kay 發表於 2022-8-26 22:40
開得小巴就當然想滿載
搞聯署唔係問題
https://www.facebook.com/photo/?fbid=480762487392665&set=a.380692274066354
白石角是後加社區，本身大埔市居民不喜歡白石角。基於九巴想用大埔價做白石角，令不少大埔區巴士線繞白石角，大埔市居民覺得白石角搶奪大埔市資源，積累很多怨氣。難怪A47X經白石角被ban及之前議員想N271繞白石角這麽大反應。
https://www.inmediahk.net/node/%E7%A4%BE%E5%8D%80/%E9%A6%AC%E9%9E%8D%E5%B1%B1%E5%BE%80%E7%99%BD%E7%9F%B3%E8%A7%92%E5%A4%A7%E5%9F%94%E6%8E%A5%E9%A7%81%E5%B7%AE-%E8%AD%B0%E5%93%A1%E7%9B%BC%E5%B7%B4%E5%A3%AB%E5%8F%8A%E5%B0%8F%E5%B7%B4%E4%B8%A6%E8%A1%8C
網媒報道
重點是巴士小巴並行
kay 發表於 2022-8-31 13:49
https://www.inmediahk.net/node/%E7%A4%BE%E5%8D%80/%E9%A6%AC%E9%9E%8D%E5%B1%B1%E5%BE%80%E7%99%BD%E7%9 ...
小巴巴士並行係人都識講，講白D咪就係最好乜都有
雖然，而家角度睇我唔覺得274P同26並存有太大衝突，但唔係呢班友咁去理解囉。
作為居民，有多架車我實支持
到時邊架啱用咪搭邊架
反正大埔同馬鞍山有好多位係冇26/806
da93 發表於 2022-8-31 14:07
小巴巴士並行係人都識講，講白D咪就係最好乜都有
雖然，而家角度睇我唔覺得274P同26並存有太大衝突，但 ...
根據D人既奇思妙想，小巴806B同73A都並行喎，
咁73A出現在先，806A／B唔應該出現？
咁係咪應該cut小巴806A／B？;P
271_N271 發表於 2022-9-3 20:23
作為居民，有多架車我實支持
到時邊架啱用咪搭邊架
反正大埔同馬鞍山有好多位係冇26/806 ...
呢個係真，一兩條小巴線邊做到咁多野，
就算做到，中途站上唔到車～
石頭 發表於 2022-9-4 00:48
根據D人既奇思妙想，小巴806B同73A都並行喎，
咁73A出現在先，806A／B唔應該出現？
806B點計都唔係同73A並行，甚至乎相似度更高嘅806a，我都唔會話佢同73A並行。
現實上一個白石角嘅客足以令806系小巴同73A起左分野，至於806B就更加，即係如果記得大水坑容帝仍然係大水坑容帝嘅時候，佢的而且確提到大水坑往返大埔嘅交通服務，當年佢就話要274P行埋佢果度，咁後來整條咁嘅小巴線，咪正中佢下懷囉。
如果再講番274P全日呢個糾結左成廿年嘅問題，其實根本成班一直忽視嘅係，26本身就係274P不全日下嘅替代品。
你話佢貴咩？佢係貴，day one已經係咁，要質嘅點解唔質鄭家富李國英黃碧嬌呢班？此其一。
其二係，佢成條小巴線嘅運作，收費結構，咁多年都冇改變過。改變嘅其實係區域之間嘅人口轉移，人文活動同埋九龍巴士晌某d區嘅巴士服務，先至出現今日呢個問題。
人口轉移黎講，大埔新市鎮始終長年欠缺大型發展，晌富蝶之前嘅新公屋要數寶鄉邨，如果要再數上去嘅已經係九十年代富亨運頭塘呢堆公屋，令到好多晌大埔成長嘅八九十後，晌佢地成家立室之後就搬離大埔，當中北區同埋沙田/馬鞍山係吸引左唔少呢d人，始終呢兩區無論晌公營房屋定私樓嘅供應上亦比較多，而且鄰近大埔，咁樣令到呢d地區嘅交通使用量持續上升。
而本身交通服務上，當年26開辦之時，教院嘅275仍在世上，而大埔工業邨嘅72A，73當年嘅服務比今日仲要多，但今日做到咩樣？將一d巴士唔願做嘅客放落26度，然後鬧佢人多唔夠車服務曳呢種說法對小巴真係公平？不如重新分工。係咪你巴士公司可以唔介意收得平又做得好大埔工業邨同教育大學個交通服務先？
石頭 發表於 2022-9-4 00:49
呢個係真，一兩條小巴線邊做到咁多野，
就算做到，中途站上唔到車～
其實晌26開線頭果幾年黎講，的確係夠做有餘。
所以晌26開線之後果幾年，基本上大埔區議會冇乜再提及274P全日，反正唔介意用錢買時間下可用小巴，想平嘅亦可以用舊有嘅火車轉巴士，另一方面晌307全日之後，基本上對大埔嘅主要交通問題都解決左，而巴士公司有好幾年上會嘅RPP，策略上都係以主要路線加車加班，二三線水平嘅就集中於全空調化為主，其實要攪嘅野唔太多。
而白石角嘅地皮晌果段時間亦都未拎出黎賣，同今日比較，的確係兩回事。