巴士的膠 發表於 2022-12-24 16:34
咁的確對屯門係無乜用，現時屯馬轉東涌/東鐵過海直達中環、金鐘。
咁就要睇到時實際行車時間會唔會快左喇，好似中鐵線咁大西北雖然要轉兩次去東九，
但SELL特快時間吸引一樣都有人會搭，將來用咩車真係好關鍵，
如果控制到由屯門站去港大呢段30分鍾內完成，都仲有吸引力既
洪水橋轉車似而家金鍾東鐵轉港島，港大就睇下有冇本事學紅磡咁向下挖深一兩層轉車，
尖東尖沙咀式轉乘唔知睇邊到係用係堅尼地城站。
包埋去龍鼓灘填海區嗰條支線, 你哋估有冇機會實現番N年前嗰條伶仃洋大橋, 2047年後直通珠海?
EX-TL 發表於 2022-12-25 00:01
包埋去龍鼓灘填海區嗰條支線, 你哋估有冇機會實現番N年前嗰條伶仃洋大橋, 2047年後直通珠海? ...
深圳自己已經有深中通道
條港珠澳都under-utilized
都無咩需要係中間再起多條啦
EX-TL 發表於 2022-12-25 00:01
包埋去龍鼓灘填海區嗰條支線, 你哋估有冇機會實現番N年前嗰條伶仃洋大橋, 2047年後直通珠海? ...
去到龍鼓灘都冇位入海？而且嗰條係重鐵？
Toz 發表於 2022-12-22 22:19
海底長隧道既逃生問題有好多方案可以用，包括人工島，海底站加獨立逃生管道等等
以兩三個逃生用既人工島串 ...
可行當然係可行嘅,長距離海底隧道有英法隧道,青函隧道等,建造時你以為唔會考慮逃生問題?當台海高鐵(或任何基建)被規劃,理論上已經可行,可行性已被考慮。
20160424 發表於 2022-12-24 23:34
咁就要睇到時實際行車時間會唔會快左喇，好似中鐵線咁大西北雖然要轉兩次去東九，
但SELL特快時間吸引一樣 ...
如果真係要駁港島線，其實西港島線條尾已經幾乎去到西環垃圾轉運站咁滯，起個新站做紅磡模式轉乘應該最方便。
而如果以經濟效益諗，就應該先考慮幾個跨海段都採用公路同鐵路共構，咁考慮的話，如果公路係駁城西道個預留位，咁的確駁港大站而車站設喺干諾道西160號附近係最合理。
至於有版友成日講高速車跑到130-160好快云云，其實即使用普速車，去到洪水橋可只係差五分鐘，因為真係去到極速嘅路段都唔會好多，亦唔係好長，呢個時間差其實可能直接延伸港島線仲化算。
本帖最後由 20160424 於 2022-12-26 20:30 編輯
巴士的膠 發表於 2022-12-26 01:07
如果真係要駁港島線，其實西港島線條尾已經幾乎去到西環垃圾轉運站咁滯，起個新站做紅磡模式轉乘應該最方 ...
西環垃圾轉運果邊坡度太大上唔切岸，連之前堅尼地城研究起站，條軌都係兜大彎去摩星嶺拉長距離先潛落海
如果個站只係擺得干諾道西160號，就駁唔到堅尼地城，同港大站亦有直線500米距離，轉港島線非常唔方便，除非可以繼續伸去中環
同埋唔好淨係諗香港段，呢條線概念以港深西部鐵路區域快線為主，有可能再上大陸前海更北地方，否則都唔駛臨陣飛起屯門，
就算香港段用唔盡高速，大陸段都一定用到，有快梗係用快，仲要講緊十年後配置規格，用幾千億起本地通勤龜速? 到時香港機場快線都變機場慢線了。
其實點解鐵路定線唔係經立法會討論，而係政府一言堂？
MrLau 發表於 2022-12-25 17:37
可行當然係可行嘅,長距離海底隧道有英法隧道,青函隧道等,建造時你以為唔會考慮逃生問題?當台海高鐵(或任 ...
但係事實係目前為止，大陸與海南島都無辦法連繫上。瓊州海峽跨海仍然未實現。
20160424 發表於 2022-12-26 09:48
西環垃圾轉運果邊坡度太大上唔切岸，連之前堅尼地城研究起站，條軌都係兜大彎去摩星嶺拉長距離先潛落海
如 ...
大陸而家穗莞深都只係140