皇后山線研究專員請進
本帖最後由 asv98.kw131 於 2022-6-20 22:27 編輯有見咁多專家建議皇后山線改為類似 278A 區內走線，就一於俾少少參考資料同埋數據講吓啦。本人並非要求皇后山線唔可以經聯和墟，只係針對一啲要求飛起沙頭角公路，改行 278A 區內走線嘅建議，唔係沙頭角公路嘅乘客大晒。
【重要】
交代下皇后山邨入伙嘅情況先，其實目前皇后山邨入住嘅情況一直都係緩慢。基本上你入到皇后山邨都可以見到啲𨋢仲未拆木板，一架架嘅貨車，同埋搬運嘅工人，四周圍更加有鑽嘢立體環繞音。由此可見，目前已經入住嘅並唔多。
Q1, 途經聯和墟比起龍山隧道更加快？
根據行車紀錄員資料，同埋多年搭車經過聯和墟嘅經驗，途經聯和墟並唔會比起龍山隧道更加快，只係路程短啲，但時間係更加長嘅。（好明顯講得出呢句嘅人根本就未停過聯和墟嘅燈位）
建議各位可以求其上網搵 278A 嘅行車紀錄片，由皇后山去到塘坑需要 20 分鐘，但係由皇后山去到磚窰，只係需要 15 分鐘左右，行埋龍山隧道其實都係打和，甚至更加快。
Q2, 到底沙頭角公路嘅乘客佔咗幾多百分比？
根據「皇后山關注組」成員 Samuel Yip 嘅調查，發現沙頭角公路嘅乘客佔咗大約 45%，皇后山邨連同山麗苑嘅乘客只係佔咗 55%，同自己觀察嘅數據相若。最多人上車嘅站係山麗苑、孔嶺、馬尾下。由此可見，如果飛走沙頭角公路影響嘅乘客都佔咗幾大嘅百分比。（Source，私人群組 : https://www.facebook.com/groups/1065133770662938/permalink/1355997911576521/）作為參考，根據人口普查，皇后山區（當時仲未有皇后山邨同山麗苑）大約有 15000 人，皇后山邨同山麗苑預計有 30000 人，聯和墟大約有 21000 人，基本上如果飛起沙頭角公路都已經放棄咗三份二個聯和墟。當時上水嘅乘客要求 270B 唔兜華明圈，然後九巴話因為華明佔 35% 嘅乘客，所以唔可以改，當入晒伙之後沙頭角公路只係佔三分之一嘅乘客，但係都已經 33%。
重申，只係針對一啲要求飛起沙頭角公路，改行 278A 區內走線嘅建議，唔係沙頭角公路嘅乘客大晒。
如果要改，可以考慮以下兩個方向：
1：由聯和墟開出，然後途經龍山隧道。如果咁樣九巴啲線都俾人搶客嘅話，咁九巴應該要好好考慮吓自己做錯啲乜嘢。
2A：由沙頭角 / 打鼓嶺開出，然後途經皇后山邨同山麗苑、聯和墟。但係呢個措施可能會導致馬尾下一帶（即係目前幾主要嘅乘客）行車時間慢好多。（前提係要擴闊沙頭角總站）
2B：同 2A 一樣，但係只於非繁忙時間實施。
3：由坪原路開出，然後逆走行長山隧道出到磚窰，再去皇后山同聯和墟。可以做埋坪輋嘅客。不過都係影響既有得益者（馬尾下，一程過兼尾站）。
我做開貨運就知道，就算你要喺平輋屈返轉頭去龍山隧道，都一定快過塞過去嘅燈位，佢哋應該唔知未有龍山隧道之前，喺入面出去粉嶺公路係幾咁慘嘅事 本帖最後由 asv98.kw131 於 2022-6-13 01:45 編輯
重申：本人並非要求皇后山線唔可以經聯和墟，只係針對一啲要求飛起沙頭角公路，改行 278A 區內走線嘅建議，唔係沙頭角公路嘅乘客大晒。
呢個 post 重點在於反駁皇后山龍山隧道線區內改為 278A 行法嘅建議，並提出現時客量數據。並非在於證明皇后山龍山隧道線只係靠沙頭角公路客就夠，呼籲部分人士勿斷章取義。
話行龍山比較快係因為有人以「行聯和墟比較快」作理由支持皇后山龍山隧道線區內改為 278A 行法嘅建議，所以先提出反駁。
78X招標時，277A已出現，運署應該知道有機會唔係九巴中標，為避免走線重疊而互片，78X的走線刻意唔同。沙頭角公路沿途交通始終無粉嶺南咁繁忙，所以行沙公快過行粉南絕對唔出奇。 本帖最後由 asv98.kw131 於 2022-6-12 18:49 編輯
ricky 發表於 2022-6-12 18:46
78X招標時，277A已出現，運署應該知道有機會唔係九巴中標，為避免走線重疊而互片，78X的走線刻意唔同。沙頭 ...
呢方面我反而支持 277A 入皇后山邨，然後 78X 只係當 T277 咁樣做。但係目前都見到有競爭嘅效果，馬尾下以前係 277A 嘅主要客源，結果而家有一半嘅乘客都轉投 78X。
都係個句，凱婷係唔會俾新線同舊線有直接競爭，所以277A唔會入皇后山，亦唔會有聯和墟》皇后山》龍山直出 hsyip 發表於 2022-6-12 19:12
都係個句，凱婷係唔會俾新線同舊線有直接競爭，所以277A唔會入皇后山，亦唔會有聯和墟》皇后山》龍山直出 ...
呢樣就後話啦，最主要都係想同返一啲 278A 定線論支持者講返現實嘅情況。 asv98.kw131 發表於 2022-6-12 18:47
呢方面我反而支持 277A 入皇后山邨，然後 78X 只係當 T277 咁樣做。但係目前都見到有競爭嘅效果，馬尾下以 ...
如果做全日，想覆蓋更多地方，梗係揀277A；但想重點為皇后山居民，當然係78X。
不過，今年RPP提到277A將加車，78X之前亦加車，睇下點條線先郁。
ricky 發表於 2022-6-12 18:46
78X招標時，277A已出現，運署應該知道有機會唔係九巴中標，為避免走線重疊而互片，78X的走線刻意唔同。沙頭 ...
運吉招標78X就係要分工
（姑勿論合唔合理）
所以78X同277A只會各有各做，亦唔容許互𠝹
78X 可以有 139*45% = ~63 個又唔算差喎
按呢個幅度計全面入伙係有希望打得爆 本帖最後由 asv98.kw131 於 2022-6-12 20:13 編輯
KE7066 發表於 2022-6-12 20:05
78X 可以有 139*45% = ~63 個又唔算差喎
按呢個幅度計全面入伙係有希望打得爆
咁當然，0715 係最多客嘅一班，有人反映班車返 0900 都好抆。0745 同 0815 客量會差，但係唔影響沙頭角公路客嘅百分比。