WR309 發表於 2022-11-22 08:39
78A基本上行到點都係大留後, 粉嶺名都一站都可以上落足五分鐘,
即使假日, 放超過7分鐘一班, 或者火車站一帶 ...
有機會213M賺多啲，78A轉其他巴士線78A係免費，然後轉港鐵又減1蚊，皇后山又有1蚊機，213M轉車都要補4毫，可能旺丁唔旺財，213M藍田都可以上好耐客🤣
12Lane 發表於 2022-11-22 08:47
現階段真係完全見唔到皇后山以北會有發展。粉嶺北同古洞又唔關佢事，印象中打鼓嶺坪輋嘅新界東北市鎮發展 ...
新界東北市鎮發展而家做緊土地規劃同工程研究，不過相信個頭未來十幾二十年都唔會有任何大型發展落成
mattwong09 發表於 2022-11-22 10:09
新界東北市鎮發展而家做緊土地規劃同工程研究，不過相信個頭未來十幾二十年都唔會有任何大型發展落成
...
規劃一早已經係失當，龍馬路原本就係單程路食唔到咁大既車流量。果到本來係用來起大學，而家係個孤島塞幾萬人入去造成出入都係一條路，遲早出事
香港永遠唔用腦規劃一日都刻以為有地起樓就得完全無諗過配套同社區問題
HR1377 發表於 2022-11-22 08:56
78A能否兜入粉嶺車站路？
繁時拆條皇后山直去粉嶺站點都好過而家循環一雞N味效率又低班次又唔穩。而家停名都仲要穿過人地屋苑停車場先搭到地鐵真係得啖笑。
ricky 發表於 2022-11-22 09:46
78X都無得削，非繁已一小時一班車。
改番做四出四入咪得囉
本帖最後由 asv98.kw131 於 2022-11-22 12:56 編輯
本來其實只需要加聯和墟一齊做已經養起一條全日線。278A 開咩班次話？
270C / 270D 入坐率幾高話？
聯和墟的確多人過沙頭角公路，但係聯和墟有 278K + 車海小巴，沙頭角公路得疏車 78K 79K（78X 79X 服務嘅路段係唔會有位上小巴），沙頭角公路會 All in 搭 79X，但係聯和墟可能唔係人人揀 79X（呢個亦都係 278A 少客嘅原因之一，當然有冇咁多人去荃灣就係另一個問題）。就算係最多人嘅粉嶺南，270B 都係 20 分鐘一班，某程度上都係呢個原因，273 密車接駁，自然唔會死等 270B，然後 270B 冇得加班，之後少客，無限輪迴。舉例，如果聯和墟有 30000 人，但係得 45% 願意死等 79X，沙頭角公路有 15000 人，但係 90% 願意搭 79X，咁其實都係一樣。當然我冇好詳細嘅數據，但係 270C 270D 做成咁，繁忙時間 79X 一班車客量已經等於 270D 3 - 5 倍嘅情況下，其實真係唔樂觀。可能有人會話繁忙時間路線得幾班車，啲人自然唔會特登等 270C 270D，搭 278K / 小巴轉車算，所以少啲客，但係 278A 未全日嗰陣、978A 都喺聯和墟上唔少人架喎。
277A 咪又係可以去聯和墟，結果呢？非繁一班車得 10 個人搭，3 - 5 個喺聯和墟落。
其實北區主流都係搭接駁轉火車，除非定線十分有效率，好似70，70x vs 270A同277E呢個故事咁，有效率又入心臟地帶，乘客先有誘因減少倚賴火車
始終我都係認為皇后山巴士唔係為皇后山而設，而係為成個坪輋發展區而設，只睇眼前業績未免太短視。
只係住入去居民成日鬧交通幾唔完善，好老實，城記要維持成條邨基本服務水平，呢個服務水平已經係最適合。
bennyho1004 發表於 2022-11-22 11:58
規劃一早已經係失當，龍馬路原本就係單程路食唔到咁大既車流量。果到本來係用來起大學，而家係個孤島塞幾 ...
你講政府唔用腦之前，可想自己有無用個腦去諗下政府真係有自主權嗎？
政府早有自主權的話，就唔會不停湧入單程證，你又知唔知就算關封咗，疫情下連回鄉證都唔可以申請的日子，仲仍然如常地可以做單程證，雙程證同各種同胞來港嘅旅遊證件？政府都同你講咗佢無權阻止單程證來港。而且，政府對大量港人移民採取消極態度之餘，只係同世界講我要搶人才返嚟，唔係勸人回流，亦話俾你知移居唔等於移民。你就知全國對香港的人口政策係乜嘢。你鬧政府無腦前，有無諗過呢堆全盤問題？
單程證一來港，就嘈無屋住，又嫌單位太細。結果起嘅公屋，十居其九都係大陸口音，香港人排到死嗰日都唔夠人上樓快。
如果香港係有自主權，可能發生呢種事情嗎？咁如果你真係有腦，你可以好似simcity即刻變公路，變鐵路，然後覓地起屋去滿足從上而來的壓力嗎？話人有無腦前，都要諗下客觀環境係點樣。
bennyho1004 發表於 2022-11-22 11:58
規劃一早已經係失當，龍馬路原本就係單程路食唔到咁大既車流量。果到本來係用來起大學，而家係個孤島塞幾 ...
就算龍馬路有十線，出到龍躍頭咪又係塞沙頭角公路～