 ...
好奇點解板友你會建議行土瓜灣、真.何文田
另外大角咀北大約會係邊個位置?
流星☆雨 發表於 2022-2-25 18:19
好奇點解板友你會建議行土瓜灣、真.何文田
另外大角咀北大約會係邊個位置?
...
九龍城碼頭附近有重新發展空間
何文田嗰邊覆蓋人口點都多過九龍醫院嗰邊
中間經土瓜灣站比較順路，亦都唔駛受到宋皇臺站地底文物影響。
大角咀北大概喺港灣豪庭以南，配合舊區重建
全線大概咁樣
本帖最後由 流星☆雨 於 2022-2-26 06:19 編輯
qunow 發表於 2022-2-25 20:20
全線大概咁樣
睇到呢張圖之後我比較擔心站會唔會太多/太密
太多站會影響車程
土瓜灣去到九碼站距似乎太短，我會傾向將個站擺近九龍城道少少，爭取起隧道連接馬鐵土瓜灣站
至於宋皇臺定係土瓜灣更適合做轉乘站，的確五五波
另外勵業街附近個站都有必要保留，連接牛頭角站行人隧道，
呢個站同觀碼站可以提升商廈價值、帶動周邊工廈重建做商場，並且紓緩觀塘道交通問題
流星☆雨 發表於 2022-2-26 05:37
睇到呢張圖之後我比較擔心站會唔會太多/太密
太多站會影響車程
除咗觀碼-九商之外，其他路段站距都係約1km。
車站數目以及路線距離都略少於屯馬-觀塘，或者觀塘線直達，所以速度會快過現有鐵路線少少，但唔多。
因為條線其實算好似馬鐵咁嘅社區鐵路，用六卡車，需求量唔算高，特別係觀商同九商而家就算起晒商廈，非繁都係連巴士線都冇咩客，東面客源主要靠茶果嶺、同埋唔算高密度嘅啓德住宅區。觀塘山同埋將軍澳線嘅客經油塘站駁落呢條線出旺角同埋去南昌駁入新界嘅客可能仲多，但亦都唔見得夠客支持做快線。或者可能可以考慮非繁一半班次做特快，油塘-土瓜灣東(見下文)-何文田北-旺角-大角咀-南昌。
-------
牛頭角站對出整車站問題係一嚟嗰度少地，發展空間好似仲少過九龍城碼頭附近，二嚟已經有牛頭角站，而且沿線要轉車嘅話，喺油塘站轉觀塘線同埋喺宋皇臺/土瓜灣站轉屯馬線應該已經夠。
九碼站同土瓜灣站二合一都有得諗，車站位置大概可以放喺土瓜灣遊樂場南少少嘅位，亦都更加多舊工廈可以重建，末端同土瓜灣站距離200米左右，可以用轉乘通道駁過去。
另外轉紅綠線嘅站一定係放喺旺角站東北方向打橫，方便西面出口可以轉紅線綠線之餘，東面出口可以到到旺角東站轉東鐵。
本帖最後由 jpoon 於 2022-3-3 02:32 編輯
意念同我諗嘅差唔多
只係唔係太想佢去土瓜灣，一來已經有屯馬，二來走綫要下穿中九龍幹線同屯馬綫，本身土瓜灣站車站大堂已經大約係地庫二層，烏溪沙方向再落多三層，咁究竟條新綫要起到幾深呢？造價可能會好高
所以覺得行北綫，跟太子道西或亞皆老街簡單啲，甚至大膽少少，大執埋屯馬綫，用晒兩個站做轉車
jpoon 發表於 2022-3-3 02:29
意念同我諗嘅差唔多
只係唔係太想佢去土瓜灣，一來已經有屯馬，二來走綫要下穿中九龍幹線同屯馬綫，本身土 ...
有南昌+宋皇臺應該已經好夠轉啡綫
本帖最後由 jpoon 於 2022-3-3 02:57 編輯
流星☆雨 發表於 2022-3-3 02:51
有南昌+宋皇臺應該已經好夠轉啡綫
其實CBD2.0咁多客，整多個站幫手分流啫
同埋啟德一帶夠位可以起，話晒屯馬上面係鐵路預留區域，而家係公園，做到旺角-太子咁可以方便乘客轉車
當然，慳錢嘅可以將個站放宋皇臺同啟德之間，做兩站轉乘都得
本帖最後由 流星☆雨 於 2022-3-3 03:07 編輯
另外，觀碼/勵業街兩站又唔係唔可以二合為一，
但前提係
1. 二合一後，新站要設於悅品海景酒店對出
2. 跑道橋站東移至(新)九龍灣驗車中心 (已遷入青衣茜草灣)
jpoon 發表於 2022-3-3 02:56
其實CBD2.0咁多客，整多個站幫手分流啫
同埋啟德一帶夠位可以起，話晒屯馬上面係鐵路預留區域，而家係公 ...
條綫好大機會要由沐泰街以西入啟德宋皇臺，特別係如果要停跑道橋
所以屈返去啟德有困難，最盡應該係盡可能靠東面設站
真係分流，我會寧願起勵業街站同時順便起隧道連
返牛頭角站現行網絡，方便海濱商廈去牛頭角站搭觀塘綫
流星☆雨 發表於 2022-3-3 03:04
另外，觀碼/勵業街兩站又唔係唔可以二合為一，
但前提係
1. 二合一後，新站要設於悅品海景酒店對出
牛頭角站無論車站大堂同月台都太細同窄，唔適合做轉車站