[凱婷很壞系列] 巴士配額限制之迷
相信一講到巴士配額，大家耳熟能詳嘅就一定係怡和街。據悉，近一兩年來，某海庭道政府部門不斷將「巴士配額」或「繁忙路段」範圍擴大，擴展至不同區域及路段，包括觀塘道，大老山隧道，大欖隧道等等，並以此作為理由拒絕巴士公司部份加密班次/開辦新線的申請，指令巴士公司如需要加強某路線服務的時候，大多需要以「一換一」的方法處理。消息指，受影響路線眾多，其中傳出的包括68X 268X 等等。
但有關政策可說是本末倒置，沒有釐清道路擠塞的原因。巴士作為路面承載力最高的交通工具，若果貿然限制巴士的服務水平，只會令巴士更為擠迫，降低乘客的乘車體驗，導致更多乘客改為添置私家車自駕出行，加劇交通擠塞，做成惡性循環。
當然，這不等於要無限提升巴士服務水平，但最低限度有關配額應該以不同因素掛勾，例如是該區的工作人口，居住人口等等，定時作出調整，並非跟現在一樣，一成不變，完全將這班TO 工作態度死板的表現表露無遺。
另外，部份路段亦可以依靠重組站位，改道等等方法處理，完成後再同時增加該路段的巴士總配額。以怡和街西行為例子，的確部份時段巴士埋站會造成阻塞，但其實有很多解決方法，包括將部份巴士路線改行渣甸街，並且將部份巴士路線的站位由怡和街遷至希慎廣場，平衡兩個巴士站的埋站巴士數目，(尤其是近年停靠希慎廣場巴士站的班次數目顯著減少)，減少巴士埋站所需要的時間，但有關方面卻未作出相關研究。
適度提高巴士服務水平，例如是增加長途路線班次，才能夠有助舒緩交通擠塞，但某部門卻反其道而行，不限制私家車數目增長，卻反為限制巴士班次數目增長，帶頭製造更多碳排放，擾亂交通生態和秩序，跟推廣和鼓勵市民使用公共交通工具的政策自相矛盾，實為可恥。
咁都係交功課姐
條路越黎越塞
有咩車款可以控制到流量
但好似銅鑼灣計
渣甸街不了只係岩小巴行
怡和街塞的確因為多左西隧線
但希慎無咁多位比你再攝多幾條大野落去 本帖最後由 ATE7025 於 2022-5-8 09:11 編輯
kay 發表於 2022-5-8 08:42
咁都係交功課姐
條路越黎越塞
有咩車款可以控制到流量
要交功課嘅話點解唔係首先限制私家車車流量/全面實行ERP？
世界上冇一個大城市會走去限制巴士車流量嚟舒緩交通擠塞咁弱智
希慎廣場近年計已經少咗好多巴士埋站，至少相比起怡和街個流量係細一截，絕對有空間搵一條好似116 呢啲咁嘅大綫搬過去希慎E11個位，平衡返兩邊流量，搬走一條116 已經幫輕到好多
怡和街個站郁啲就隊到出去伊榮街，但近一兩年真係冇見過希慎廣場個站嘅巴士會塞住後面啲車
ATE7025 發表於 2022-5-8 09:06
要交功課嘅話點解唔係首先限制私家車車流量/全面實行ERP？
世界上冇一個大城市會走去限制巴士車流量嚟舒 ...
本署會因應個別地區的社區發展，尤其是因應新界地區人口增長，考慮開辦新巴士服務。新增巴士路線及班次，尤其是往來新界與市區的巴士服務，或會無可避免地增加市區繁忙路段的車流。本署在考慮開辦新巴士服務時，會盡量避免行走市區繁忙地點的繁忙路段，以及盡量減少其他巴士路線途經該些路段的巴士架次。巴士作爲集體運輸工具，較其他路面交通工具如私家車更能夠有效地使用繁忙路段。整體而言，更多乘客使用巴士服務，對改善繁忙路段的交通擠塞情況會有所幫助。
一直以來，本署與專營巴士公司會在適當和可行的地點引入巴士轉乘計劃，讓乘客可享用優惠的轉乘票價前往更多目的地。這些轉乘計劃可減少開設長途巴士服務和直接點到點巴士服務的需要，從而更妥善地使用有限的路面空間和巴士資源、提高整體巴士網絡的效率，以及紓緩因巴士服務重叠而引起的交通擠塞和環境問題。
佢近年原則咁寫
當然呢D野無得深究
遊戲點玩無人知詳細
kay 發表於 2022-5-8 08:42
咁都係交功課姐
條路越黎越塞
有咩車款可以控制到流量
所以咪本末倒置囉，運吉其實係有權控制所有車款架，只不過減巴士唔使咨詢咁多人，啲反對聲音遠啲咪當聽唔到 (隨時大聲過啲私家車主添，聽唔到咪算，有咩咪賴巴士公司冇資源加班)。
試冧下如果洪水橋keep住發展，然後 268X同埋一堆洪水橋線，假設因為彌敦道冇 quota而冇得加班，fine咁咪格硬行上海街解決囉。但係如果話欖隧屯公都有 quota唔加得班嘅，咁應該調啲巴士行荃錦定塞皇珠路出城？運吉需要冧清楚，佢交緊功課比咩人，佢今日得過且過，但今時今日畫啲新區新線已經左避右避，將來新區啲人唔肯出城，運吉點同規劃處嗰啲人交代？點同政府啲大老細交代？ ATE7025 發表於 2022-5-8 09:06
要交功課嘅話點解唔係首先限制私家車車流量/全面實行ERP？
世界上冇一個大城市會走去限制巴士車流量嚟舒 ...
政府敢得罪「既得利益者」咩？
敢就做咗十世啦
JH_LE4612 發表於 2022-5-8 09:46
所以咪本末倒置囉，運吉其實係有權控制所有車款架，只不過減巴士唔使咨詢咁多人，啲反對聲音遠啲咪當聽唔 ...
唔系限制巴士唔使資咨詢咁多人，而系限制私家車會得罪班財主佬。限制私家車，提升公共交通服務質素吸引揸私家車嘅人搭公共交通先系正路。但運輸處就算肯做都只會一味保鐵
咁巴士始終係鐵路嘅下位替代
政府本身持股港鐵唔持股巴士，成件事已經好可圈可點
不過觀塘道所謂配額好似無咁死
行咗一輪之後，又有返98新線同234D加班
14、15、16都係之後先減班
彌敦道巴士就真係多
幾年前嘅調查入面巴士佔咗一半以上
落配額唔係唔可以，但同意樓主所講值得動態調整
用碳排放量instead of巴士數目去計合理好多 JH_LE4612 發表於 2022-5-8 09:46
所以咪本末倒置囉，運吉其實係有權控制所有車款架，只不過減巴士唔使咨詢咁多人，啲反對聲音遠啲咪當聽唔 ...
香港地都仲算係自由掛帥日子
人既自由權利係最難搞
所以搞任何限制私家車既野
都必然會引地反彈
尤其如果閣下有自己車個陣
就可能唔會咁諗
但巴士公司唔同
因為政府角色係監管
巴士公司無絕對自由
欖隧邊Q度塞巴士？專登谷多啲私家車出嚟支持興建十一號幹線？