既然有人認為啟德區會“有好大需求”，又即管睇下有幾大。
據政府網頁，啟德預計人口9萬，工作人數8萬*。
啟德人口大部分都圍繞兩個重鐵站發展。去舊區係步行距離。
而呢兩個重鐵站去舊路，尤其是向東行經太子道東，會方便過落六幹。
都仲有兩條專屬入口入中九龍幹線。
（雖然跑道入口果條，都吸到九龍灣近兒童醫院嘅交通）。
天水圍人口280000人，重鐵站側埋一邊。
大路對外接駁，得洪天路同朗天路兩條共4線（單向計）。
都未聽過頂唔順。
北區逾300000人口，未有香園圍公路前，
由白石凹掃到落和合石得4南2西共6個公路入口。
就算而家大頭嶺同掃管埔飽和，都講緊係食佐幾乎全港各區經北區嘅跨境交通，先至會咁。
剩係呢堆數，啟德對外接駁嘅基建已經好充裕。
如果咁都叫唔夠，要有幾大貪，吹到幾大先至得？
註：工作人口同住戶嘅通勤方向基本上係相反。 icecone 發表於 2022-4-30 05:11
又係行舊路既問題
去康城計多4個路口同約長1.5公里
當然唔係接受唔到，但起得條新路緊係想物盡其用，邊有 ...
- 想要同需要係兩回事，呢點我諗今日唔係幼稚園最遲小學都會教。
- 當然起佐嘅基建要物盡其用。新路用唔盡固然唔好。
當行舊路嘅車分佐去行新路，舊路唔夠物盡其用時，咁又係咪好事？
- 你自己都要挖到唔知幾多人受惠嘅啟德-康城，先至叫做有D用。
咁你想起果條支路可以有幾物盡其用，相信你自己都有答案。
- 樓上都講佐車行邊條路，要考慮好多因素。長D順暢D，定短D塞D/捱燈陣都有辣有唔辣。
條路新唔新幾時會係考慮之列？
- 都係果句，每樣基建固然有其好處，但係咪唔駛考慮壞處？ icecone 發表於 2022-4-30 13:11
又係行舊路既問題
去康城計多4個路口同約長1.5公里
當然唔係接受唔到，但起得條新路緊係想物盡其用，邊有 ...
係咖，用啟福道去比都睇唔到新舊之比，如果用馬鞍山、大埔去比呢？要行新路只能夠經青沙，油麻地交匯處入中九龍幹綫，兜大圈之餘，馬鞍山去青沙仲要用返沙田區內道路
而將藍設計亦無預畀坑口、寶琳嘅人用，呢邊去將藍要響寶邑路食十字路燈，更加唔駛講將藍、T2得兩條行車綫，未來仲有佛堂澳一邊發展，睇下到時應唔應付到了
本帖最後由 Toz 於 2022-5-2 09:41 編輯
T2 連接啟德既出入口可以之後再加建， 但就會同中九龍幹線連接跑道區既出入口打交
T2 由海底上岸再入地底，中間露天路段並唔長，要再加建出入口，成本效益唔一定比加強其他道路連接好，比如話改善茶果嶺道，連接觀塘碼頭同跑道尾
啟德道路規劃多多少少都有為鐵路讓路既感覺， 宜家已經不合時宜，要全盤再考慮
Toz 發表於 2022-5-2 09:32
T2 連接啟德既出入口可以之後再加建， 但就會同中九龍幹線連接跑道區既出入口打交
T2 由海底上岸再入地底 ...
我一路都講緊規劃時無諗過加出入口
同埋T2同將藍得雙綫，其實未必夠用
s3n370 發表於 2022-4-30 20:05
- 想要同需要係兩回事，呢點我諗今日唔係幼稚園最遲小學都會教。
- 當然起佐嘅基建要物盡其用。新路用唔 ...
==>當行舊路嘅車分佐去行新路，舊路唔夠物盡其用時，咁又係咪好事？
至少係將軍澳呢個case我唔覺得會發生
基本上寶坑都一定行返舊路快
尚德調景嶺除咗行東隧都係行舊路快
真正行新路快只有康城同少量將南，
而家連康城都有大量車要行返舊路(按你建議)，明顯地分流去新路既車唔夠多，有機會舊路照塞
當然，就算只係分流咗10-20%既車都會有交通都有明顯改善既，但至少"舊路唔夠物盡其用"我唔見得會發生
日
本帖最後由 s3n370 於 2022-5-6 09:29 編輯，icecone 發表於 2022-5-6 05:37
==>當行舊路嘅車分佐去行新路，舊路唔夠物盡其用時，咁又係咪好事？
至少係將軍澳呢個case我唔覺得會發 ...
我嘅原則係新舊路都要物盡其用。
雖然响理論上，將隧同將藍都可以直駁幹線公路。
但你太睇少駕駛者行新路嘅決心。
新路太過方便，好易打爆新路。
好似三幹入紅隧嘅實例咁，無論你响邊出發都好，
經舊路入紅隧經過又要停嘅路口，一定少過經三仔，
小弟個人實測，舊路實際上有八九成快D添。
（所以小弟行得三仔過海，一定直接飛西。
見紅隧OK就一定走舊路，最多去到海富苑，
再視乎情況決定轉唔轉軚）
咁點解咁多人情願跑完三仔，再瓹窿瓹罅入紅隧，都唔行唔駛點停嘅舊路？
甚至回程塞完紅隧+理工死亡交叉呢個combo，
都要响駿發落橋，停多兩盞燈落連翔道，
而唔係直去基本上無乜鑊氣嘅西九龍走廊？
（註：係中九龍幹線工程，封佐果欄去連翔道條橋後，先至少佐車咁做）
又，八幹嘅出入口夠唔方便，
附近又有城隧同大埔道舊路分流，
用量早已同大老山隧道睇齊。
返去將軍澳，雖然理論上將隧同將藍都直駁幹線公路，
但將隧極易受觀塘交通影響。
入東隧更加要停燈。
可以預期全將軍澳往返東隧，甚至可以改行六幹嘅，
幾乎會用哂將藍。
原因係今日將南燈陣幾惡啃都好，
前路一定通（除佐上將隧），唔駛經老母區買大細。
更何況將藍一通，一定會改過將軍澳嘅燈號，等D車快D入將藍？
正如中環及灣仔繞道通車後，中區交通燈都執過一樣。