LR7875_7B 發表於 2023-4-26 18:51
陰乾17何文田反枱都遲
咁93K又唔會搞到17無咗一半班次嘅，相比之下17同其他路線比已經夠風光
但係就算喺45班次上，你睇下班愛乜愛物嘅議員幾落力，睇怕要做都係任人魚肉
本帖最後由 s3n370 於 2023-4-26 12:52 編輯
castanopsis 發表於 2023-4-26 00:09
做唔做得到係一回事，問題係心態
港島堆蝕錢線，以前既新城係差唔多隔年就改一次，試下搵唔搵到新客
最經 ...
1. 你真心覺得九巴，或者任何巴士公司無推過呢D plan/推佐D“垃圾”plan出嚟，
係諗唔到、無諗過、甚至係唔諗？
2. 西諺有句：If it ain't broke, don't fix it
背後嘅意思係好地地就唔好改，改佐有機會仲衰就不如算數。
我咁講唔係話完全唔改，而係大錯大改，小錯小改。
如果ain't broke得黎，改得黎好處極明顯，
壞極都not too bad，更加可以放膽去改。
3. 你有無見D大線除佐開特車upgrade也好，繁時提速也好，有幾可大改特改？
新鐵路通車鐵定會令巴士“broke”，
而家老虎蟹都睇定點“broke”，先至決定點去fix。
就係呢個邏輯。
4. 城巴25B係改完再改不斷試，請問而家去佐邊呢？
九巴41->241X咁改，呢個唔係嘗試咩？
我諗個分別係呢個係好定壞嘅嘗試。
有乜好壞都傾過哂，响唔同板友心中有數。
5. 呢度嘅討論已經足以顯示，每個改動都有優劣，
點取捨係因人而異。
咁以經足夠令唔少plan胎死腹中。
6. 我諗無論從事邊行、職位高低也好，總要同其他人甚至唔同機構合作。
問題只係多與少，同有幾深入。
想講嘅係點推件事嘅過程，對計劃嘅影響更舉足輕重。
7. 我無本事入巴士公司做喇，純從日常工作邏輯，
投射到呢度已知嘅從RDP到落實整個過程去睇，
剩係內部傾都可以好似呢板咁多意見。
上到去老闆、再對上N個老闆，點拆佢地嘅質疑呢？
8. 去到面見凱婷呢關，點巴膠都無法迴避對其他交通同乘客嘅影響，咁應該點拆呢？
（就算擺明開條線同鐵打被bam，
你唔係同我講應該一句bam落凱婷度，
鐵路為主等等政策係唔合理同垃圾？）
落咁多個區咁多個區議員呢？
9. 過哂咁多關，去到落實，派更一句話有問題都足以再執。
呢壇咪又係因為45嘅師傅表搞唔掂，要押後實施？
到爆鑊，你手頭有幾多籌碼補鑊呢？
10. 題外話，呢度只係香港，拉下你提過嘅倫敦。
設想香港仿效倫敦嘅架構，
每個區議會係有實權嘅區政府，
有相當實權去否決運輸署嘅計劃，
唔存在行政指令呢把“尚方寶劍”，對推行件事有幾大影響呢？
（嗱，作個情境出黎咋，絕對唔係顛覆政權呀）
11. 呢D係切切實實嘅操作，甚至可能係政治操作。
從件事去睇係用同一個logic去做，分野係技巧上嘅高低。
任何立場根本無法避免同左右。
而唔係約化做立場、轉軚、愛恨呢D表面以至虛無縹緲嘅事上。
（係呀，呢句擺明係俾某人睇）
12. 去到呢度講得大佐D，亦戴定頭盔先，純粹係投射。
我估計呢度大把响凱婷、巴公做緊嘅巴/交通迷可以一眼睇到有乜錯。
（不過費事理我呢D塘邊鶴、鍵盤戰士啫）
13. 我絕對唔係要求下下都睇到咁大，
終歸呢度只係興趣為本嘅吹水區。
所以resort to立場、轉軚、愛恨其實係無問題。
個人對自己嘅要求係邏輯正確，貫徹始終啫。
反駁嘅一般都係呢個思路。
14. 個人無本事入巴士公司啫，咁做邊行都幾明顯，亦都有人講過。
工作上同巴士公司合作都唔係無機會。
分享下工作日常聽到嘅真實對話，基於工作道德，
講下情境應該問題不大。
“而家X路要封N個月，受影響嘅路線可以考慮改行Y路或者Z路，不過據分析顯示，Y路爆哂鑊，行Z路會好D。”
通常就會有以下回應
“嘩，Y同Z都兜到嘔泡喎，N個月後係咪可以回復原狀呀？係嘅就算啦”
“嘩，Y同Z都兜到嘔泡，仲要改咁耐趕客喎，可摸耳咁咁咁做，唔駛兜咁遠呀？”
“係？睇下先...無錯Y路係爆，不過都係繁忙時間死啫。其餘時間Y路快好多，全日拉勻都係Y路好喎”（又或者都無分站受影響，可摸耳俾師傅即場揀Y定Z呀？）
有更多講佐出黎，就算剩係講情境，心水清會知講緊邊單工程同邊組線。
15. 工程焗改，選項唔多，巴士公司做唔到D乜，都可以拗到牙血都出埋。
我唔可能相信有如open question嘅RDP，反而無乜選項，可以拗得少過呢D情景？
16. 以上經歷再加上個人相信一山還有一山高，
所以巴公出D乜plan，傾向疑中留情，
會唔會有其他考慮就係咁解。
17. 又戴頭盔，當件事涉及基本價值，咁我都會直接鬧同反對。
之不過公共交通改動好少涉及（本人嘅）基本價值。
啱搭就搭，唔啱咪用對腳同荷包投票囉。
1181174166 發表於 2023-4-25 23:33
客滿直飛咪就係有版友指出同村巴有乜分別囉
客唔係傻，大家成日拎小巴出嚟講嘅時候，有條叫28M就成日爆
係 ...
