ryandroid 發表於 2022-9-13 01:15
咁呢啲當然要有監管制度
但運吉、區議會、交咨會都做唔到應該做嘅嘢
亦好難有改善
就算唔係獨立機構，都係要一個認受性比較高嘅機制去管。
而點樣提升認受性本為政府應該要思考嘅問題。
而家好多時好多問題就係監管者無充分發揮個職能，點解演唱會會跌個mon落黎，冧天秤，以至鉛水等等嘅問題？
本帖最後由 da93 於 2022-9-13 01:35 編輯
ryandroid 發表於 2022-9-13 01:27
政策局係制定制策
佢始終要搵個部門/機構去執行
正如環境局有環保署
所以政策上有咩問題，我一定係叫你問政策局。
執行果個其實好多野係答你唔到，分分鐘你問運輸署可加可減機制佢都唔識答。
就算你話監管，佢都只係按照制定落黎嘅政策去做，但個監管機制有冇需要改，執行果個答你唔到。
da93 發表於 2022-9-13 01:30
就算唔係獨立機構，都係要一個認受性比較高嘅機制去管。
而點樣提升認受性本為政府應該要思考嘅問題。
因為公務員係特性係保守
基本上係唔會期望佢哋與時並進
冇事就冇問題㗎啦
由其係有專業資格嗰啲
唔單止係專業資格嘅公務員
連有資深專業資格嘅專家都係一樣
佢可以理直氣壯話香港嘅交通其實好好
只係某啲幹道路口塞車
而唔係成條路停哂車
比起世界其他地方已經好好㗎啦
我心諗成條路停哂車嗰啲叫癱瘓喎
你攞第三世界嚟比啊？
而嗰個人住東區返港島工囉
連專家都係離地
Set 出嚟機制都只會係離地
除非啲專家同高官唔再住港島返港島工
否則佢哋基本上係脫離唔到佢哋嘅疆化思維
另：咁環保署個範疇闊過運輸署好多，攪回收佢嘅，節能佢嘅，空氣污染佢嘅
隨時機電工程署涉及嘅運輸範疇仲多過環保署。
本帖最後由 da93 於 2022-9-13 01:51 編輯
ryandroid 發表於 2022-9-13 01:40
因為公務員係特性係保守
基本上係唔會期望佢哋與時並進
冇事就冇問題㗎啦
可能佢搵北京果d乜環物環黎比卦
而家你仲信專家？淨係叫人同你講唔好等兒童復必泰都知咩事啦下話
香港嘅交通好係在於港英留下來嘅基建，佢預設出黎嘅流量足夠你上20年咁去使用，但如果不停將人口越搬越遠嘅話，而基建配合唔到嘅話，就會出現而家呢個問題
遠嘅唔講，吐露港擴闊99年話做，但原來當時政府預設去到2011年，有咩去到2011年後先諗。
你去做個工程，11-12年嘅預期用量，同足夠你應付二三十年嘅使用量，自然係兩回事。
da93 發表於 2022-9-13 01:33
所以政策上有咩問題，我一定係叫你問政策局。
執行果個其實好多野係答你唔到，分分鐘你問運輸署可加可減 ...
正如上篇回文所講
政策局嘅人係咩人先
上個陳局長本來想做房屋拉政績
結果佢離任前呻運輸政策佔咗佢大半工作
政策局嘅人冇心做地區交通
唔熟交通政策
唔識交通市場嘅話
係期望唔到佢可以做到咩好嘅政策同監管
佢只能夠依賴專家
而香港嘅專家唔少都係得個資格但離哂地
政府搵唔搵到適合嘅專家都成問題
加上交通行頭超窄
啲專家建議嘅制度、政策又係咪夠中立、反映市民需求同與時並進呢？
da93 發表於 2022-9-13 01:44
可能佢搵北京果d乜環物環黎比卦
而家你仲信專家？淨係叫人同你講唔好等兒童復必泰都知咩事啦下話
問題係咁嘅心態已經唔要得啦
原來交通冇問題嘅話要你班專家高薪厚職嚟做乜？
我梗唔信專家㗎
但制定政策嘅政策局係信專家嘛。。。。
ryandroid 發表於 2022-9-13 01:50
問題係咁嘅心態已經唔要得啦
原來交通冇問題嘅話要你班專家高薪厚職嚟做乜？
所以你成個政府個信任程度咪越黎越低囉
本帖最後由 da93 於 2022-9-13 01:57 編輯
ryandroid 發表於 2022-9-13 01:48
正如上篇回文所講
政策局嘅人係咩人先
上個陳局長本來想做房屋拉政績
駛乜啫，你會唔會搵個會計師去做文化體育局局長丫
有邊屆政府唔係想搵房屋做政績架？689攪咩？林鄭攪咩？去到而家比加超都係搵房屋做政績
最慘嘅係，就算專家講完野你政府都唔一定覺得啱聽。
梁卓偉叫你放棄清零，肯聽咩？
da93 發表於 2022-9-13 01:41
另：咁環保署個範疇闊過運輸署好多，攪回收佢嘅，節能佢嘅，空氣污染佢嘅
隨時機電工程署涉及嘅運輸範疇仲 ...
佢哋範疇多
但係佢哋最多只係會判出去做
唔會喺市場bargain