本帖最後由 nwfb1601 於 2022-3-12 21:39 編輯
ATSE40 發表於 2022-3-11 13:31
同路車一齊開，真係唔好話有心做
好老實，當睇到連愉景灣都玩到咁嘅時候，我已經對香港嘅巴士完全無希望。 https://i.imgur.com/7hhmVg4.gif
https://i.imgur.com/h0X2AHr.jpg
同埋唔好賴咩疫情呀、時間表執過呀，呢對孖寶早係 T4 / T9 年代已經成日咁玩㗎
喇，仲要係收到 20 - 25 分鐘一班再整部頂閘嘅短 MAN 俾你咁黐線呀...... https://i.imgur.com/MKnkNoD.gif
成功嘅聯合班次唔係無，但出現喺新界居多，兩三甚至四條線一齊編又考編更功力
求求其其嘅咪是旦開車，結果好多時前車多人上落就前放後追
而家度度玩跳飛機，淨係畀嘅車時都隨時班班唔同
就算總站開聯合到，前車車時多，後車車時少
前車出到去等多幾個客停多幾支燈後車都追到上黎
290/A之後都無邊條線係講明係開聯合班次
932gz6061 發表於 2022-3-12 10:44
專一淨係有629已經加唔到價
如果十年前城巴話加10% for"未雨綢繆"，唔難見到一d評論會講咩"629賺到豬頭 ...
同意
有629嗰個年代，新城仲係賺突要回水，加定價先未雨綢繆絕對唔可能
但當年不屑做市區客，諗住谷客搭貴車，但偷雞唔到蝕渣米，趕客搭地鐵無回弓頭，然後而家嗌蝕錢，就係佢哋自己種下萬劫不復嘅惡果，與人無尤
事後孔明話咩無合理利潤，但自己趕客走但客唔肯上貴車，就好似巴士公司自己無責任咁
不論港島，九龍，荃葵，沙田，有唔少線本來客量唔係咁差，蝕得去邊丫，甚至有錢賺，只係嫌賺唔夠多
但多次cut班趕客，大線都變廢線，唔蝕都變蝕啦
閹啲平車焗人上貴車，喺某啲地區係得嘅，但有啲地方連架貴車都唔存在
好似九巴1號咁，本身客量唔差，十幾年前聽講仲幾好賺，只係嫌唔夠1A貴，服務愈來愈差
有半條線可以搭1A無錯，但仲有半條無1A搭，咪去咗搭地鐵
結果而家黃大仙上竹園座lift塔，下繁放工就排大隊，以前邊會係咁
呢啲就係巴士公司不屑做嘅生意，而家成條1號車摺埋，直接寫明叫你搭MTR都面不改容
呢班而家被指示搭鐵嘅客，相信之後都唔會點返嚟
cut班嗰下慳番部份成本係好爽，但長遠有如飲鴆止渴，連本身主場基本盤都斷送，喺個別地區收入tends to清零
九巴版圖夠大，個別獨市區趕客搭鐵，零收入都毫不在乎
但新城喺港島趕客，趕到無咗慣性收視，平時有堆金牛線就無所謂，而家就惡果到
原本啲金牛A/B線無咗都不特止，但連港島本地客都無乜剩，成為月蝕唔知幾多千萬嘅最後一根稻草
如果之前十年八年唔係趕咁多港島客走，保留番啲慣性收視收入，點會月蝕幾千萬咁誇張吖
HV7025 發表於 2022-3-12 18:59
同意
有629嗰個年代，新城仲係賺突要回水，加定價先未雨綢繆絕對唔可能
但當年不屑做市區客，諗住谷客搭 ...
68A賺大錢都可以做到咁嘅死樣，就知香港做巴士班中高層思想有幾咁積極
不過巴士服務受政策影響好大，又唔好淨係話巴士，香港公交搞到成班中產明知貴都情願供多架車，源頭喺邊都唔駛畫出腸啦:lol
本帖最後由 dennis28a 於 2022-3-12 19:42 編輯
HV7025 發表於 2022-3-12 18:59
同意
有629嗰個年代，新城仲係賺突要回水，加定價先未雨綢繆絕對唔可能
但當年不屑做市區客，諗住谷客搭 ...
1 仔單 Case 其實有無諗過時代唔同左？
十幾年前邊度興九龍灣、觀塘、長沙灣返寫字樓工。
十幾年係尖沙咀、佐敦既寫字樓，好多都因為貴租搬走左。
1 仔再加上面對緊係成個九龍城、東頭邨重建完班客唔同晒，條線要沒落好正常。
港島北岸流水其實一樣出現緊問題，唔少公司搬離中上環灣仔。
但礙於佢唔識做太古坊生意，北岸班人仲唔落去搭鐵？仲未計唔少公司搬過海，新城想做都做唔到（除左 608 系）。
18X 轉營果一刻已經太遲。
Ricky403 發表於 2022-3-12 19:21
68A賺大錢都可以做到咁嘅死樣，就知香港做巴士班中高層思想有幾咁積極
不過巴士服務受政策影響好大，又唔 ...
其實仲有個問題係
巴士公司開新服務
好多時都要籌車
以前運吉把關比較緊
手上無多餘既車開唔到新線
巴士公司為左籌車開線加班
咪要揾線減班
線多左車又唔多左好多
咪自己內部左調右調
個時40P全日
差d都要話成個上葵減班籌車
最後唔知點樣揾車返黎
當年北區大重組直頭綑綁
LN9267 發表於 2022-3-12 10:46
他們想闖入九龍新界，但很可惜九巴的市場非常大，很容易夾擊他們。
20A VS 1A，皇后山被78A打，將來54區 ...
其實唔係九巴 78A 打城巴，而係而家皇后山邨主要都係啲裝修佬入去開工，都未有人住，78X 679 979 呢啲專畀居民嘅線啱啱好逆向，開車時間根本做唔到班客，只係靠軍地、孔嶺同馬尾下返放工客頂住。79X 其實假日客量唔差架，第五波疫情前可以坐滿，可惜平日非繁又係靠鄉郊居民頂住。
九巴都幾好彩可以靠 78K 開到 78A，就算係而家第五波疫情，開密車都仲可以坐滿。
（但係而家沙頭角公路同坪輋路等車等到頸都長⋯⋯ 78K 79K 開 30 - 40 分鐘一班，小巴又收到 10 - 20 分鐘一班搞到全部都滿座，焗等 78K 79K，反而城巴 79X 仲可以跟返時間表開）
ATSE40 發表於 2022-3-11 13:31
同路車一齊開，真係唔好話有心做
尖沙咀碼頭往彌敦道旺角方向，1A與234x望落都做到15分鐘聯合班次，都算係咁。
但經尖東／紅磡往九龍東方向嗰幾條線就真係0/5/20分鐘以上，情況比較差
cz9328 發表於 2022-3-12 20:20
尖沙咀碼頭往彌敦道旺角方向，1A與234x望落都做到15分鐘聯合班次，都算係咁。
但經尖東／紅磡往九龍東方 ...
問題係而家九巴停咗咁多線都未有特別全線大規模執過師傅表，有部分路線依然係靠站長執生
結果咁啱缺人收車嘅字軌喺正中間，款待處又無直接編過個車長全日調走另一個字軌（站長唔夠班咁玩），咪搞到兩三條線一齊開
1A同234X都係咁啱，好彩地互相卡喺中間，但出到彌敦道夾35A，甚至238X，又未必好夾到啦