呃...我劈頭第一句已經話小巴有如泥鯭的...
咁唔同公共交通工具總有利有弊，小弟亦晨早講佐係從整體黎講。
你highlight個別缺點，係無助討論架喎。
本帖最後由 1181174166 於 2023-4-26 21:37 編輯
s3n370 發表於 2023-4-26 20:57
呃...我劈頭第一句已經話小巴有如泥鯭的...
咁唔同公共交通工具總有利有弊，小弟亦晨早講佐係從整體黎講 ...
而我亦針對旺角塞車指出過如此低載客量嘅交通工具加劇擠塞，大局上都唔理想
45(或類似6B方案)做到20一班已經足夠應付何文田需求
1181174166 發表於 2023-4-26 13:25
而我亦針對旺角塞車指出過如此低載客量嘅交通工具加劇擠塞，大局上都唔理想
45(或類似6B方案)做到20一班已 ...
麻煩返返去小巴只係行單邊，如果改做巴士會點啦。
塞車係要考慮，但唔係唯一嘅考慮。
s3n370 發表於 2023-4-26 21:39
麻煩返返去小巴只係行單邊，如果改做巴士會點啦。
塞車係要考慮，但唔係唯一嘅考慮。 ...
凡事留一線，我又無否定哂小巴嘅去留，
只不過巴士做返合理班次，小巴需求應相應少啲，而且近年聽過下紅小都無以前咁密
長深荔同旺角街市，小巴唔到，前者又係咪差到要半個鐘先一架車?
本帖最後由 s3n370 於 2023-4-26 23:38 編輯
1181174166 發表於 2023-4-26 14:01
凡事留一線，我又無否定哂小巴嘅去留，
只不過巴士做返合理班次，小巴需求應相應少啲，而且近年聽過下紅 ...
你呢句要成立，需要同時符合兩個條件：
1. 俾小巴營辦商轉大巴，
2a. 小巴齋做旺角客 或 2b. 無何文田站。
My point is有佐何文田站，已經少佐班人响旺角轉小巴，
特別是往日未有何文田站，搭鐵去旺角轉小巴果班客。今日搭多兩個地鐵站先至落車。
今日係得搭巴士轉小巴果班客，仲有意欲轉小巴上山。
响呢個環境下，由小巴改巴士，都易令巴士轉乘小巴嘅客跌埋，齊齊雙失。
對巴士嘅影響隨時大過41唔再經深水埗。
咁當然，我都講過小巴無乜人入行，轉大巴似乎只係時間問題。
s3n370 發表於 2023-4-27 07:36
你呢句要成立，需要同時符合兩個條件：
1. 俾小巴營辦商轉大巴，
2a. 小巴齋做旺角客 或 2b. 無何文田站。 ...
咪住先，小巴轉35座唔係我講
而轉車上山，巴士轉巴士已經係一個出路，只不過30分鐘一班搵鬼轉
1181174166 發表於 2023-4-27 11:06
咪住先，小巴轉35座唔係我講
而轉車上山，巴士轉巴士已經係一個出路，只不過30分鐘一班搵鬼轉
麻煩你搞清楚邏輯先
你自己話小巴19座落旺角呢個繁忙區域唔理想，
咁即係要搵巴士，幾班小巴夾埋一班巴士做。
車數少佐唔係開疏佐，就係兜多條邨。
巴士唔駛等滿座都要站站停，咁咪即係慢佐囉
慢佐無話唔可以繼續巴士轉巴士架，
但係吸引力仲有無咁高先？
s3n370 發表於 2023-4-28 05:46
麻煩你搞清楚邏輯先
你自己話小巴19座落旺角呢個繁忙區域唔理想，
香港應該係全世界先進城市但又容許多於一種交通模式有較直接競爭
主要係小巴同巴士，同埋兩間唔同巴士公司
互相競爭短期效果係為爭生意可以服務供過於求，但長遠其實係分散資源效率低
雖然有何文田站
但如果又搬返外國模式兼當唔會太趕居民去行路
其實18/41/45/241X/小巴全部都唔使要
淨係旺角-何愛開頻密feeder bus已經足夠，相信就算非繁忙時間都可以10分鐘一班
旺角幾十條線去長沙灣道，平均班次極密而且咁多條綫咁多班車總會有idle capacity無需額外資源
只要收費系統同站位（同站轉乘）配合到，唔使點等車地轉一次車其實另一個角度好過20/30/40分鐘一班所謂直車
做到呢個效果的話，其實仲方便過地鐵轉綫
當然呢個係靠集中個需求得嚟，包括埋小巴嗰份
香港人受唔受呢套就另一個問題